رد: برنامج قراءة النوتة مباشرة من ملفات البي دي آف pdf to music
استاذ عادل كل الشكر على هذا المجهود الرائع بصراحه بشوفك أب للأعضاء دائما عم تقدم النصح و الافادي وعم تحاول تساعدن بشتى الطرق . انا حملت أغاني بحببه كتير من تدوينك وحولته من PDF إلى musixml لاقدر افتحه على برنامج Sibelius واسمعه هذا الشي ساعدني كتير .
بس من كلامك عم تقول انو عندك نسختان للغناي وحدي PDF والتاني أنكور بتمنا من حضرتك ترفعنا النسختين الانه التعامل مع نسخة انكور سهل كتير منقدر نحوله بكل سهولي ل musicxml وهذي اللا حقه بتفتح على أغلب البرامج وهيك ما بعود بنا برنامج بحول من PDF لنوته موسيقيه
اخى العزيز
انت عارف انى ما اقدرش اتأخر فى اى طلب اذا كان ممكن لكن انى انزل ملف الانكور ده مش حايفتح عند اى حد غير فى جهازى فقط يعنى الملف اصلا مش حايفتح نهائيا لسبب .. انتى لو قارنت بين مدوناتى ومدونات اى زميل آخر بيكتب على الكومبيوتر .. الاحترافية العالية جدا اللى انت بتشوف بيها شكل النوتة .. دى شكل النوت اللى كنا بنعزف منها فى الفرقة الماسية بس وقتها كانت بتتكتب بالقلم الرصاص بيعدين بياخدها نساخ او خطاط يكتبها بالريشة بخط جميل تبقى شبه الكتب يعنى .. انا عشان اوصل للأحترافية العالية دى اخترعت فونتات وطورت برامج بدخلها بطريقة صعبة جدا على برنامج انكور .. يعنى انا لو نزلت نسخة ويندوز جديدة ونصبت برنامج انكور ممكن يشتغل لو حكتب عليه شىء جديد لكن لو عايز افتح ملف اقدم قبل ازالة نسخة الويندوز مش حايفتح إلا لو ابتديت انزل عليه كل الحاجات اللى قلت عليها .. كمان اى مدون متميز بيبقى عنده اسرار ممكن ما يحبش يشوفها المدونين الآخرين .. كمان المشكلة الخطيرة واللى انا متابع معاك جدا البرنامج الاخير لتحويل pdf الى نوتة برغم مشاكله او صعوبة استعماله وان الملف لازم بيحتاج شغل كتير عشان يبقى زى النوتة الاصلية
زى ماقلت انا بدون كمبيوتر نوتة من اكتر من عشر سنوات شوف ممكن يكون عدد النوتات اد ايه ممكن آلاف .. المشكلة الخطيرة ان لما بعمل تعديل او تنزيل لنسخة ويندوز جديدة بنقل ملفات من مكان الى مكان .. وكتير فيه منها ملفات بتتبعثر او تضيع مش بعرف الاقيها .. هنا لو حصل واحتجت النوتة دى تانى بنزلها من سماعى pdf ولسه حصلت معايا امس يعنى زميل عنده فرقة عايز اغنية لشادية انا مدونها من سنوات بس عايز انزلها نصف تون .. هو لو كان عايزها زى ماهى خلاص لكن انزلها نصف تون لازم الاقى ملف الانكور .. بحثت عنه على الجهاز مالقيتها .. جبت هارد تانى كنت حافظ عليه حاجات كتير ايضا مالقيتها اضطريت طبعات الاغنية على الطابعة وكتبتها تانى ع الأنكور بس من حسن الحظ انها كنات اغنية صغيرة يعنى صفحتين وخفيفة مافيهاش مشاكل فى الكتابة اتمنى تكون المعلومة وصلت
مع اطيب تحياتى عادل صموئيل
التعديل الأخير تم بواسطة : عادل صموئيل بتاريخ 13/05/2016 الساعة 21h11
|
العرض الشجري