طلبات نوتة أ / عادل صموئيل الجزء الثانى

[سليم العباس]

بالطبع أستاذ عادل جميع أعضاء و زوار هذا المنتدى يدركون الجهد الكبير لحضرتك . دمت بألف صحة و خير.

أود أن أطرح سؤال فني إن سمح وقتك بالإحابة عليه:
هل كان لدى الأخوين رحباني رؤية فنية ، فقاموا بتأليف أغاني قصيرة لضمان استمراريتها لدى مختلف الأجيال . و لماذا لم نجد ذه التجربة بشكل واضح في مصر . هل مثلاً أم كلثوم كانت ستنجح بهذا النوع من الأغاني؟! أو فيروز لو غنت ما يشبه أغاني أم كلثوم الطربية ، هل كانت لتحقق النجاح؟!
شكراً لحضرتك

اخى العزيز ... كل مطرب هو الى بيختار النوعية اللى بيغنيها يعنى الكلمات بتيجى من عند المؤبف والمطرب هو الى بيحدد يعملها او لأ .. فيه مطربين بيحبوا الاغانى الصغيرة ومطربين بيحبوا الاعانى الطوية يعنى ام كلثوم كانت بتعمل 3 وصلات كل وصلة اغنية واحدة تتخطى الساعة .. عنك شادية وصباح مثلا كانوا بيحبوا الاغانى اللى لاتتعدى خمس دقائق كمان لو تلاحظ كانوا بيحبوا الاغنية اللى الكوبليهات نفس اللحن .. فيروز تختلف لأنها كانت بتقدم مسرحبات غنئية والمسرحية بتحتاج اغانى قصيرة عشان فيه تمثيل واستعراضات ومطربين مختلفين لذلك فيروز فضلت الاغانى الاقصيرة .. وبعدين الموضوع بيبقى ذكاء لازم يكون يرتبط بالموهبة ... يعنى زمان كان المطرب الجمهور بيعرفه عن طرق الاذاعة .. وخريطة الاغانى فى الاذاعة بيبقى موظف متخصص بيعمل كل اسبوع خريطة الاسبوع الفادم .. كان اول حاجة بيقمسمها يوم بيوم .. وبيعمل مبعات حاجة زى الجدول اول حاجة بيعملها بظلل خانات اساسية وهى مواعيد نشرات الاخبار ومواعيد الصلاة .. بعدين بيضع البرامج بتاعة هذا ايوم .. وبعد ما يطضع كل المواضيع اثابتة بيبقى فيها فراغات كل فراغ خمس دقائق بين ابرامج وهنا بيضع اغنية خمس دقائق بالاضافة الى فقرة غنائية بيضع فيها خمس اغانى من ذوات الخمس دقائق .. ييبفى هنا لاظ ان الاغنية اللى خمس دقائق ممكن توضع فى خريطة الاذاعة ام الاغنية الطويلة بتبقى فى سهرة .. وبالطبع لازم تكن لأم كلثوم او ما شابه يعنى فايزة احمد عملت فى اواخر ايامها عدد كبير جدا من الاغانى الطويلة التى تتعدى ساعة .. وبالطبع ماكانش لها مكان فى خريطة الاذاعة لأن فى اسهرة حايحط ام كلثوم مش حايحط فايزة احمد لذلك اشتهرت اغانى فايزة احمد القصيرة ونسى الناس الاغانى الطويلة .. يعنى موضوع الطول والقصر ده هو الى بيجدد ان الاغنية تتذاع فى الرادبو اللى بيمثل اهم وسيلة اعلامية