طلبات نوتة أ / عادل صموئيل الجزء الثانى

**عمرو الهنداوي** · #1 09/02/2018, 15h20

لقيت النوتة بس فعلا ليست من تدوين أستاذ عادل .. هي من تدوين أستاذ وسام أكرم

**عاشقة العود** · #2 09/02/2018, 17h01

اقتباس:

المشاركة الأصلية كتبت بواسطة عمرو الهنداوي

لقيت النوتة بس فعلا ليست من تدوين أستاذ عادل .. هي من تدوين أستاذ وسام أكرم

انا اعرف انها موجودة بالمنتدى بس مع احترامي للاستاذ اكرم النوتة ناقصه كثير خاصة بالمقدمة . لذلك طلبتها من الاستاذ عادل. مشكورة كثير

الاخت العزيزة
ممكن تنزلى ملف صوتى عشان نشوف ايه الناقص؟ اصل انا شايف فقط ان علامة النصف بيمول مقلوبة
مع اطيب تحساتى عادل صموئيل

**عادل صموئيل** · #3 09/02/2018, 18h16

احبائى
اعيد تقديم اغنية

لسف فاكر

للسيدة ام كلثوم لأنى سمعتها من تسجيل احسن م الى دونتها منه وارجو من لاخ العزيز هيثم يستبدل القديمة بالجديدة واطيب تحياتى

**مون1** · #4 09/02/2018, 20h15

نرجوا من الأستاذ الفاضل عادل صموئيل نوتة مها صبري واحشني كلامك ... مع جزيل الشكر

**تامرتامر** · #5 09/02/2018, 23h02

من بعد التحيه والتقدير أستاذنا العظيم عادل صموئيل ياريت تتكرم علينا بتدوين اغنية شادية(رنة قبقابي ) عندما يسمح وقتك وعقبال نوتة جوليا بطرس / حكاية عتب / مجرد تذكير رابط الاغنية https://m.youtube.com/watch?v=tGWbOSU3_V 8 الله يعطيك الصحه والعافيه يارب

**تامرتامر** · #6 09/02/2018, 23h11

مساء الخير رابط اغنية /رنة قبقابي / شادية https://m.youtube.com/watch?v=tGWbOSU3_V8 تحياتي تامرتامر

**عاشقة العود** · #7 09/02/2018, 20h05

اقتباس:

المشاركة الأصلية كتبت بواسطة عاشقة العود

انا اعرف انها موجودة بالمنتدى بس مع احترامي للاستاذ اكرم النوتة ناقصه كثير خاصة بالمقدمة . لذلك طلبتها من الاستاذ عادل. مشكورة كثير

الاخت العزيزة
ممكن تنزلى ملف صوتى عشان نشوف ايه الناقص؟ اصل انا شايف فقط ان علامة النصف بيمول مقلوبة
مع اطيب تحساتى عادل صموئيل

استاذ عادل حاسة بالنوتة في اشياء ناقصة وبالذات بالمذهب واللزمات ااموسيقية. مع اطيب تحياتي. هيدا رابط الاغنية
https://youtu.be/45EpzGtgXxM

**عادل صموئيل** · #8 10/02/2018, 00h43

احبائى
اقدم للأخت العزيزة عاشقة العود

ع الضيعة

انا مدونها من التسجيل الاصلى اللى ارفقته بس طبعا مش بندون الموال
هو المشكلة ايه لما بتكون حاجة ناقصة ... الملف الصوتى اللى بندون منه ... يعنى احيانا مثلا ممكن صباح ( وكانت بتسافر كتير الخارج فىد ول مختلفة ) حد من الجمهور طلب منها ع الضيعة ومكانش مع الفرقة النوتة وعملوها سماعى .. وهنا ممكن تتكلفت يعنى وتسقط منها اشباء لذلك ان عادة بحب التسجيل بتاع الاستوديو عشان ده المرجع الاصلى انا الناهردة الصبح اتخنقت فى احد المواقع . يعنى فينا ناس بتدخل تسرق الملفات من هنا وتنزلها فى عشرات المواقع انا معرفهاش يعنى بتقع معايا صدفة اثناء لما بكون بعمل بحث على اى حاجة او كتى لو حد كتب فى جوجل كلمة : عادل صموئيل بيفتح معاه اى صفحات فيها اسم عادل صموئيل ... المهم انا كنت مدون من سنوات لسه فاكر من تسجبا ما ... الظاهر التسجيل فيه غلط او فى الوصلة الثالثة ام كلثوم ممكن تعمل اغنية قديمة بدون بروفات بتنطلب فجأة ... واخوة قليلى الذوق قالوا ان النوتة غلط او ما معناه انى مش بعرف ادون ... بالطبع الكلمة وجعتنى وبحثت عن كل تسجيلات لسه فاكر لقيت 9 تسجيلات متفقين فى حاجة وتسجيل مختلف .. وكان حظى انى دونت منه ( فكرنى بفيلم لنجيب الريحانى الى راح سوق السمك واشترى السمكة الوحيدة اللى فيها تسمم ) المهم ان النوتة بتاعة لسه فاكر انا منزلها من اكت من خمس سنوات هنا وماحدش اشتكى منها ... طيب العيب ايه ان دخول الايقاع فى المقدمة من لافارى يعنى من الضلع الرابع .. التسجيل اللى انا مدونها منه كان عامل سكتة وبادى الجملة من الضلع الثانى وفى العزف هى هى مافيش فرق بس تقول ايه فى قلة الذوق
اتمنى النوتة تعجبك مع اطيب تحياتى

