طلبات نوتة أ / عادل صموئيل الجزء الثانى

[omarhalim]

المشاركة الأصلية كتبت بواسطة عادل صموئيل

احبائى

اقدم لكم اغنية فيروز

يارا

الاغنية دى يعنى مش عايز اقول تعبتنى اد ايه لانها مش لونى خالص .. يعنى دى ما ينفعش يدونها حد إلا مدون سيمفونى كلاسيكى .. وفيه مشكلتين .. اولا حاجة حايتلخبط فيها لأنها سيمفونية لكن فيها نكهة شرقية فى غناء فيروز يعنى ممكن يلخبطه .. تانى حاجة ده بيبقى طبعا محترف جدا والدقيقة عنده بخمسين دولار يعنى عشان يدونها ( لأن فى كل دولة مش حايبقى غير واحد يعنى ) ممكن يطلب فيها عشر آلأف دولار عشان تفاصل معاه وتديه خمسة او 7 آلأف دولار مش ممكن اقل من كده لأنها مجهدة .. بس العبد الفقير الى الله دونتها .. بس مش حعملها تانى لأن مخى ضرب يعنى زى ما قلت مش التخصص بتاعى .. يعنى اولا انظروا الى الدليل فيه 3 دييز .. واعتقد من ايام الفرقة الماسية ماوردش علينا اغنية فيها دليل 3 دييز يعنى اقصى حد اى ملحن بيعمل اغنية 2 دييز .. لكن 3 دييز وطول ما انت ماشى المى برضه دييز يعنى هى 6 دييز مستترة .. ومافيش اى ملحن شرقى حايعمل اغنية فيها 3 دييز لأن حاتعمل مشكلة مع الكمنجات .. ممكن فى الكلاسيك والسيمفونى يعنى بيعملوا حاجات اصعب من كده بس بيبقوا مقسمين الكمنجات الى 3 مجموعات بريمو وسكوندو وتيرسو بيتدرجوا فى الصعوبة بيشيلوا الصعب مع بعض بعدين السيمفونى بيقرأ بدون تطريب يعنى العازف الشرقى مع سلم صعب على الكمان بيعزف بدون سطلنة وإلا ممكن العزف يطلع ماسخ مش مطرب .. وبعدين كله كوم البيانو ربنا يسامحه يعنى .. مشكلة البيانو محتاج حد متخصص فى البيانو لأنه بيعزف على آلة فيها 7 اوكتافات .. والسلام ال 3 دييز واكتر دى لعبتها مش مصيبة زى ف الكمنجة .. وبعدين بيعزف براحته يعنى فى الاكتاف الاوسط وفوقه ب 2 اوكتاف او اسفله ب 2 اوكتاف يعنى التوزيع الافترا اللى قبل ما فيروز تغنى المذهب انا لما جت الاعادة فى الكوبليه كتبت كلام الكمنجات .. انا نفسى اسأل اخى العزيز اللى طلب الاغنية حاتعمل بيها ايه ؟ لأنها صعبة جدا جدا يعنى مش اى حد عادى يعزفها مع اطيب تحياتى

استاذي الفاضل عادل المحترم

شكراً على المجهود الواضح و سلمت يداك الماسية على تدوين أغنية يارا وعلى الشرح المحبب ..

انا عزفتها على العود رغم صعوبتها لوجد ديازات دو،فا، صول لأني حافظها جداً و انا استعمل اصابعي الاربعة بحرية وطلاقة

اعتقد ان الاخوين رحباني اصروا على استعمال مقام كرد من نغمة دو دياز لأنه مناسب لطبقة صوت السيدة فيروز

ولكن لو الاخوين رحباني استعملوا مقام الكرد من نغمة دو لكان مألوف جداً و اسهل بالعزف جداً و نستعمل 4 بيمولات ري،مي،لا،سي .

سلمت يداك الماسية يا عطر الزمن الجميل و يا ريت تكمل معروفك و تدونها من نغمة دو واظن تحويلهالا يتطلب الجهد السابق بعد ان دونتها وابحرت في انغامها

اطلب من الله ان يمدك بالصحة والعافية والعمر الطويل

عمر / لندن