طلبات نوتة أ / عادل صموئيل الجزء الثانى

**عادل صموئيل** · #1 10/03/2017, 20h00

احبائى
اليكم اغنية من العيار التقيل
رائعة ام كلثوم ومحمد القصبجى

مدام تحب بتنكر ليه

مع اطيب تحياتى

**عمرو الهنداوي** · #2 10/03/2017, 20h31

أستاذ عادل حمد لله على السلامة وشكراً على نوتة السيدة أم كلثوم " مادام تحب بتنكر ليه" .. بس ليا ملحوظة بعد أذنك أنا ظاهر عندي في ملف البي دي أف أنه المدرجات لصقة أوي في نهاية حواف الصفحة وعلامة سرعة اللحن مش ظاهرة بشكل كامل فوق أول مدرج وكمان في علامة بيمول على شكل ربع تون موجودة في أخر مدرج في الصفحة الأولي ظاهرة قبل مفتاح المدرج في الصفحة الأولي..

كنت عايز أسال حضرتك سؤال خاص عن تجربة العمل المشترك بين السيدة أم كلثوم وفريد الأطرش .. بصرف النظر عن أسباب عدم التقاء القطبين في عمل مشترك.. سؤالي لحضرتك، ماذا كان سيضيف فريد الأطرش لأم كلثوم؟ من وجهة نظر حضرتك؟ وهل كان سيكون مثل محمد عبد الوهاب اللي عمل طفرة في مشوارها؟ وأعاد تقدمها بشكل جديد جذب لها جمهور من الشباب وعمل على إطالة عمرها الفني؟ كمان من رؤيتك وحياتك مع الإثنين، ماهي ملامح العمل المشترك الذي كان من المفترض أن يتم، فهل تعتقد أنه سيكون لحن تقليدي بالآلات شرقية باحتة ونفس شكل أغاني أم كلثوم قبل مرحلة محمد عبد الوهاب وبليغ؟ من معرفتك لفريد الأطرش هل كان سيقدم لها أغنية بشكل حديث أيامها أم سيحافظ على الشرقية البحتة والأسلوب الكلاسيكي في الغناء والمتبع قبل مرحلة بليغ وعبد الوهاب مع أم كلثوم .. وهل تعتقد حضرتك أن التجربة بين القطبين كانت ستنجح ويستطيع فريد تقدم شيء يتحدى به محمد عبد الوهاب وبليغ حمدي والموجي.. و من وجهة نظرك ومعرفتك لفريد الأطرش، هو كان ممكن يقدم لها أيه جديد وكان معاه أيه يتميز به مع أم كلثوم أمام الحان بليغ وعبد الوهاب لها..
مع جزيل الشكر

اخى العزيز
بالنسبة لمدام تحب تنكر ليه ماشى حاصلحها فورا لكن حكاية ان السطوؤ لاصقة اوى فى الطرفين لو سمحت شوف النوت القديمة كلها طالعة عندك كده ولا الجديد فقط يعنى اللى من شهرين تلاتة اما موضوع فريد الاطرشحرد عليه حالا فى موضوع مستقل اطيب تحياتى عادل صموئيل

**عادل صموئيل** · #3 10/03/2017, 20h53

احبائى
اقدم للأخت العزيزة رهف واصل

ماما حبيبتى حبيبتى يا ست الكل

مع اطيب تحياتى

**رهف واصل** · #4 11/03/2017, 12h01

اقتباس:

المشاركة الأصلية كتبت بواسطة عادل صموئيل

احبائى
اقدم للأخت العزيزة رهف واصل

ماما حبيبتى حبيبتى يا ست الكل

مع اطيب تحياتى

شكرا أستاذي الفاضل عادل صموئيل
أدام الله عليك الصحة والعافية
🌹🌹🌹

**wahidfarid** · #5 12/03/2017, 15h20

يوجد مقال للدكتور سعدالله آغا القلعة يطرح فيه رآيه لعدم تعاون فريد الآطرش مع آم كلتوم مع إحترامي طبعا لرآي آستادنا عادل و لكم الرابط
http://www.agha-alkalaa.net/archives/14670

**عادل صموئيل** · #6 13/03/2017, 12h38

اقتباس:

المشاركة الأصلية كتبت بواسطة wahidfarid

يوجد مقال للدكتور سعدالله آغا القلعة يطرح فيه رآيه لعدم تعاون فريد الآطرش مع آم كلتوم مع إحترامي طبعا لرآي آستادنا عادل و لكم الرابط
http://www.agha-alkalaa.net/archives/14670

