طلبات نوتة أ / عادل صموئيل الجزء الثانى

[خليل سليم]

المشاركة الأصلية كتبت بواسطة خليل سليم

مساء الخير استاذنا الكبير عادل اطال الله من عمرك وأنعم عليك بالصحة والعافية ... شكرا على تدوينك رائعة السيدة فيروز ياحبيبي كلما هب الهوى والتي طلبتها من حضرتك من سنوات مضت لكن أني عارف كم انت مشغول والطلب عليك كثير من الإخوة أعضاء المنتدى المحترمين ... رجاءي اذا كان عندك وقت لتدوين راءعة الموسيقار محمد عبد الوهاب أغنية لا تكذبي... وكل سنة انت والاسرة الكريمة وأعضاء المنتدى المحترمين بخير وحفظك الرب

اخى العزيز
انت طلبت لاتكذبى كذا مرة انا فاكر بس عشان تتدون مش ممكن تتدون زى ماهى كده يعنى انا ممكن ادونها زى ما عبد الوهاب بيقولها او زى ما انا لو حبيت اعزفها على اكلمان يعنى ألةلوحدها .. لنك انت نفسك حاتعزفها بألة واحدة صح كده يعنى ححاول اكتب اللحن الاساسى وده ال اقدر اعمله ايه رأيك

مساء الخير استاذنا الكبير عادل المحترم ...ممكن من حظرتك ان تدونها زي ما انت شايف يعني زي الموسيقار عبد الوهاب بيقولها أو زي حظرتك حببت بتعزفها لأني حعزفها على آلة العود لانها سوف تطلع في كل الحالات تحفة من تحفك المميزة وشكرا لك والله لا يحرمنا من عطاءك الدايم لنا وحفظك الرب

[yasser sna]

استاذ عادل شكرا الك على الاهتمام بالنسبة لدور كل جميل العين تنظرله طبعا انا منزل رابط فيه تقاسيم وموال وما كان قصدي تنويط سوى الدور فقط لانني وجدته صافي وانا استمعت للدور من اكثر من عشرة مطربين وكلها فيها هذه الميزة اي كل مطرب يغنيها بطريقته الخاصة ولكن اللحن الاساسي نفسه ما عدا التفريدات ففيها اختلاف وع كل حال ساضع رابط للدور بصوت صالح عبد الحي اذا سمح وقتك ان تسمعه ومدته 6دقائق واذا بالامكان تدوينه فالف شكر لك وان كان لا يمكن فايضا كل الشكر لك والله يديم عليك الصحة والعافية على كل حال

اخى العزيز انا طبعا عمرى ما تأخرت على حد .. وكل النوت الل هنا بناء على طلبكم .. مشكلة الدور ده ده انه اتعمل فى العشربنات من القرن اماضى او قبل كده كنت وقتها الغنا اهم حاجة واموسيقى حاجة بتسند المطرب مالهاش دور اساسى بمعنى ان شوف المقدمة الموسيقية كانت جملة اسمها دولاب يعنى الفرقة اوالتخت ببقى حافظ كذا دولاب كل دولاب على مقام وبيعزفوا الدولاب فى المقام الل حيغنى منه المطرب يعنى هنا مقام بياتى بيعزفوا دولاب البياتى الل عندهم وبيعزفوه مع كل اغنية بياتى ... وبعدين فى اللزم الل بين الغنى تلاقى بيقولوا حاجة مالهاش قيمة وبتكرر هى هى فى كل الاغانى ولادوار يعنى مثلا فا مى رى دو رى ... او فا مى رى مى .. كان بيتزعم التخت مثلا عازف القانون وبيقول اللزمة الل تحلو له حتى بين الكوبليهات بيقولوا حاجات ممكن ملخبطة يعنى القانون بيقول خاحة والكمان بيقول خاجة معاه وعادة بيكونوا ملخبطين بس زى ما قلت لك مالهمش قيمة الغنا اهم حاجة .. وهى بنكون عشان مالطرب ياخد نفسه يرتاح يعنى .. كمان انا سمعت صالح عبدالحى اللى انت منزله .. برضه فيه مشكلة بيكسر الميزان ولا خمسين مرة .. ودى بتخلى ضابط الايقاع بيخاف يدى الدوم لأنها فى اى مكان بتطلع غلط . بعدين بيدى اتنين دوم يعدل المطرب يخليه يقول فى التمبو ... برضه زمان اوى كانت كل الاخطاء دى بتعدى .. لأن المطرب كان قدير اوى اوى حتى لو لخبط بيسلطن حلو .. لحد ماطلع عبد الوهاب بالذات .. لأن كان عنده غزارة لحنية رهيبة وثار على الاوضاع والقوالب دى وابتدا يلغى الدولاب ويعمل جملة موسيقية لكل اغنية واللزمات بدل ما كانت اى حاجة خلاها لها معنى وابتدا الجمهور يتذوق الموسيقى بعد ما كان بيتذوق الغناء فقط لحد فى حفلات ام كلثوم انت شفت كان الجمهور بيعيد المقدمة اكثر من مرة وبطلب اعادة موسيقى الكوبليهات اكتر من مرة .. انا عايز تنصحك حاجة ..طالما لك عشق للأدوار .. انصحك ابحث هنا فى المنتدى عن تسجيلات فرقة الموسيقى العربية بقيادة عبد الحليم نويرة ... انا اشتغلت معاه كان رجل عظيم يعنى اعاد بعث الادوار القديمة انه كان بيبحث عن المطربين العواجيز اللى مازالوا على قيد الحياة .. وكان بيسمع منهم الادوار .. فى وقت الادوار دى مكانش فيه تدوين فكانت بالتلقين ف كل مطرب كان حافظها بشكل مختلف .. عبد الحليم نويرة بعد ما كان بيسمع الدور من كذا مطرب بيعيد صاغنه بشكل اكاديمى يعنى يظبط الايقاع وكل حاجة يعنى فيه دور انا كاتبه هنا ايمه كادنى الهوى لمحمد عثمان فى منتهى الروعة مع اطيب تحياتى

