طلبات نوتة أ / عادل صموئيل الجزء الثانى

[عادل صموئيل]

المشاركة الأصلية كتبت بواسطة بكر محمد دحدولي

مرحبا يا أستاذ عادل , طابت اوقاتك بكل خير ,تسلم ايدك يا أستاذ عادل بتتدوين اغنية
اول قضية حب فهي فعلأ صعبة ومن العيار التقيل و ارجو ان لا تنسى من بعد اذنك تتدوين اغنية ( يا ترى نسى لايه) لفتحية احمد و من لحن محمد القصبجي , هذا فيديو لليلى حجيج تغنيها, و ارجو ان ترد على هل اللحن صعب للتدوين ,او انت بخبرتك العليا تستطيع تدوينها, فا انا محتاج اليها جداً جداً ,شكراً جزيلاً مقدماً عليها و انتظر ردك الكريم تحياتي

https://www.youtube.com/watch?v=7bRnrZq5dKc

اخى العزيز

طبعا ده لحن صعب جدا جدا ومش اى حد يقدر يدونه ... هم بينتمى الى فترة اوائل الاربعينات كان وقتها مفيش تدوين والفرقة بتحفظ اللحن .. ناهيك طبعا عن اداء المطربة فتحية احمد انا للعلم اول مرة اسمع اللحن هنا .. جيت عند الشوية اللى عملتهم فى الكوبليه الاخير وتوقفت لن مش ممكن اى حد يقدر يؤدى اللى قالته سواء غناء او عزف .. وحتى لو دونت الشوية دول من الصعب حد حايقدر يعزفهم لأنهم حيكونوا فى منتهى العوبة وحتى لو اتعزفوا المستمع مش حايفهمهم لأن الحن قديم ومش اى حد حافظه لأن اللى يسمع الجزء ده لازم يكون حافظ اللحن جيدا عشان يتمتع بالعزف او الغناء ... انت حليت المشكلة لما جبت التسجيل بتاع ليلى حجيج .. يعنى واضح ان الفرقة مافيش امامهم نوت يعنى اللحن برضو مش متدون والفرقة حافظان وانا بخبرتى من الفيديو حسيت بالاستاذ عازف العود واضح انه هو اللى محفظ كلا من الفرقة والمطربة ... وبخبرتى ايضا حسيت انه استوعب اللى انا قلته عن ان الجزء الاخير فيه تنويعات مش ممكن حد يقدر يقولها غير القصبجى وفتحية احمد لذلك اختصر الجزء ده وخلا الاغنية سهلة شوية معقولة يعنى وللعلم نفس القصة حصلت مع اغنية مالعينيكى ومالى لأسمهان نفس الموضوع وان شاء الله انا حدونها من تسجيل ليلى حجيج .. بس طبعا ده لحن فى منتهى الصعوبة يعنى انتظر كام يوم حابتدى فيها اول حاجة يعنى بس الالحان الصعبة دى لازم تاخد وقتها مع اطيب تحياتى عادل صموئيل