يا بنت

**hany57** · #1 10/11/2019, 04h57

( 1 )
يا بنت ليه تتعبينى
وأنا أسير الغرام
أقرب لكى تجافينى
وكمان جافانى المنام
امتى أنول الوصال
هجر المحب حرام
دا انتى منايا وعينى
والشعر والإلهام

**الشاعر** · #2 23/11/2019, 00h11

احسنت يا فنان بس فين بقية الموضوع

**hany57** · #3 30/11/2019, 11h10

شكرا لمروركم الكريم
الموضوع كله رباعيات
يجمعها انها موجهة إلى ( مجهولة العنوان ) على رأى المرحوم الأستاذ اسماعيل النقيب
وإن شاء الله أواصل نشر الرباعيات تباعا

**hany57** · #4 30/11/2019, 11h16

(2 )
يا بنت ليه بقا كدا
عليكى أنا مشغول
ماعادشى ينفع كدا
وقت البعاد بيطول
امتى أنول الوصال
وأبقا بكى موصول
وتقولى قرب كدا
سمعنى حلو القول

**hany57** · #5 30/11/2019, 11h20

( 3 )
يا بنت يظهر حبك
عليا بات مقسوم
لو تحرمينى قربك
هاكون كتير مظلوم
امتى أنول الوصال
وأبين المكتوم
نفسى أنام على رجلك
وعنيا تشبع نوم

**hany57** · #6 30/11/2019, 11h27

( 4 )
يا بنت جربت بعدك
لقيته عذبنى
قولت أشوف أنا قربك
لقيته دوبنى
وقولت أنول الوصال
وعارفه هيتعبنى
يا بنت عذبنى حبك
خليه فى حالى يسيبنى