الفنانة الراحلة ربــاب 1947 - 2010

**محمودالعقيلى** · #1 05/09/2016, 16h09

رباب

اللي بغيته ياهلي

اللي بغيته ياهلي لا مابغيتوه .. واللي تبونه نفسي عيت تريده
وش فادكم ياناس قلبي غصبتوه .. ياحر نفس ٍ من نفوس ٍ عنيده

حبل الموده بيني وبينه قطعتوه .. وبعدتوا بيني وبين دنيا سعيده
حتى شعوري بالمحبه جرحتوه .. ظلم الحبايب عادة ٍ ماهي حميده

فرح الأماني يا حسافه هدمتوه .. واحلام ليلي بالعواصف شريده
ما ذوقتوا طعم الحب مثلي وعرفتوه .. بين الهوى وبينكم دنيا بعيده

كلمات: عبدالامير عيسى
ألحان: احمد عبدالكريم

1987

**محمودالعقيلى** · #2 05/09/2016, 23h50

رباب

انت خصمي والحكم

انت خصمي والحكم .. هذا ما يمثل عداله
ليتك انت اللي انظلم .. قلبي جربت انت حاله
انسى طغيانك وروح .. ماني ناقص هم جروح
روح روح .. روح روح

قلبي طيب ..
وتحسبني في امور الحب سطحي
قلبي طيب ..
انت تهدم .. وانا ابني والنتيجه هذا جرحي
قلبي طيب ..
الحزن سيد فؤادي .. والندم آه يا الندم قلبي يحسه
انسى طغيانك وروح .. ماني ناقص هم جروح
روح روح .. روح روح

هذي كانت مرحله .. مالي فيها اليوم حافز .. هذي كانت مرحله
اي حنين واي وله .. وبيننا الفين حارس
ابتعد من لا تنادي .. الزمن ما يعيد نفسه
صعب انا زعلي وعنادي .. وحبك انت طفت شمسه
انسى طغيانك وروح .. ماني ناقص هم جروح
روح روح .. روح روح

كلمات: احمد الدوسري
ألحان: احمد عبدالكريم

1987

**محمودالعقيلى** · #3 06/09/2016, 18h29

رباب

تو ما تبارك

تو ما تبارك المكان .. وبينت انواره
تو ما تبارك المكان
ياغالي انته من زمان .. وحبك له مقداره
ياغالي انته من زمان
ترى الليل ما يحلى .. الا بنور القمره
ومن دونك ياغالي .. ما نشتاق للسهره

نعدي الوقت في غيابك .. ونحسب حسبة الخطوه
ترانا هنيّ احبابك .. والخطوه ماهي بعنوه
ليش انك فرح هليت .. و النجوم لك زينه
تجينا شوي بس ساعه .. والساعه ما تجزيّنا

سوالفنا معك اتطول .. ومن دونك احنا ما نسولف
وعليك يازين مهما نقول .. لغيرك احنا ما نولف
ليش انك نسايم طيب .. وروح الطيب هو منك
والفرحه ترى ما تطيب .. الا بطيف من حسنك

كلمات: ساهر
ألحان: سليمان الملا

1987

**محمودالعقيلى** · #4 06/09/2016, 19h56

رباب

على جناحات سحرية

على جناحات سحريه .. ياخذني الشوق كل ليله
وانا باحلام ورديه .. تمر ليله ورا ليله
واخاف اصحى من احلامي .. على اوهام كذابه
واخاف تمر ايامي .. والا اوقف على بابه

على اوراق الشجر والورد .. كتبت انا مواويلي
قضيت ايام ما تنعد .. ضويت شموعي في ليلي
واثاري الحلم لى طول .. يغير كل الوانه

اذا يهواني ويبيني .. يجي ويسأل على اخباري
اهو يعرف عناويني .. ويدري بسكتي وداري
وانا ماني مثل اول .. على هالحب شفقانه

كلمات: بنت الجزيرة
ألحان: سليمان الملا

1987

**محمودالعقيلى** · #5 06/09/2016, 20h04

رباب

لا والف لا

لا والف لا لا .. محبتك ماارجع لها
لا والف لا لا .. وبكل ثقه اقولها
يكفي خلاص عمري .. عمري اللي راح
يكفي عذاب يكفي .. يكفي الجراح
لا لا لا لا .. والف لا

نعم هذي انا .. ومثلك انت انا اصير
نعم هذي انا .. وجرحي علمني الكثير
سكت سنين .. وتعبت انا بسكوتي
لكن الحين .. اقولها باعلى صوتي
لا لا لا لا .. والف لا

آه يا سنين عمري .. اللي ضاعت بين ايديك
آه لو كنت ادري .. ما افكر لحظه فيك
توني بديت .. اعيش عمري الجديد
وحتى نسيت .. انك الحب الوحيد
لا لا لا لا .. والف لا

كلمات: سامي العلي
ألحان: نامق اديب

1987

**محمودالعقيلى** · #6 12/09/2016, 17h33

رباب

الله اكبر

الله واكبر .. الله واكبر
لله واكبر عليك ..
ياللي فرقت بين الأم وولدها
ياللي فرقت بين الأخت واختها ..
الله .. الله .. الله واكبر عليك

مشتاقه لأهلي مشتاقه ..
مشتاقه .. لكويتي مشتاقه
وكويتنا .. اغلى من عيوننا
وكويتنا .. هي قطعه من قلبنا
ياحلوها أرضنا .. يا حلوها أرضنا
الله واكبر .. الله واكبر
لله واكبر عليك ..

كويتنا اسم الفخر .. كويتنا طول الدهر
نحبها لو مهما حصل
الله واكبر .. الله واكبر
لله واكبر عليك ..

كلمات: رباب
ألحان: رباب

1990

**محمودالعقيلى** · #7 14/09/2016, 13h12

رباب

حبيبة الكويت

قلبي صرخ من حر ما فيه
وين الطبيب الذي بناره يداويه

كويتنا يا عرب تآمرنا أمر
كويتنا تبقى لنا طول العمر

كلنا كلنا.. كلنا يابو مبارك
كلنا فداك وفداها لا تزعل ولا تنزل دموعك
كويتنا بترجع لنا واحنا تحت سمعك وطوعك

كويتنا شمس ٍ وضاح .. في ضل جابر وولي عهده سعد و آل الصباح
كويتنا تبقى بعزها للصباح .. كويتنا يا عرب نجم بين النجوم لواح

كلمات: رباب
ألحان: فلكلور بدوي

1990

#8 16/04/2017, 05h37

لا تنـــادي