محمد الموجي- 4 مارس 1923 - 1 يوليو 1995

[oldisgold]

إسأل روحك للعملاق محمد الموجى تسجيل بجودة ممتازة ... مقسمة لأربعة أجزاء ومرفقة بالكلمات كل جزء مُرقم برقمه المناظر له
يلاحظ بالأغنية الجزء الذى لم تغنه كوكب الشرق أم كلثوم بالجزء رقم (3) .. وها هى الكلمات:

إسأل روحك
كلمات: عبد الوهاب محمد
ألحان وغناء: محمد الموجي
(1)
إسأل روحك .. إسأل قلبك .. قبل ما تسأل إيه غيّرني
أنا غيّرني عذابي في حبك .. بعد ما كان أملي مصبّرني
غدرك بيّ .. أثّر فيّ .. لما حياتى بقت مش هيه
واتغيّرت شويه شويه اتغيرت ومش بايديه
وبديت أطوي حنيني إليك .. وأكره ضعفي وصبري عليك
واخترت أبعد بعد ما فاض بى .. وعرفت أعند وآجى على قلبى
اخترت أبعد ... وعرفت أعند
حتى الهجر قدرت عليه .. شوف القسوه بتعمل إيه

كنت زمان بتعيش فى عواطفي .. ونفسى وذاتى وروحى كمان
كنت باحس إن إنت زماني .. ويومي وبكره وبعده كمان

كنت زمان بلاقيك بحناني .. بحر محبة وبر أمان
كنت باحس إن إنت زماني .. ويومي وبكره وبعده كمان
كنت باشوفك بعيون حبي .. وانت بعيد أو وانت بقربي
أقرب من بسمتي لشفايفي .. أقرب من إحساسي لقلبي
بعد الود اللي راعيتهو لك .. بعد الحب اللي وهبتو لك
بعد العمر اللي انا عشتو لك .. فيه إيه تاني أقدمهو لك؟

غدرك بيّ .. أثّر فيّ .. لما حياتى بقت مش هيه
واتغيّرت شويه شويه اتغيرت ومش بايديه
وبديت أطوي حنيني إليك .. وأكره ضعفي وصبري عليك
واخترت أبعد ... وعرفت أعند
حتى الهجر قدرت عليه .. شوف القسوه بتعمل إيه
(2)
أنا مانسيتش الحب وعهده .. ولا أيامه ولا لياليه
أما ان كان ع الحب لوحده .. من غير ظلمك أهلاً بيه
أنا لوعني جفاك .. وأنا علشان انساك
أنا حيرنى هواك .. وأنا علشان أنساك
بابعد عن كل مكان .. رحته ولو مرة معاك
واهرب من أقرب ناس يعرفوا قصتي وياك
وباغيّر أي كلام بيجيب سيرة لذكراك

وصلتني للحال ده بإيدك .. بعد ما كانت روحي ف إيدك
سِبتك ومفيش حد في عمري .. يشغل بعدك قلبي وفكري
سِبتك من غير حتى ما أفكّر .. حأقدر أسيبك أو مش حأقدر

غدرك بيّ .. أثّر فيّ .. لما حياتى بقت مش هيه
واتغيّرت شويه شويه اتغيرت ومش بايديه
وبديت أطوي حنيني إليك .. وأكره ضعفي وصبري عليك
واخترت أبعد ... وعرفت أعند
حتى الهجر قدرت عليه .. شوف القسوة بتعمل إيه
(3)
آه لو كل الناس بيحبوا .. زى ما قلبى عاش بيحبك
فوق أحاسيس وشوق الناس
كانت الدنيا بقت حاجه تانيه .... كان الناس بقوا زى ملايكه من الإحساس
وأنا على الحب ومتبعيش بُعدى كمان ما بيبعدنيش
والحرمان ما بيغلبنيش
واللى بيعرف قلبه الحب ما بيسألش فى بعد وقرب
بس كفايه عنده يحب
وأنا حبيتك ... أنا حبيتك ... للحب لوحده اللى لا قبله غرام ولا بعده
حبيتك للحب لوحده اللى لا قبله غرام ولا بعده

غدرك بيّ .. أثّر فيّ ... لما حياتى بقت مش هيه
واتغيّرت شويه شويه .. اتغيّرت ومش بإيديه
وبديت أطوي حنيني إليك .. وأكره ضعفي وصبري عليك
واخترت أبعد بعد ما فاض بى .. وعرفت أعند وآجى على قلبى
واخترت أبعد وعرفت أعند .. حتى الهجر قدرت عليه
وانت يا عيني .. لو في مكاني يا عيني
كنت حتعمل غير كده إيه؟
إسأل روحك
(4)
إسأل روحك .. إسأل قلبك .. قبل ده كله اتغيروا ليه
أنا غيرني عذابي فى حبك .. لكن انت غيّرك إيه؟
هو حناني عليك قسّاك حتى عليّ؟
ولا رضايَ كمان خلاك تلعب بيّ؟
ولا تسامح روحي معاك غرّك بيّ؟
أنا يا حبيبي صحيح باتسامح .. إلا فى عزة نفسي وحبي
واما يفيض بي ما باعرف أصالح .. وأعرف آجي كتير على قلبي

غدرك بيّ .. أثّر فيّ ... لما حياتى بقت مش هيه
واتغيّرت شويه شويه .. اتغيّرت ومش بإيديه
وبديت أطوي حنيني إليك .. وأكره ضعفي وصبري عليك
واخترت أبعد وعرفت أعند .. حتى الهجر قدرت عليه
وانت يا عيني .. لو في مكاني يا عيني
كنت حتعمل غير كده إيه؟
إسأل روحك