[yasser sna]

رابط لدور كل جميل العين تنظرله بصوت الكبير صالح عبد الحي
https://youtu.be/inGPPNKUUCM

[عادل صموئيل]

احبائى

اقدم لكم بعد انتظار سنوات طويلة رائعة نجاة الصغيرة

لاتكذبى

هى كانت مشكلتها اولا التوزيع اللى زيادة عن الحد والل ماحدش حايقدر يعزفه بدون النوتة الاصلية بتاعة على اسماعيل ودى مش موجودة .. والمشكلة التانية ان 80 % منها ادليب وده استحالة حد يكتبه بالقدر اكبير ده إلأ اذا كان حد حافظه صم يعنى لو لحن انا مش حافظه ما اقدرش ادون القدر الكبير ده من الادليب حتيتعبنى جدا جدا لكن الحمد لله انا حافظ الاغنية بالهمسة يعنى وبعدين قدرت ان اى حد منكم حايعزفه على آلة واحدة فتخيلت نفسى بعزفه بالكمنجة وقدمت لكم المقدمة زى ماعملها عبد الوهاب بدون الشىء المبالغ فيه بتاع التوزيع .. الحمد لله انا كاتب الادليب بدقة فوق 99% ( لأنى طبعا كنت بسمع كل جملة بالكمبيوتر ) بس عشان تعزف الادليب لازم تكون حافظ الاغنية كويس لن الاحساس بيدخل فيها بقدر كبر

مع اطيب تحياتى وانا سعيد جدا وفخور جدا انى دونتها اخيرا لأن فيه ناس طالبينها من اكتر من عشر سنوات

[basharbsh]

مرحبا نرجو من الاستاذ الفاضل عاد صموئيل ان يقوم بتدوين اغنية الاولى في الغرام دوين صحيح جداً في اسرع وقت ممكن حتى يكتمل ديوان ام كلثوم

اخى العزيز انا بكتب وانا بسمع االولة فى الغرام .. فيها مشكلة خطيرة انها بتعمل موال طويل اوى اوى وده بيتغنى ويتحفظ لأنه ارتجال ما ينفش يتكتب يعنىيعنى اسمع حفلة تانية عشاناحدد اللحن الاساسى فين والموال فين .. لأن التقاسيم ببقى ارتدال يعنى مش بتقولها تانى فى حفلة تانية بتقول حاجات تنى .. ومن هنا بنقدر نحدد الحن الاسسى وحنشوف بس المشكلة انها صعبة جدا مش اى حد حايقدر يقلوها وخلال السنوات الماضية ماحدش قدر طبعا لا يغنيها ولا يعزفها وهى ساسا الفرقة حافظينها سماعى ام كلثوم ما كانتش بتستعمل نوتة اصلا .. يعنى كانت فى املوال بتبقىهى بترتجل شىء والفرق بتقول معاها الل هى بتقوله يعنى ح حاول

