طلبات نوتة أ / عادل صموئيل الجزء الثانى - الصفحة 560

**أبو الصابر** · #**5591** 29/05/2017, 07h29

السلام عليكم أحبتي الأساتذة الكرام ، وكل عام وأنتم بألف خير وبركة وسعادة

أطلب من حضرتكم تزويدي بنوطة أغنية فيروز "أنا صار لازم ودعكن"

ولكم مني جزيل الشكر والعرفان

**عبد الإله** · #**5592** 31/05/2017, 02h14

السلام عليكم ورحمة الله تعالى وبركاته
حبيبي الأساتاذ الجميل الجليل عادل صموئيل ،
تحية المحبة الصادقة والذكر الجميل
سعدت انك بخير بعد انقطاعي عن زيارة هذا المنتدى الطيب لظروف قاهرة
أهل الله هذا الشهر الكريم على كل الناس في كل بقاع الأرض بالأمن و الأمان
وأعاده علينا أعواما مديدة وأطال الله عمرك ومتعك بالصحة و العافية وأسعدك مثلما تسعدنا دوما

**عادل صموئيل** · #**5593** 31/05/2017, 21h23

احبائى
اقدم لكم اغنية وردة ولحن سيد مكاوى

لا مش كده

مع اطيب تحياتى

**عادل صموئيل** · #**5594** 31/05/2017, 21h37

احبائى

عندى مشكلة احب ان تشتركوا فيها لأنها تمنى وتهمكم فى نفس الوقت
طبعا انا بقرأ كل الردود وكل التعليقات .. والنوتات بتتسرب الى عدد كبير جدا من المنتديات انا معرفهاش يعنى فيه ملايين فى جميع انجاء العالم بيشوفوا النوت .. التعليقات فيه ناس بتشتكى ان النوت سهلة اوى وناس تانية بتشتكى ان النوت صعبة اوى .. يعنى طبعا اناتلميذ لأساتذة عظام سبقونى واتعملت منهم وخرجت بمدرسة خاصة فى التدوين ... الاختلاف الكبير جدا بينى وبين اساتذتى فى التدوين انهم كانوا بيتعاملوا مع العمالقة فقط ... يعنى مهما كانت صعوبة التدوين بيتعاملوا مع اقوى عازفين بيقروها عادى جدا ... اما انا كنت بالليل بتعامل مع العمالقة وفى الصباح مدرس موسيقى بتعامل مع طلبة مستواهم بيدأ من الصفر ... طبعا انا اهم شىء عندى ان تلاميذى استفادوا منى ايه ... الاستفادة ان المبتدىء خليته يعزف اى اغنية نفسه يعزفها واكيد فيه منك ناس كتير جدا عاشوا التجربة وقالوا مرات عديده لولا نوتاتى ماكانوش يتخيلوا انهم ممكن يعفزوا اغانى صعبة مثل كذا وكذا .. اذا انا نجحت او طريقتى نجحت ... وقلت من قبل طريقتى فى التدوين دى الفرقة الماسية ( اللى بيقروا اى حاجة صعبة ) بيسموها نوتة تشرح القلب ... يعنى المدونة اللى بيقروها فى نص ساعة مدوناتى بيقروها فى خمس دقائق .. ومن الناحية المادية بيكسبوا اكتر يعنى لما يدخل الاستدوديو بدل ما بيسجل لحن ممكن نوتاتى بيسجل 4 الحان وطبعا بيقبض كل لحن على حده .. واحب ان اعرفكم انى بطور طريقة ادائى يعنى فيه نوتات انا دونتها اسهل م اللازم بقيت اعملها اصعب شوية ...لأن برضه مهم جدا انك ماتفضلش تعزف نوت سهلة .. لأن احيانا بيبقى طبيعة اللحن لازم يتكتب صعب شوية هنا اقدم لكم نموذج الاغنية الاخيرة اللى انا نزلتها لا مش كده ... انا كتبت المقدمة والمذهب صعبة جدا ... لكن لما جيت اكتب الكوبليه الاول لقيته بيفرض عليا انى اكتبه فى سرعة 130 فطبعا العلامات الايقاعية بقا شكلها اسهل كتير ... اضطريت انى اكتب الاغنية تانى من الاول على سرعة 130 بعد ماكنت كاتبها على سرعة 90 وانا هنا منزل التجربة الاولى وقارنوا بين المقدمة ( من اول الايقاع ) والمذهب وقارنوهم بالكوبليه الاول ومنتظر ردود اكبر عدد منكم

**عمرو الهنداوي** · #**5595** 01/06/2017, 00h22

أستاذ عادل مساء الخير ورمضان كريم وكل عام والمنتدى والزملاء كلهم بخير..
أسمح لي حضرتك أقول رايي في الموضوع المطروح وهو موضوع مهم وثري للنقاش..

