طلبات نوتة أ / عادل صموئيل الجزء الثانى

[عادل صموئيل]

احبائى

اقدم لكم اغنية

ياعاشقة الورد

للفنان زكى نصيف انا لاقيتها قدامى فى الملفات الى بشتغل فيها مش فاكر نزلتها ولا لأ حاولت ابحث عنها فى المتدى مالقيتهاش
مع اطيب تحياتى

[المنير]

السلام عليكم
الله عليك يا أستاذ عادل. أغنية رومنسية جميلة.

[خليل سليم]

شكرًا أستاذ عادل المحترم على تدوينك الرابع لأغنية عاشقة الورد والرجاء لا تنسى طلبي القديم لأغنية نجاة الصغيرة كل شى راح وانقضى وأدامك الله لنا وأنعم عليك بالصحه وطول العمر والسعادة الدائمه

[Ayman1]

استاذ عادل ممكن نوتة مقطوعة عطر الغجر للأستاذ انور ابراهيم ... شكرا

[عبد الإله]

كيف حالكم أستاذنا الحبيب .
عندي سؤال يشغل بالي،كيف أصبح سريعا في قراءة النوتة وهل بإمكان أي أحد عزف النوتة من الوهلة الأولى أم لا بد من فحصها أولا و التدرب عليها؟

[عمرو الهنداوي]

صديقي العزيز، اسمح لي بالإجابة عن سؤالك بعد أذن السادة الزملاء..
نعم .. يمكنك الوصول لمرحلة قراءة النوتة بمجرد النظر اليها.. بل واسرع من ذلك ولكن بالتدريب والممارسة الكثيرة وعزف الكثير والكثير من النوتات والتدريب على توافق النظر مع أصابع اليد.. والتمكن من الالة التي تعزف عليها..
وبالطبع حتى لو كنت محترف قراءة نوتة عليك النظر في النوتة وفحصها والتدريب عليها، فهناك جمل محتاجة تدريب وتوافق حركي للأصابع اليد ومن هنا تأتي أهمية جلسات التدريب لفهم اللحن والنوتة واستيعاب المضمون والتدريب على الجمل الصعبة.

[عبد الإله]

ألف شكر أستاذي الجليل ،
أنا أعزف على الأورغ و العود لكن مضى وقت طويل سنتان تحديدا على قراءة النوتة ولا أزال بطيئا في قراءة الجمل فأحتاج إلى تفحص النوتة وضبط المقام أو المقامات مرات عدة وكذلك سير أصابع اليد وتوافقها كما ذكرتم قبل التمكن منها لكن بعد ذلك أقرؤها كالكتابة أو أسرع
لكنني أكون حفظتها
وسألت صديقا لي في المعهد الموسيقي وهو في السنة السابعة فأخبرني أنه لا يتسنى لأحد قراءة النوتة وعزفها من أول وهلة
وأجدد تحيتي وشكري لمبادرتكم بالرد

اخى العزيز
الموضوع محتاج شرح اكتر .. فيه طريقة للمحترفين جدا وطريقة للهواة ..
كلمة محترفين جدا يعنى مثلا زى الفرقة الماسية بالذات .. يعنى قيمتك كعازف هى القاءة للنوتة من اول وهلة وتمام 100% .. يعنى احنا كان عندنا قسمين من لاغانى .. الاغانى الكبيرة بتاعة المطربين الكبار ودى كانت بتاخد بروفات كتير .. كنا بنقرا الورق اللى قدامنا من اول وهلة دى حاجة مافيش فيها نقاش .. لكن كان الملحن بيغير فى اللحن بيشيل جمل ويستبدلها بجمل اخرى وكانت اضا لازم تتعزف من اول وهلة .. وصديقك اللى معهد الموسيقى ده ماعندوش فكرة عن الاحتراف العالى ده .. لأننا كنا بعد ما نقرأ الجملة من اول وهلة بييجى دور الملحن يديك الاحساس اللى هو عايزها تتعزف ازاى .. اما شغل المطربين الصغيرين او الاغانى الصغيرة بتاعة المطربين الكبار زى مثلا ليل ياليالى لوردة او انا عندى بغبغان وكل اغانى مسلسل اوراق الورد كنا بنروح الاستديو والنوتة توضع امامنا نعزفها مرتين وتالت مرة نسجلها .. يعنى بالكتير كانت الاغنية بتتسجل فى نصف ساعة
اما بالنسبة للمبتدئين والهواة العملية حتاجة تدريب كتير زى ما قال الاخ العزيز عمرو هنداوى بس الطريقة المثلى للتدريب كيف ؟
اول حاجة لازم يكون عندك طابعة كمبيوتر من اى نوع .. وتشوف انوتات الموجودة اللى انا بدونها .. الاول اختار النوتات اللى شكلها سهل ويفضل لو تكون الاغنية انت حافظها .. واقراها الاول بعدين حاول تعزفها جملة جملة عد تكرار المحاولات حتلاقى نفسك بتقرأ النوتة وتعزف اسرع .. بعدين ابتدى فى مجوعة اغانى اصعب قليلا .. هو مدرستى انا شخصيا فى التدوين هى تبسيط النوتة عشان اللى يشوفها يحسها سهلة ممكن حد تانى يكتب نفس اللحن بس بطريقة صعبة تجعل المبتدىء يخاف من شكلها .. المهم ماحدش بيتولد شاطر لكن بيحاول .. يعنى هل انا اتولدت بقرأ نوتة ؟ ولا حاولت وتعبت وجربت لحد وصلت لبداية الطريق وتعبت تانى وتفوقت .. مع اطيب تحياتى عادل صموئيل

[عادل صموئيل]

احبائى

بناء على تكرار الطلب اقدم لكم الكوبليه الثالث من

سهران لوحدى

ياللى رضاك اوهام بدون الادليب اللى فى آخره لأنه من الصعب تدوينه

مع اطيب تحياتى

[عبد الإله]

حبيبي الأستاذ صموئيل،
كلامك جميل وواضح للغاية وفعلا يبدو أن صديقي مخطئ بعد شهادتكم لا شك في ذلك .
تقبلوا مني أجمل التحيات.

اخى العزيز
كمان فيه ملحوظة
لو سمعت1000 حفلة للفرقة الماسية من رابع المستحيلات انك تسمع غلطة واحدة عمرها ماتحصل
لكن لو سمعت اى فرقة اقل فى المستوى ممكن تسمع غلطات كتير السبب هو موضوع القراءة الفورية صح 100% من اول نظرة ... ليه ؟ يعنى انت لو تجيد قراءة اى لغة العربية او عندكم الفنسية اجادة تامة 100% بتمسك جريدة او كتاب تقراه كله مرة واحدة بدون غلطة يعنى مش ممكن تقف معاكى كلمة بأى حال من الاحوال تستهجاها ... وده بيبقى فى اى وقت يعنى لو صاحى من النوم حاتقرا لو فى مكان حاتقرا ...
مع اطيب تحياتى عادل صموئيل

[dorame]

استاذنا الرائع / عادل صموئيل
لا صعب يقف امامك ابدا فانت قمة في الابداع والاحساس وكنت متاكد بانك ستكون الاول والوحيد الذي نوت نوتة سهران لوحدي لما فيها من صعوبة وامواج قاسية صعبة المراس
تحياتي واحترامي