[خليل سليم]

شكرا وتحية وإكرام لك استاذنا الكبير عادل على تدوينك لراءعة الاستاذ عبد الوهاب والست نجاة والعندليب عبد الحليم لا تكذبي ... والله العظيم ما اعرف كيف أشكرك وأبين لحضرتك امتناني واعجاب بك وأقدر التعب والمجهود الي تعمله من اجلنا... بارك الله بك وبالعاءلة المحترمة وأنعم عليكم بالصحة والعافية وكل عام وأنتم بخير وحفظكم الرب.

اشكرك الف شكر انا باعت لك رسائل ع الخاص ما شفتهمش ؟

[elarabi]

استادي الفاضل

شكرا جزيلا على هدا المجهود الخرافي الدي تقوم به من اجل تلامدتك وطلابك وحتى احبابك لكي تسعدنا في ضروف صعبة اللهم يسعدك و يفرحك فى الايام القليلة الاتية

[Madeleine]

مرحبا الاستاذ الفاضل عادل صموئيل
كيفك ياريت لوسمحت تنوط اغنية
بتنطرني على غلطة شهور

اليكى النوتة بس بدون الموال ما ينفعش يتكتب طبعا

رابط الاغنية https://youtu.be/Bt46wFbxjok

[خليل سليم]

المشاركة الأصلية كتبت بواسطة خليل سليم

شكرا وتحية وإكرام لك استاذنا الكبير عادل على تدوينك لراءعة الاستاذ عبد الوهاب والست نجاة والعندليب عبد الحليم لا تكذبي ... والله العظيم ما اعرف كيف أشكرك وأبين لحضرتك امتناني واعجاب بك وأقدر التعب والمجهود الي تعمله من اجلنا... بارك الله بك وبالعاءلة المحترمة وأنعم عليكم بالصحة والعافية وكل عام وأنتم بخير وحفظكم الرب.

اشكرك الف شكر انا باعت لك رسائل ع الخاص ما شفتهمش ؟

صباح الخير استاذنا الكبير عادل. ايوه أني شايف الرسالة الي بتاعك وشكرا وكل عام وانت والعاءلة الكريمة بخير عسى ان تكون السنة الجديد سنة خير وصحة وبركة وسلام وامان والله ما يحرمنا منك وحفظكم الرب

[omarhalim]

حضرة الاستاذ عادل المحترم
شكراً جزيلاً على هذه التحفة الرائعة أغنية لا تكذبي ..
لو تتكرم تدونها من نغمة سي بيمول كما غناها الاسطورة عبدالحليم حافظ اكون لك من الشاكرين
هل توافقني الرأي ان افضل من غناها هو عبدالحليم حافظ اعطاها حقها في التعبير عن معاني الكلمات و كأنه عاش القصة فعلاً .
سلمت يداك الماسية اعطاك الله الصحة والعافية والسعادة الدائمة

اليك النوتة .. للعلم لما عبد الحليم حب بغنبها استدعوا على اسماعيل وخلوه يعمل تعديل فى التوزيع عشان ما يبقاش عبد الحليم بيقلد نجاة .. ايه اللى خلاك تحس ان عبد الحليم قالها بإحساس احلى .. اقول لك ... اى اغنية فى فيلم لازم تكون الاداء اسرع شوية والمطرب ما يقدرش يعيد إلا بحساب وكتر الاعادة يزود السلطنة .. لن المخرج بيحدد للملحن وقت محدد يعنى مثلا 5 دقائق .. ف تلاقى المطرب بيغنى وكأن حد جرى واره ,, لكن فى الحفلة وبالذات لما يكون مطرب كبير الليلة ليلته ويعمل زى ما يحب ممكن يغنى الاغنية فى ساعة ساعة ونص ويعيد ويزيد ويجود لذلك طبعا الحفلة بتبقى احلا من الفيلم او من التسجيل ف الاستوديو يعنى حتى ام كلقوم انا مش بحب اسمعها فى تسجيلات الاستدويو فى الحفلات بتبدع اكتر لأن نوعية اغانى ام كلثوم عايزة الحفلات بعكس مثلا ليلى مراد تسجيل الاستوديو رائع لأن الملحن عامل الاغنية فى حدود من 3 دقائق الى خمس دقائق