طلبات نوتة أ / عادل صموئيل الجزء الثانى

[elarabi]

المايسترو و الاستاد القديرعادل صموئيل
عندي سؤال يبدو متداول و بديهي كيف يمكن معرفة درجة قطعة موسيقية او اغنية و هدا في حالة عدم معرفة المقام لانه ادا اتضح المفام يسهل معرفة الدرجة و من دونه يصعب معرفة دلك.
مع متمنياتي بتلقي خبر مفرح في هده الايام القليلة المقبلة


اخى العزيز انت سألت اهم واخطر سؤال يعنى اول شى ببتدى بيه لما اجى ادون اغنية انى اعرف التون .. اولا فى الملف المضغوط اللى انا منزله فيه ميدى بيانو ده باخده واضعه على الديسك توب ولما افتحه يطلع لى بيانو بختبر بيه التون بتاع الحن وعلى فكرة هو مش محتاج تسطيب يعنى خد البيانو وحطه يشتغل على طول ... يعنى انا بخبرتى ممكن اعمل حاجتين اما اخد الحروف الاولى من الاغنية واعزفها على هذا البيانو وبحس منهم سلم او مقام اللحن ..او مثلا بحس اللحن بياتى بتصوره واحس لما اساس المقام ييجى وهو نغمة رى بجسها على هاذا البيانو لو طلعت رى كان بها .. فيه احيانا بيبقى اللحن طبقة صغيرة ايضا من هذا البيانو بحس ان هذه الرى هى دو .. اما مشكلة المشاكل .. لما بحس ان الحن من درجة نقص نصف تون او مختلف نصف تون يعنى مش من دو ولكن من دو دييز مثلا او حاجة زى كده .. دى كانت بتحصل من نقل الشرائط زمان يعنى كانت احيانا يتختلف السرعات فى اجهزة التسجيل بحيث انك لو نقلت شريط وحبيت تذيعه على جهاز آخر تلاقيه فارق نصف تون .. وهنا مش ممكن اى مدون يعرف يدونه لأن احنا اكتر شىء بنخاف منه الدليل .. يعنى انا ما اقدرش ادون لحن فيه 3 دييز او 4 دييز وادخل بيه على فرقة مش حاتحصل لأن حاتزعح الكمنجات .. هنا انا بحدد من هذا البيانو الل ما اقدرش استغنى عنه السلم من انهودرجة بالظبط لو طلع مثلا مرتفع نصف تون .. بضع اللحن على برنامج رائع آخر هو Audacity البرنامج ده ما اقدرش اشتغل على كمبيوتر وهو مش موجود ده تميزه ان بتفتح عليه البرنامج وبعدين فيه فى شريط المهام كلمة تأثير او ما يقابلها فى اللغة انا عندى البرنامج بيتفتح عربى تفتح القائمة وتبحث عن كلمة تغيير الحدة يفتح لك نافذة تقدر تنزل او تطلع اللحن لأى درجة يعنى تون او نصف تون او تون ونصف كما تريد طبعا انا بختار السلم السهل فى التدوين وكمان عشان يكون الدليل فى متناول الجميع بعد كده بحفظ الملف الجديد بعد تعديل السرعة بعدين بفتحه على برنامج كول ايديت لأن ممكن بتبقى شايف اللحن قدامك تقدر توقف مازورة مازورة وطبعا بفتح برنامج انكور واشغل كول ايديت اسمع المارزورة وادونها وهكذا تميز كول ايديت انك كل ماتمشىة فى اللحن تحرك المؤشر وتعمل نقطة بداية للأذاعة قريبة من املكان الل بتكتل فيه يعنى خلصت جملة كاملة بقف بالمؤشر على اول الجملة اللى بعدها والرنامج ده ايضا بيمثل روحى فى التدوين لأن اى برنامج تانى بيرجع كتير جايزعجنى يعنى زمان لما كنت بدون من شريط كاست ياما خربت اجهزة تسجيل وشرائط من التقديم والترجيع عارف كنت اول حاجة بنقل نسخة من الشريط لأن من كتر الترجيع والتقيدم فى جزء صغير لما بيكون اللحن صعب ممكن الشريط يسف انت نزل عندك نسخة البيانو دى وحاول جرب اى لحن اعزف عيه اول 3 حروف حاتعرف الدرجة الل بادى منها مع اطيب تحياتى الكلام ده طبعا للجميع