اتفق مع حضرتك أن نوتاتك فعلا منتشرة بشكل يجعل كل تلاميذك ومتابعين حضرتك فخورين بيك .. وأنا واحد منهم .. فعلا معظم النوتات المنتشرة في كافة المنتديات ووسائل التواصل الاجتماعي هي من تدوينك وعليها أسمك وأسم المنتدى وحتى هناك نوتات أخري جديدة لبعض المدونين اصل النوتة مأخوذ من نوتات حضرتك ويقولون ذلك صراحة .. وأقول لحضرتك هما ليه بيعدوا كتابة النوتة المأخوذة من الأساس من حضرتك:

1- لكتابة كلمات الأغنية على اللحن..
2- إضافة بعض الحليات أو وضع الأغنية كلها على سرعة موحدة طول اللحن..
3- تعديل بعض العوارض الخاصة بالربع تون سواء بالزيادة أو النقص.. نتيجة الكتابة على برنامج تدوين غربي
فنحن نعرف مشاكل التدوين الشرقي على برنامج تدوين غربي ومدي الجهد اللي حضرتك بتبذله في تتبع علامات الرفع والخفض الشرقية وخصوصا مع الاغاني التي يتغير فيها المقام كل جملة تقريبا وبالذات مع اغاني العمالقة..

ورأيت مواقع وقنوات تواصل اجتماعي لفنانين محترمين أمثال أنور حريري عندما يسأله أحد عن نوتة لحن ما.. يقول لهم أذهبوا إلى عادل صموئيل ومنتدى سماعي وغيرهم وغيرهم من المحترمين الذين يشيدون بنوتات حضرتك..

طيب ليه نوتات حضرتك منتشرة أوي كده على الأنترنت؟ أقول لك بصراحة:

1- حضرتك مصدر موثوق في كفاءته الموسيقية وتاريخك مع الماسية كافي
2- أسلوب حضرتك في التدوين مناسب لمعظم الفئات وبالذات المبدئين
3- تدوين الألحان الصعبة والأغاني الطويلة وبشكل كامل

النوتات بصيغة بي دي أف وسهلة وكاملة ومن مصدر خبرة .. فطبيعي أنها تنتشر في كل أنحاء الدنيا وخصوصا مع ندرة المدونين المعاصرين لزمن الفن الجميل..

طيب أيه المشكلة التي تطرحها حضرتك .. أقول لك بكل صراحة برضو:

1- هناك بعض المتربصين اللي مش عاجبهم انتشار نوتات عادل صموئيل الكاملة والسهلة والأهم المجانية...
2- بعض الناس خد على النوتات الصعبة المكتوبة بزمن من 60 إلى 90 نوار في الدقيقة واعتقدوا انه التدوين كله كده.. والنوتات لازم تكون كده وبس..
3- بعض الناس تشتكي انه النوتة سهلة أوي وبدون الحليات.. وفي اعتقادهم اللحن يفقد جزء مهم من جماله عند تسهيله أوي كده..
4- بعض الناس صعب عليها تعزف بسرعة 150 و160 نوار في الدقيقة حتى من المبدئين..
5- بعض الناس بيقولوا اللحن المفروض يكتب كما هو بدون تعقيد ولا تسهيل .. والعازفين هما اللي يحسنوا مستواهم وانا لا اتفق مع هذا الرأي.. لأني عارف انه لو حيكتب كما هو يبقي معظمنا مش ح يعرف يعزف حاجة...
6- بعض الناس بيقولوا أستاذ عادل بيغير في ميزان الاغنية علشان التسهيل وذلك يفقد الاغنية حلاوتها.. أنا شخصياً مش قادر اتفهم الشكوي دي أوي.. انا لست اكاديمي في الموسيقي..
7- بعض الناس بيقولوا استاذ عادل بيكتب كل الجمل الجواب قرار علشان التسهيل وذلك من وجهه نظرهم يفقد اللحن جمال اختلاف الطبقات..

أنا رايي مدرسة حضرتك ناجحة جدا وكمل على كده .. واعتقد انه كل الشكاوي بتاعة السهولة والصعوبة ممكن تختفي لو اللحن يكتب بسرعة من 80 إلى 140 نوار على الأكثر على حسب اللحن ما يطلب..

