طلبات نوتة أ / عادل صموئيل الجزء الثانى

**خالدموسى** · #1 08/01/2020, 19h39

كل عام وحضرتك طيب وبخير يا مايسترو التدوين والعزف فى الزمن الجميل

ربنا يعطيك الصحة وطولة العمر يا استاذ عادل صمويل لتمتعنا بهذه المعزوفات الجميلة

**تامرتامر** · #2 09/01/2020, 12h19

كل عام وانتم بخير استاذنا الغالي عادل صموئيل
وجميع أعضاء المنتدى بالف خير

**عادل صموئيل** · #3 09/01/2020, 12h21

احبائى

اقدم لكم اغنية من تلحين الشيخ امام مع انى مش بحب شغله يعنى لأن بيغنى على مزاجه وبينشز وبيكسر الواحدة لكن حد جاب لى التسجيل ده مطرب حلو ومعمول بدقة

وهبت عمرى للأمل

مرفق الملف الصوتى مع النوتة للى ما سمعهاش

مع اطيب تحياتى

**HassanMadani** · #4 28/01/2020, 07h33

اقتباس:

المشاركة الأصلية كتبت بواسطة عادل صموئيل

احبائى

اقدم لكم اغنية من تلحين الشيخ امام مع انى مش بحب شغله يعنى لأن بيغنى على مزاجه وبينشز وبيكسر الواحدة لكن حد جاب لى التسجيل ده مطرب حلو ومعمول بدقة

وهبت عمرى للأمل

مرفق الملف الصوتى مع النوتة للى ما سمعهاش

مع اطيب تحياتى

ربنا يخليك يا أستاذنا،
أنا كان نفسي أطلبها منك، بس مش لاقي لها تسجيل واضح.

اخى العزيز ... مشكلتى انا شخصيا مع الشيخ امام ايه .. انه ملحن بس ما اعتقدش انه دارس .. يعنى لما بيعزف بيعزف بالعود مش مع فرقة ... وهنا اساس المشكلة انه بيعزف ممكن يكسر الميزان او يعمل حاجة نشاز .. لأن لما اللحن يتعمل مع فرقة لازم يتظبط كل الكلام ده .. وللعلم اللى طلب منى اللحن كان محتاجه بشدة الاول نزل لى رابط للشيخ امام قلت له مش حعرف اكتبه .. ابحث لى عن تسجيل تانى ..نزل لى فرقة شباب بيتفزلكوا افسدوا اللحن اكتر مما هو فيه مشاكل اصلا .. ثم نزل لى تسجيل تالت بتاع مطرب عربى مش عارف منين بس عامله مظبوط وده اللى خلانى ادونه .. يعنى انا عشان ادون لحن لازم اكون سامع حاجة صح مش ميزان مكسور او خروجات عن التون وبدين مشكلة الشيخ امام انه مش مطرب طربى هو مغنى ثورى .. يعنى اساسا بيوصل كلام معين عن طرق اللحن .. مش لحن عن طريق كلام .. ودى نقظة خطيرة فى التلحين يعنى عبد الوهاب بيمسك كلام يعجبه وبيلحنه .. يعنى انت بيوصل لكم اكللام بس عن طريق لحن جميل .. لكن مع الشيخ امام مش كل الحانه لها قيمة ليه لأنه بيبقى عنده كلام ثورى او ضد النظام وعايز يوصله ف بيحطه داخل لحن وحسب الصدفة اللحن يطلع حلو او مالوش قيمة وجمهوره الاثوريين اللى كانوا بيعتصموا فى ميدان التحرير واللى زيهم يعنى يعنى تلاقيه دايما بينتقد وضع

مش عارف أشكرك إزاي والله

تحياتي

**ابوكارم** · #5 01/02/2020, 15h13

استاذنا الاستاذ/عادل
كل تحياتي وخالص احترامي لسيادتكم ولجميع الاصدقاء والأخوة بالمنتدى العظيم
ارجو ان تنوت التسجيل المرفق لأغنية عنيا الفريد الاطرش
قد تكون مدونه من قبل لكن ارغب في هذه المقدمه والأغنية بالعود.رجاء خاص.ان لم احصل علي تدوين هذه
الغنيه من هذا التسجيل سيحدث لي شئhttps://www.facebook.com/groups/3944...7480656261129/
اخيرا لكم الشكر

اخى العزيز انت معانا من كام سنة ؟ مش انا قلت قبل كده مئات المرات ان التقاسيم ما ينفعش تتدون ؟ يعنى عشان تعزف تقسيمة لازم اولا يكون الواحد بيعزف سماعى وعنده موهبة الارتجال وحافظ كام مقام قريب من المقام بتاع اللحن اللى بيقسم منه وبعدين يسمع تقاسيم دى دى ويحاول يعمل حاجة من عنده .. يعنى فريد نفسه ما يقدرش يعزف التقيسيمة دى مرتين يعنى لو فى حفلة تانية بيبتدى بالجملة اللى من اللحن وبعدين يرتجل تقسيمة تانية خالص

**منذر44** · #6 02/02/2020, 19h40

حبيب القلوب الاستاذ عادل
ارجو من حضرتك اذا امكن تحويل اغاني فيروز الاتية
الى درجة- لا -عشيران
تعى ولا تجي
يا ريت منن
اسهار بعد اسهار

مع اجمل تحية

**خالدموسى** · #7 03/02/2020, 11h58

صباح الخيرات استاذنا الجميل عادل صمويل
من الاغانى العزيزة على قلبى اغنية لعبدالحليم حافظ لم تدون بعد
وهى على حسب وداد قلبى
وهى من الاغانى القصيرة
ارجو من حضرتك تدوينها حتى اتعلم عزفها على الاورج
شاكرا مجهوداتك الرائعة فى التدوين وفى العزف ايام فطاحل الغناء

**خالدموسى** · #8 03/02/2020, 12h01

صباح الخيرات استاذنا الجميل عادل صمويل
من الاغانى العزيزة على قلبى اغنية لعبدالحليم حافظ لم تدون بعد
وهى على حسب وداد قلبى
وهى من الاغانى القصيرة
ارجو من حضرتك تدوينها حتى اتعلم عزفها على الاورج
وهذا رابط الاغنية
https://www.youtube.com/watch?v=p8geoEgdrr0

شاكرا مجهوداتك الرائعة فى التدوين وفى العزف ايام فطاحل الغناء