طلبات نوتة أ / عادل صموئيل الجزء الثانى

[عادل صموئيل]

احبائى

اقدم لكم من روائع فيروز اغنية من العيار التقيل

لما ع الباب

فيه ملحوظة هى تلحين فيلمون وهبه وانا من متابعتى لأعمال فيروز ( وانا مدمن فروز يعنى ) فى المسرحيات شفت فيلمون وهبه بيعمل ادوار كوميدية .. بس لما دونت له الحان حسيت انها دسمة اوى ... يعنى فنان متميز فى الكوميدى والتراجيدى ... .. هى فى الاغنية دى مغنية اللحن من الطبقة الصغيرة او من دو يعنى .. بس انا افضل ادون البياتى من رى عان ساعات فيه بتخرج لمقامات تانى فيها شراك خداعية ممكن تعمل بلبلة وتطلع حاجات غلط ... لأن البياتى اصلا من رى ولما تسمعه من دو نكهته بتختلف ... طبعا من فضل ربنا على انه انعم علينا بالتكنولوجيا الحديثة ... انا عندى برنامج اسمه اوداسيتى ده بفتح عليه اللحن وانزله او ارفعه بالدرجة اللى تريحنى فى التدوين ... يعنى بخلى البياتى على الرى .. وادونه من رى ... بعدين ممكن اعمل منه نسخة بسهولة من انكور اى درجة احتاجها ده درس للمدونين يعنى دون اللحن من اسهل مقام بالنسبة لك بعدين نرفعه للدرجة اللى نحتاجها ... اما ايامنا زمان قبل التكنولوجيا والكام ده ... كنا بندون بالقلم والورق ... فى حالى لحن زى بتاعتنا الناهردة بندونه بياتى دو ونكتب فوق على النوتة طبقة صغيرة والفرقة بتنزل تون ... لن الفرقة معظمها كمنجات يريحها جدا البياتى كما هو لكن لما بيكون مقام بياتى الدو بيبقى مش حلو الرى نصف بيمول فى الكمنجات مع انها عازفى العود بيحبوها يعنى
مع اطيب تحياتى