وكل الشكر والتقدير لحضرتك

**بوستة المصطفى** · #**5596** 01/06/2017, 01h00

أستاذي عادل...أنا مصطفى من المغرب...عازف على آلة محلية ذات أربعة أوتار تشبه إلى حد كبير آلة العود...كنت شغوفا بأغاني الزمن الجميل أم كلثوم و عبد الوهاب...و تعلمت قراءة النوتة الموسيقية من خلال دروس الأستاذ الفاضل الآلاتي و محمد الجوادي...و استفذت كثيرا من تدويناتك الرائعة الجميلة أنت و باقي الأساتذة العظام...من أمثال أستاذي الذي كان لا يبخل علي بشئ...و الذي تأثرت و حزنت حزنا كبيرا لفراقه...المرحوم محمد نزيه...و كذلك الأساتذة من طارق و السويفي و مرجية و صدوق...فلولا أستاذ عادل...ما كنت أستطيع أن أفك شفرات مقاطع من أغنية أيظن لمحمد عبد الوهاب و التي و أنا عزفها أقول في نفسي كيف لك يا أستاذ أن تضبط كل هاته المنعرجات في هاته الرائعة و بهذه الدقة المتناهية...معك أستاذي أصبحت أعشق العزف و لم تعد أية أغنية مستعصية كالسابق...فتقبلوا محبتي الخالصة و شكري الدائم...لي طلب لك أستاذ...طلب سبق و أن طلبته مرارا...و ها أنذا أكرره هنا...أريد تدوين أغنية يا دنيا يا غرامي لو كان وقتك يسمح...و شكرا...

**nzar123** · #**5597** 01/06/2017, 07h38

السلام عليكم
انا من متابعي نوت الدكتور عادل صموئيل منذ تاسيس المنتدى تقريبا....ومر الكثير الكثير من التعليقات الفنية الحقيقية ...واصبح د عادل مختص وخبير في رواد المنتدى اكثر من انفسهم من الطلاب والمعلمين والمتابعيين الحقيقين والمؤمنين بالجهد العظيم والكبير الذي بذله وسبذله ان شاء الله ليصبح علما ورائدا مستحقا في التدوين والذي كنا نحلم به يوما واصبح اليوم بين ايدينا يسيرا ان كانت انشودة مدرسيه او تربوية او قصيده او....أ,....طويله عجز الكثير عن تدوينها لتمتد 20 صفحه واكثر مع د عادل صموئيل....وهذا كله مجانا ولأنه كذلك ربما تضايق او اثر على الكثير من المنتفعين والقاصدين
وان تحدثت اكثر ساضيف ما تحدث به الزميل عمر هنداوي تماما وبالحرف الواحد ..وما على العازف الا ان يضع النوته ويعزف كلا حسب قدراته وامكاناته فمن يريد ان يحول القيمة الزمنية لنفس الحقل اسرع فليكن ...وهكذا...لكن لا تنسوا ان هناك الكثير من العلوم الموسيقية المتعلقة بالأوزان والضروب والتحويل والتعبير اللحني والمرجعات الكثيرة وتغيير الايقاع بنفس الأغنية والتوزيعات والهارمونية لبعض الألحان والتي هي بحاجة لعدد كبير من العازفين
شكرا وبليون شكر لك د عادل صموئيل ومدرستك في التدوين سهلة وممتعة وواضحة ويستطيع الموسيقي ان يتقدم بها اكثر مع تقدم العمر الفني وتكون له اساسا ليصبح سهلا ممتنعا..واصبحت رؤيتك للموضوع من كل جوانبه جامعه من حيث اللحن قوته او ضعفه ، طوله او قصره ، قديم او جديد ، يناسبك تدوينه او لا يتناسب مع رؤيتك الفنية ، متلقيه طالب او اكاديمي او موسيقي محترف او هاوِ ............وفقك الله واطل عمرك لعشاق نتاجك الموسيقي بالوطن العربي

**وائل علوي** · #**5598** 01/06/2017, 11h27

اخي واستاذي الفاضل عادل صموئيل
الف تحية وشكر واعزاز على مجهودك وتلبية طلبي ( لا مش كده )
واتفق مع اخي عمرو هنداوي في كل ماذكره
واتمنى ان تواصل بنفس اسلوبك في التدوين لانك دخلت به قلوب ملايين المحبين للموسيقى بل واكثر من ذلك جعلت الكثير يحب الموسيقى ويتعلمها بعد ان كانت بعبع بالنسبه لهم
والفضل كله يعود لاسلوبك الخاص الذي لا يوجد له نظير في الوطن العربي
فهذه مدرسة عادل صموئيل
واصل يا استاذي وعين الله ترعاك
واشكرك مرة اخرى على النوتة وانا لسه معزفتهاش لحد الان وعارف شغلك وتعبك كما تعلمنا منك دائما ايصال روعه الاحساس في سهولة التدوين
هذه من اصعب المعادلات
مع خالص تحياتي
اخوك وتلميذك وائل علوي