انا شفت الرابط ولكن اعتقد ان الموضوع مخالف تماما
يعنى اولا الدكتور سعد الله الاغا لم يكن مصريا ولا عايش فى الوسط الفنى يعنى شابيف كل الفنانين على الطبيعة او فهم دماغهم ... يعنى هو قال عن ام كلثوم وعبد الحليم ان ام كلثوم خافت من قدوم عبد الحليم فأستقطبت الملحنبن بتوعه وهم بليغ والموجى .. والموضوع ده مخاف تماما .. يعنى اولا ام كلثوم لولا انها لقت فى الموجى وبليغ شىء يفيدها جدا جدا ماكانت خلتهم يلحنوا لها .. يعنى هى بأت ببليغ وفى اغانى عديدة ثم الموجى فى اغانى اقل منهم رابعة العدوية .. يعنى ام كلثوم شغلها عدنها اهم حاجة مش معقول عشان خايفة من ظهور عبد الحليم القوى انها تاخد الملحنين بتوعه ... اما عن فريد انا نسيت اقول ان فريد كان بيمعل كل سنة فيلم او فيلمين .. وكل فيلم بيعمل 6 اغانى .. وبيتنقل من بيروت لمصر يعنى مش فضى لم كلثوم .. بينما عبد الوهاب لما كان بيلحن لأم كلثوم كان بيتفرغ لها تماما لمدة سنة ونصف ... يعنى مش بيعمل اى شغل تانى وبعدين عبد اولاهب ساكن ورا بيت ام كلثوم بشارعين يعنى فى اى وقت ممكن يلتقوا .. يعنى هو كان بيحب يلحن فى بلودان وبعد ما اللحن يكتمل بيعود الى القاهرة ويتفرغ للمسات النهائية قبل البروفات ... وبرضو ام كلثوم عمرها ماتخاف ان فريد لو عمل لها لحن مكن هو يغنيه وباخد منها الجمهور ده كلام فارغ يعنى ام كلثوم كانت موضوع تانى وما ينفع حد مش عايش معاها 24 ساعة يتكلم عنها ... يعنى ليلى حفلة ام كلثوم كان العالم العربى من المحيط للخليج ( اللى حضر منكم الايام دى ) كان من الساعة 6 مساء الكل بيشترى لوازم السهرة ويروح جرى ع البيت يتعشوا ويقعدوا جنب الراديو يسمعوا ام كلثوم وكان البلد حصل فيها حظر تجول ... فريد كان له جمهور لكن محدود يعنى عمر حفلة فريد ماكانت تاخد الحضور الجماهيرى حول الراديو لكل الناس فى كل الدول واكرر تانى لو كانت ام كلثوم حتلاقى اضافة فى لحن لفريد الاطرش لكانت عملته يعنى مكانة فريد الاطرش اكبر من مكانة سيد مكاوى مثلا كام مرة ؟ وسيد مكاوى كان دول حياته مطرب وبيغنى فى حفلات وله جمهور

**مينا رضا** · #7 14/03/2017, 12h44

شكراً لتحليلك الرائع يا استاذ عادل

**عادل صموئيل** · #8 10/03/2017, 21h18

كنت عايز أسال حضرتك سؤال خاص عن تجربة العمل المشترك بين السيدة أم كلثوم وفريد الأطرش .. بصرف النظر عن أسباب عدم التقاء القطبين في عمل مشترك.. سؤالي لحضرتك، ماذا كان سيضيف فريد الأطرش لأم كلثوم؟ من وجهة نظر حضرتك؟ وهل كان سيكون مثل محمد عبد الوهاب اللي عمل طفرة في مشوارها؟ وأعاد تقدمها بشكل جديد جذب لها جمهور من الشباب وعمل على إطالة عمرها الفني؟ كمان من رؤيتك وحياتك مع الإثنين، ماهي ملامح العمل المشترك الذي كان من المفترض أن يتم، فهل تعتقد أنه سيكون لحن تقليدي بالآلات شرقية باحتة ونفس شكل أغاني أم كلثوم قبل مرحلة محمد عبد الوهاب وبليغ؟ من معرفتك لفريد الأطرش هل كان سيقدم لها أغنية بشكل حديث أيامها أم سيحافظ على الشرقية البحتة والأسلوب الكلاسيكي في الغناء والمتبع قبل مرحلة بليغ وعبد الوهاب مع أم كلثوم .. وهل تعتقد حضرتك أن التجربة بين القطبين كانت ستنجح ويستطيع فريد تقدم شيء يتحدى به محمد عبد الوهاب وبليغ حمدي والموجي.. و من وجهة نظرك ومعرفتك لفريد الأطرش، هو كان ممكن يقدم لها أيه جديد وكان معاه أيه يتميز به مع أم كلثوم أمام الحان بليغ وعبد الوهاب لها..
مع جزيل الشكر
[/SIZE]

