طلبات نوتة أ / عادل صموئيل الجزء الثانى

**وائل علوي** · #1 26/05/2017, 02h40

اخواني الاعزاء
كل عام وانتم بألف خير وأعاده الله علينا جميعا بالخير والبركات
استاذي العزيز عادل صموئيل
اخبار ( لا مش كده ) ايه؟؟
قد طلبتها من حضرتك قبل شهرين
مع خالص تحياتي

**عادل صموئيل** · #2 27/05/2017, 19h16

احبائى
اطيب التهانى بحلول شهر رمضان المبارك
وفى اول يوم فى رمضان اقدم لكم هدية نادرة جدا من اروع الحان محمد الموجى
رائعة عبد الحليم حافظ

ظالم

الاغنية دى مع الاسف عبد الحليم غناها فى اوائل الخمسينات بعد كده ماغناهاش تقريبا ومعظمكم ما سمعهاش مع انى بعتبرها من احلى خمس اغانى غناهم عبد احليم لذلك مرفق مع النوتة الملف الصوتى مرة غناء عبد الحليم ومرة من عزفى على الكمان لأنى بعتز جدا انى انا الوحيد فى العال العربى اللى عزفتها مع اطيب تحياتى

**بكر محمد دحدولي** · #3 27/05/2017, 22h37

شكراً جزيلاً يا استاذ عادل على هذه الأغنية الرائعة لعبد الحليم , و احب ان اهنيك على الوسام الذي نلته و انت تستاهل هذا الوسام و اكثر , اطيب تحياتي لك

**ayman zbibi** · #4 27/05/2017, 23h35

شكرا استاذ عادل عجهودك
واذا في مجال تكتبلنا نوتة لاغنية ومنين ابدا ياقلبي من اغاني التراث السوري
لعزفها على الة العود لانو دورت كتير ومالقيت وهيه تدوينها بسيط بلنسبة لشخص قدير متل حضرتك

**علي ثلاثة** · #5 28/05/2017, 12h27

أستاذ عادل ألف شكر
على مدونة عبد الحليم
فقد أحسنت في الاختيار وأجدت في التدوين
ولئن افتخرت بعزفها
فنحن نفتخر بأنك
خصصتنا بها
وهذا من فضلك وكرمك
وأنت معروف بذلك.

**عبد الإله** · #6 31/05/2017, 03h14

السلام عليكم ورحمة الله تعالى وبركاته
حبيبي الأساتاذ الجميل الجليل عادل صموئيل ،
تحية المحبة الصادقة والذكر الجميل
سعدت انك بخير بعد انقطاعي عن زيارة هذا المنتدى الطيب لظروف قاهرة
أهل الله هذا الشهر الكريم على كل الناس في كل بقاع الأرض بالأمن و الأمان
وأعاده علينا أعواما مديدة وأطال الله عمرك ومتعك بالصحة و العافية وأسعدك مثلما تسعدنا دوما

**عادل صموئيل** · #7 31/05/2017, 22h23

احبائى
اقدم لكم اغنية وردة ولحن سيد مكاوى

لا مش كده

مع اطيب تحياتى

**عادل صموئيل** · #8 31/05/2017, 22h37

احبائى

عندى مشكلة احب ان تشتركوا فيها لأنها تمنى وتهمكم فى نفس الوقت
طبعا انا بقرأ كل الردود وكل التعليقات .. والنوتات بتتسرب الى عدد كبير جدا من المنتديات انا معرفهاش يعنى فيه ملايين فى جميع انجاء العالم بيشوفوا النوت .. التعليقات فيه ناس بتشتكى ان النوت سهلة اوى وناس تانية بتشتكى ان النوت صعبة اوى .. يعنى طبعا اناتلميذ لأساتذة عظام سبقونى واتعملت منهم وخرجت بمدرسة خاصة فى التدوين ... الاختلاف الكبير جدا بينى وبين اساتذتى فى التدوين انهم كانوا بيتعاملوا مع العمالقة فقط ... يعنى مهما كانت صعوبة التدوين بيتعاملوا مع اقوى عازفين بيقروها عادى جدا ... اما انا كنت بالليل بتعامل مع العمالقة وفى الصباح مدرس موسيقى بتعامل مع طلبة مستواهم بيدأ من الصفر ... طبعا انا اهم شىء عندى ان تلاميذى استفادوا منى ايه ... الاستفادة ان المبتدىء خليته يعزف اى اغنية نفسه يعزفها واكيد فيه منك ناس كتير جدا عاشوا التجربة وقالوا مرات عديده لولا نوتاتى ماكانوش يتخيلوا انهم ممكن يعفزوا اغانى صعبة مثل كذا وكذا .. اذا انا نجحت او طريقتى نجحت ... وقلت من قبل طريقتى فى التدوين دى الفرقة الماسية ( اللى بيقروا اى حاجة صعبة ) بيسموها نوتة تشرح القلب ... يعنى المدونة اللى بيقروها فى نص ساعة مدوناتى بيقروها فى خمس دقائق .. ومن الناحية المادية بيكسبوا اكتر يعنى لما يدخل الاستدوديو بدل ما بيسجل لحن ممكن نوتاتى بيسجل 4 الحان وطبعا بيقبض كل لحن على حده .. واحب ان اعرفكم انى بطور طريقة ادائى يعنى فيه نوتات انا دونتها اسهل م اللازم بقيت اعملها اصعب شوية ...لأن برضه مهم جدا انك ماتفضلش تعزف نوت سهلة .. لأن احيانا بيبقى طبيعة اللحن لازم يتكتب صعب شوية هنا اقدم لكم نموذج الاغنية الاخيرة اللى انا نزلتها لا مش كده ... انا كتبت المقدمة والمذهب صعبة جدا ... لكن لما جيت اكتب الكوبليه الاول لقيته بيفرض عليا انى اكتبه فى سرعة 130 فطبعا العلامات الايقاعية بقا شكلها اسهل كتير ... اضطريت انى اكتب الاغنية تانى من الاول على سرعة 130 بعد ماكنت كاتبها على سرعة 90 وانا هنا منزل التجربة الاولى وقارنوا بين المقدمة ( من اول الايقاع ) والمذهب وقارنوهم بالكوبليه الاول ومنتظر ردود اكبر عدد منكم