**عادل صموئيل** · #**5599** 01/06/2017, 11h42

احبائى اشكرك على تفاعلكم

انا لمابكتب النوتة على سرغة 130 معناها بضاعف زمن النوار تبقى بلانش والدوبل كروش تبقى كروش ... انا جربت حاجة لما بكتب العلامات كلبيرة الجم كده احيانا بيبقى فى اللحن حلية اوحاجة صغيرة مثل لمس حرف مينور او ماجير او حاجة زى عربة .. فى سرعة 80 او 90 لما تكون العلامات صغيرة لو حطيت الحرف ده حاتبقى شكلها مفزع ممكن ناس كتير تخاف من شكلها وتبعد عن النوتة كلها ..زائد حاجات تانى .. انا بالاضافة الى انى عازف كمان ومدون موسيقى انا مايسترو .. يعنى بشاور بإيدى اشغل اللحن واشاور بإيدى مع اللحن ... لو انا شاورت اللحن بسرعة 80 ولا 130 .. فى سرعة 80 ايدى بتبقى بطيئة اوى بحيث انى ممكن انا اغلط او العازفين يغلطوا لكن لما اشاور بسرعة 130 بتبقى ايدى سريعة والعازفين بيبقوا شايفين انا بعمل ايه .. عاملة زى لما تسوق سيارة لو الموتور واطى او اوى او انت ماشى بسرعة منخفضة اكتر من اللازم السيارة ممكن تبطل منك
لما نعيد الكلام عن الحليات ... انا ليه مصر على اللى انا بقوله .. لأن ربنا اكرمنى ان عزفت مع جميع اكبر عازفين فى مصر مع اكبر ملحنين فى مصر شفت ع الطبيعة ولمدة عشرين سنة ايه اللى بيحصل بالضبط ,, الحلية بتبقى نوعين اما حلية تجميلية او حلية من عضم الجملة او من صميم الجملة ... اللى من صميم الجملة يعنى امللحن عاملها وبيصر انها تتقال وهنا انا مجبر انى ادونها زى ماهو عايز حتى لو كانت صعبة ... اما الحلية اتجميلية احنا عمرنا ما بنكتبها ..ليه لأن دى بتبقى ذوق وبصمة العازف وانا لو كتبت حاجة ممكن العازف ذوقه احلى من ذوقى .. وحاجة معروفة جدا انك لو جبت جملة موسيقية وحطيتها قدام احلا عشر عازفين حتلاقى كل واحد منهم مكمن يحط فيها حليات غير التانى بس الملحن بيحب ايه ؟ حلية واحدة فقط فى مكانها امناسب تبقى تجميل ولاتؤثر على الجملة
اما لما بكتب جملة قرار او جواب ... عادة الجملة بتتكتب قرار والفرقة مع الملحن فى البروفات هو بيقول خلوا دى جواب ودى قرار والعازفين بيعملوا عليها علامات ... وايه الفرق بين الفرقة الماسية والفرق الاخرى ... كل عازف بيقول من مطرح ماهو عايز لو نص الفرقة قالت الازمة قرار ونصها جواب تطلع اللازمة مسلوخة ولو العازفين يدوا كله جواب على طول حايضيعوا الطرب .. تميز الفرقة الماسية انهم كلهم كانوا بيحسوا الازمة دى تتقال قرار ولا جواب من غير ما حد يقول لهم واطيب تحياتى

**salhi_haithem** · #**5600** 01/06/2017, 12h50

السلام عليكم

ألف ألف مليون شكرا أستاذ عادل لتدوين رائعة وردة لأ مش كده و عقبال رائعة قبل النهار ده
بالنسبة لطريقة التدوين اللي إبتكرها الأستاذ عادل أنا أتفق مع أخي عمرو في بعض النقاط و ممكن أختلف معه في بعض النقاط لكن المهم أنه الأستاذ عادل ينتج نوتات و يبهرنا و حقيقة الملاحظة الوحيدة في ما يخص التدوين هي هيبة النوتة المدونة و هيبة الأستاذ عادل من خلال نوتاته
و أنا ضد النوتات المرحرحة أوي يعني تبقى النوتة كلها نوار و بلونش و روند تحس إنها نوتة أطفال صغار جدا و أنا مع نوتة الثانية لأغنية لأ مش كده مع أنه فيها دوبل كروش وووو إلا أني محتاج إني أعزفها و مهما كانت صعيبة سأجهد نفسي و سيخرج اللحن بالتمرين المشكل في الأغنية المرحرحة أوي إنك لما تعزفها تعوم في الزمن الشكل يعني روند و بلونش وقت نسبيا طويل يخليك تضيع في الزمن و تسقط في الميزان
لكن لما تكون النوتة مضبوطة في شكلها و في زمنها تحس نفسك زي مكينة خياطة كل حرف ورى أخوه دون إنقطاع ... وجهة نظري تحمل الصواب و تحمل الخطأ
أخوكم هيثم