انا بختلف عن جميع الزملاء اللى كانوا فى الوسط الفنى فى الوقت ده ان كان متوسط اعمارهم فى حدود 50 سنة وكنت انا سنى 20 سنة يعنى كان النجم الكبير اللى قدامى ده كان نجم عملاق يمكن قبل ما انا اتولد بكتير .. غير مثلا علاقتى بهانى شاكر لنه كان زميلى فى الكلية قبل ان يتشهر .. ووجودى مع العمالقة وانا بحب اتعلم خلانى اخد بالى من كل حاجة يعنى بتعلم كل يوم شىء وهو اللى انا بسترجعه النهاردة ... يعنى فيه موسيقيين كتير كانت العملية بالنسبة لعم نحتة او شغلة وخلاص ان كانت بالنسبة ليا مش مدرسة ولكن كان كل عملاق بيمثل كذا اكاديمية فى قلب بعض .. يعنى فى الوقت اللى فيه واحد يتمنى يشاتغل مع العمالقة كان فيه ناس بتسيبهم عشان بيدوا فلوس قليلة .. اما عن ام كلثوم وفريد الاطرش .. انا حللتها من ناحية ام كلثوم ( بعد ما شربت ام كلثوم وفهمت دماغها زى مافهمت دماغ كل واحد منهم ) ام كلثوم مكانتش ترغب ان فريد يلحن لها .. لأنها لو كانت ترعب فى حد يلحن لها وكان فى بلاد واق الواق لكانت جابته .. فى الفترة اللى كان الكلام فيها عن ان فريد يلحن لأم كلثوم ... من وهة نظرى كانت الحان فريد ابتدت تبقى مش زى الاول يعنى لو قارنت الربيع بعش انت مثلا تحس فرق بين السما والارض .. انا بحسها كمدون وكعازف كمان اتميز انى بغنى بالكمنجة .. يعنى انا لو ماغنيتش الربيع بالكمنجة مرة كل اسبوع احس ان حاجة ناقصانى .. لكن لما جيت ادون عش انت لقيت اللزمات فاضية مش اللى هى مش زى مثلا اول همسة ولا ياجميل ياحميل ولا مئات من اانى فريد لزمات تجنن ... بعكس عبد الوهاب كان كل لحد احدث بيحمل موسيقى اكتر من الاقدم بكتير ... يعنى هى حست ان غبد الوهاب اضاف لها كتير لكن فريد ماكانش حايضيف لها حاجة ... الاهم ان فريد كان بيحب الراقصات ... يعنى لم يخلو فيلم لفريد من راقصة .. وعشان الراقصة يبقى لها قيمة ماتبقاش فى الفيلم بركة يعنى مالهاش لازمة كان لازم لحن فريد يرقصها حلو ... يعنى انت لما تسمع اى اغنية لفريد تلاقى لو فيها جملة رصينة تلاقى الجملة التالية بيرقص او تبقى محتاج تشوف سامية جمال .. ده اللى خلا ام كلثوم تحجم عنه ... يعنى كان عبد اولاهب لما بيخليها تغنى جمل شبابية اوى وهى فى الستين ... يعنى ونات معايا يصعب عليا لايغيب جمالك ويغيب دلالك .. عبد الوهاب كان بيحرص على حاجتين عكس بعض قمة اكلام الشبابى المرهق مع حدود الرصانة لأم كلثوم ... هى لما خلت بليغ يلحن لها او الموجى .. كان سنهم صغير جدا بالنسبة لفريد بس هى لقت ان عندهم لونها او تقدر توظفهم .. حتى سيد مكاوى .. اخدت منه شوية شقاوة بس فى حدود سنها .. دى وجهة نظرى مع اطيب تحياتى عادل صموئيل

**amrnabmans** · #9 11/09/2024, 00h00

مستر عادل
بوجه الشكر لحضرتك على كل اللي قدمته, لكن في عمل في غاية الأهمية أتمنى أن حضرتك تدونه لنا.. رائعة وردة وعمار الشريعي (قبل النهارده)
طبعا انا عارف رأي حضرتك في التوزيع لكن حضرتك الوحيد اللي تقدر تبسط عمل دسم زي دا بحيث تقدر آلة واحدة انها تعزفه
https://www.youtube.com/watch?v=vTolRl8UVB4

**salhi_haithem** · #10 14/09/2024, 20h00

اقتباس:

المشاركة الأصلية كتبت بواسطة amrnabmans

مستر عادل
بوجه الشكر لحضرتك على كل اللي قدمته, لكن في عمل في غاية الأهمية أتمنى أن حضرتك تدونه لنا.. رائعة وردة وعمار الشريعي (قبل النهارده)
طبعا انا عارف رأي حضرتك في التوزيع لكن حضرتك الوحيد اللي تقدر تبسط عمل دسم زي دا بحيث تقدر آلة واحدة انها تعزفه
https://www.youtube.com/watch?v=vTolRl8UVB4

السلام عيكم
أظم صوتي للأخ عمر لو يتكرم الاستاذ عادل علينا بهاته التحفة التاريخة التي انتخبت من بين أحسن 50 لحن في القرن الماضي.. أغية جد رائعة و سبق أن طلبت كذا مرة.. الأغنية كانت تدور في بالي و لي مدة متردد أنه اعيد طلبها .. و المحرج أني وجدت فتاة تعزف الاغنية في عزف منفرد على العود و أنا لا اعزفها هههه و قد حز في نفسي ههه
https://www.youtube.com/watch?v=9BRQfcMduck
علما أنه الاستاذ عادل مختص في النوعية الصعبة و المعقدة مثل زي النهار ده
هيثم