صنف النسا

[حمدى شبانة]

فيه ست ماشية تمللى بكل شكل ولون
وست منفوخة دايماً عالفاضى كالبالُّون
وتالتة حلوة ف طباعها مايهمهاش اللون
ورابعة لو شوفتها تجرى قوام مِنْها
الشر فى وِشَّها على طول باين منها
وخامسة متلوِّنة .... إبعِد قوام عنها
وفاكرة إنُّه يزينها فى وشَّها ميت لون

[سعدالشرقاوى]

وست زي القمر وكفاية منظرها
تسعد جميع البشر وكل من زارها
والنظرة منها بتغفر كل أعذارها
تلقاها تروى العطش لكل من يشرب
كلامها بالسلسبيل والمستمع يشرب
والناس تفوت عندها من شكلها تشرب
لو مرّه تشرب تشوف المايّه من زورها