طلبات نوتة أ / عادل صموئيل الجزء الثانى - الصفحة 782

**عادل صموئيل** · #**7811** 24/01/2021, 09h58

احبائى

مش حاخليكم تنظروا كتير الاغنية الصعبة واللى مش ممكن حد يقدر يدونها هى

ياطيور

للفنانة اسمهان .. وزى ماقلت ماهى انطلبت من زمان كذا مرة وكل ما اسمعها اقول اقفل اقفل ..بس لما فكرت فيها لقيت الحل .. وده اللى اكتسبته من العمل مع العمالقة انك تشغل مخك .. يعنى انا ساعات بعمل حاجات ممكن الناس يصقفوا لى وناس اكاديميين معقدين ما يعجبهمش الى بعمله .. وللعلم عب الوهاب حصل له كده اول حياته .. لما لقا التلحين عبارة عن قوالب ولازم يلتزم بيها .. لكن هو عنده فوران رهيب فى جمل الموسيقية عامل زى الفرس الجامح اللى لازم تديه مساحة عشان يجرى ما ينفعش يتحبس فى قفص .. فخرج عن القوالب دى وللعلم هاجموه واتهرى شجب .. لكنه استمر وطلع هو اللى صح وبعد كده بقت الموسيقى كده يعى تعمل مقدمة تحط فيها كل الل ى فى نفسك يعنى حتى لو انت عايزها جملة واحدة يبقى انت الى عايز كده ماحدش بيرغمك تعملها كده .. يعنى كتير وانا كمدون بكتشف الحكاية دى اوى .. بيعمل لحن وربنا يديه شوية جمل رائعة كان ممكن يعملها فى 3 اغانى تانى ويكسب فلوس لكنه كان بيوهب الوقت للحن الى بيعمله يعنى لو ربنا فتح عليه بيحط جمل جميلة كتير .. هنا فى ياطيور خطورتها الاسراع والابطاء .. ولو حد حب يكتبها كالعادة يعنى الاول بنشوف السرعة ييجى كام وتبقى دى سرعة اللحن .. حايمشى معاك كام مازورة بعدين فجأة النغمات بتسرع بشكل مجنون .. وهنا ببيقى المازورة فيها حروف كتير جدا او النوار الواحد حا يحتوى على علامات كتير وحاتبقى مستحيل تتقرى .. ممكن تتقرى عند بتوع السيمفونى لكنهم برضه مش بتوع شرقى يعنى لو جت الجملة الشرقية ما يعرفش يقولها او لو قالها حايقولها اكاديمى مش حايطربك .. بمعنى انت لما تقول بياتى لازم تسلطن البياتى .. لو قالها واحد عازف بتاع غربى حا يحط صباعه فى المكان الحسابى لل مى نصف بيمول وحاتبقى رديئة جدا .. ووجدت الحل وهو تغيير السرعة وهنا تاخد بالك اوى من تغيير السرعة طبعا هى حاجة تقريبة يعنى مفيش رادار بس انت تحس انها هنا بطأت شوية وهنا اسرعت شوية بحيث انى اكتب الصعب يبقى سهل ... وانت لما تشوف النوتة الحمد لله يعنى انا فكيت اكتر من 80 % من صعوبتها ومع اطيب تحياتى

**عادل صموئيل** · #**7812** 24/01/2021, 14h48

احبائى

اغنية

ف كل حى ولد عترة

ياسلام لو الاغانى تبقى كده عشان بقالهم اسبوع بيطلبوا اغانى متوحشة
مع اطيب تحياتى

**omarhalim** · #**7813** 24/01/2021, 19h09

[QUOTE=عادل صموئيل;765710][CENTER][SIZE=5][COLOR=Blue]احبائى

ياطيور

استاذي الكريم عادل المحترم

سلمت يداك الماسية عمل رائع و تدوين دقيق سهل .. لا يقدر عليها اللا من صاحب العمالقة

اسمح اذكرك بطلبي لو سمحت اغنية جبل التوباد للاستاذ عبدالوهاب

مع كل الامنيات لك بالصحة والعمر الطويل

عمر /لندن

**yasser sna** · #**7814** 24/01/2021, 19h56

الله الله يا سلام على ايديك اللي تتلف بحرير دكتورنا واستاذنا عادل ومشكور كتير كتير على تنويط اغنية يا طيور الف تحية وسلام ترفع لك القبعة

**علي ثلاثة** · #**7815** 24/01/2021, 20h05

أستاذ عادل
ألف ألف ألف شكر على أغنية يا طيور
فهي حقا تحفة يعتز بها كل مولع بالطرب العربي الأخاذ
وخصوصا من تدوين الفاضل الأستاذ عادل
ولكن هذه التجربة الفذة خلقت فينا
نهما جديدا للرائع من جواهر الطرب العربي ودلتنا على من يقرب تدوينه
بأسهل طريق
ومن يكون هذا غير الأستاذ المتمكن
مدون يا طيور
وهنا تحضرني بعض الأعمال التي أقنعتني تجربة ياطيور
بإمكان تحقيق تدوينها من مثل
ختم الصبر بعدنا بالتلاقي
اسأل الفجر والغروب
وإمكان إدراج بعض الأوبريتات

أخيرا أجدد شكري وما كتبته الآن ما هو إلا نتيجة
لسعادتي بتدوين يا طيور
ودمت في أحسن حال

**سامريونس** · #**7816** 24/01/2021, 20h27

مساء الخير الاستاذ الفاضل عادل صموئيل ياريت اذا ممكن تدوين
أغنية فيروز بردبرد لي بردا

رابط الاغنية https://youtu.be/qDJFdXwjkXA

**منذر44** · #**7817** 24/01/2021, 22h34

استاذ عادل شكرا على تحفة يا طيور
هي فعلا مفاجأة من العيار الثقيل
وبالنسبة لاغاني فيروز من حق حضرتك تدون الاغنية التي تراها مناسبة
مع اجمل تحية

**عادل صموئيل** · #**7818** 25/01/2021, 21h46

احبائى

لأخى العزيز منذر اقدم 4 اغانى فيروز انا حبيت احطهم فى مشاركة واحدة توفيرا لعدد الصفحات اللى ابتدا يبقى ضخم

انا وبلادى

رجعت فى المساء

وطن النجوم

ياساحر العينين

مع اطيب تحياتى

**عادل صموئيل** · #**7819** 25/01/2021, 21h47

احبائى
ومع العيار التقيل اغنية عبد الوهاب

جبل التوباد

مع اطيب تياتى

**عادل صموئيل** · #**7820** 25/01/2021, 21h49

احبائى
ومع العيار التقيل اغنية نجاة الصغيرة

ياهاجر بحبك

فيه ملحوظة بكررها لما بنزل حاجات كتير كده مع بعض مش معناها ان بيتعملوا بالساهل يعنى ده شغل انتحار مع اطيب تحياتى