**عاصم المنشاوى** · #9 10/02/2018, 09h59

الأصدقاء الأعزاء...
المفروض أن بكرة عيد ميلاد صديقنا المحبوب الأستاذ /أحمد عبد الله الأمير...نجم النجوم...نور الصباح...وهو بقاله فترة كبيرة مختفى....ربنا يطمنا عبه...انا متوغوش عليه..وربنا يستر ويخيب ظنونى....
اللى أعرفه انه كان بيتصل بالدكتور محمد ابراهيم والدكتور وسام أكرم ...وانا حاولت اكتر من مرة بكل ارقام تليفوناته اللى كانت معايا لكن للأسف مفيش فايدة...أرجو اللى معاه رقم تليفونه يديهولى او يحاول يتصل بيه....وياحبذا لو الرقم الأرضى...أطال الله فى أعماركم....

أستاذنا الجميل / عادل بك صمويل

محمد عبد المطلب أبونور...له أغنيه حلوة أسمها "مستنى جواب"... تشبه الى حد ما لحن "علشان بدك ترضينى "انما اللى لفت نظرى ...أن أغانى كتير سوف تحال الى المعاش ... ومفيش حد ح يغنيها بعد كده لعدم ملائمتها للعصر....اللهفة بتاعة زمان فى أنتظار الجواب أو الخطاب من الحبيب للأسف ح تنتهى ....أيقاع العصر وطغيان تكنولوجيا الأتصالات ح تضحك الناس علينا لو حد غنى "مستنى جواب" أو "جواب حبيبى "...هل ح تنقرض الأغانى والألحان دى؟...خسارة التعب والمجهود والله....
..حاليا شغال فى "كول سنتر"...كل اللى حواليا شباب وبنات من مواليد التسعينات...أحب أقول لحضرتك...أن اللى بيسمعوه مالوش علاقة باللى احنا بنتكلم فيه هنا...كلهم من مستويات مختلفة اجتماعيو وثقافية ومادية مختلفة....لكن نادرا لما تلاقى حد بيسمع عبد الحليم حافظ...مش حقول محمد عبد المطلب....احب اقول لك الأغانى المكتسحة الروشة اللى هما بيسمعوها هى "لأ...لأ...تبقى معدية..ماتسلمش عليا...تلبس ضيق ...وأنا ركبى تزيق"...غير طبعا أكتساح"ألعب يالا"...هل بيجى لك احباط على كده يااستاذ عادل....على فكرة الأجيال الجديدة بعيييييدة جدا ...كان زمان الراديو بيتحكم ويربى الاذواق... دلوقتى الدنيا زحمة ومتنوعة ومفيش سيطرة...
اخى العزيز
احنا فى الكلية كنا بناخد مادة اسمها التاريخ الموسيقى ... بغختصار يعنى الفن و مرآة الحضارات يعنىلما الدولة بتزدهر تلاقى الفن مزدهر ولما الدولة بتتكسعم تلاقى الفن هبط الى الحضيض ... يعنى فاكر زمان كان فيه محل اسمه رفا .. الرفا ده كان لما غصب عنك تقعد على مسمار او تحك فى حاجة والبنطلون يتخرم خرم ممكن لايرى بسهولة كان الواحد يروح جرى للرفا عشان يزيل الخرم ده ... ولو الخرم فى وش البنطلون الواحد بيعتبر البنطلون ده خلاص انتهت صلاحيته مهما كان تمنه والواحد يخليه ينزل يجيب بيه الخضار والعيش او يلبسه فى البيت ... نفس الحكاية لو فيه بلوفر واتخرم وتلاقى الخيط ابتدى يكر لو ما اتلحقش بمنتهى احرفية الفتحى تكبر والبلوفر ده يترمى ... الناهردة روح باريس فى شارع الشانزليه حتلاقى بلوفر الخيط كر وعامل فتحة 10سم × 10سم والبلوفر ( اللى الواحد ما يتيعناش يمسكه اصلا تمنه 100 دولا او اضعاف كده .. ام البنطلون فحدث ولا حرج شوف فيه كام ضربة سكينة ده يقول لك ذوق الناس دى ايه بعد كه اكيد لما يسمعه حايسمعوا فن مقطع كده ولا ايه ؟

**muhamadibra** · #10 10/02/2018, 10h12

كل عام وانتم جميعا بخير تحياتي للميسترو وكذلك ا عاصم المنشاوي واكيد لنجم النجوم نور الصباح --فعلا كان بتواصل معي -- ومنذ فترة طويلة لا اعلم عنه اي شيئ -- وانا الان خارج مصر واذلك يزداد قلقي عليه - ياريت هو بنفسه يطمنا او احد من احبائه - ربنا يمتع الجميع بالصحة والسعادة
د محمد إبراهيم