طلبات نوتة أ / عادل صموئيل الجزء الثانى

**عادل صموئيل** · #1 18/12/2015, 06h56

احبائى

اقدم لكم من مدائح السيدة العذراء

مديحة يامريم

هى عبارة عن جملة بتتكرر كتير وحملة تانية انا كاتب عليها صولو بيتغير اللحن شوية وبعدين بترجع للجملة الاولى تانى
مع اطيب تحياتى

**مينا رضا** · #2 18/12/2015, 09h09

الف شكر للاستاذ القدير عادل صموئيل على مديحة يا مريم

**نور الصباح** · #3 18/12/2015, 09h29

أستاذنا الجليل
الفنان المبدع الجميل
--{{عــــــــــــــــــــــــــــــــــــــادل باشا صموئـــــــــــــــــــــــيل }}--
سلام الله عليكم ورحمته وبركاته
وبعـــــــــــــــــــــد :
والله زمان يا أستاذنا الكبير
وحشانا تحفك الجميلة
وعودة لزمن الفن الجميل
={ عذبــــــــــــــنى غلبــــــــــــــــــــنى }=
من فيلم جوز مراتى ورابط الأغنية هو
{ https://www.youtube.com/watch?v=9i20ccfB3Qg}
علما بأنكم تعرفون أننى أحب وأفضل أن يكون اللحن كاملا
ولكن رغم البحث والتنقيب أخبركم أنه فى الفيلم هكذا وفى جميع المواقع
وشكررررررررررررررررا
أخوكم
نور الصباح

**Marino** · #4 18/12/2015, 10h26

صباح الخير للجميع ....

أولاً : ألف حمد الله عالسلامة للأستاذ نور الصباح ...

ثانياً : أنا كنت طلبت من حضراتكم نوتة أغنية قصة شتا لدنيا سمير غانم بقالي اسبوع ولسه مجاتش ... وأرجو اني ما اكونش باتقل على حضراتكم في طلبي ده وباعتذر عن الحاحي ....

وشكر خاص للأستاذ عادل صموئيل بجد على النوت الرائعة والنادرة ... يعني الواحد فعلا كان بيلاقي صعوبة في البحث عن نوت لأغاني من التراث والحمد لله المشكلة اتحلت بمجرد اشتراكي في المنتدى ...

ثالثاً : أنا عندي مجموعة نادرة من الأغاني والطقاطيق للمطرب عبد اللطيف أفندي البنا اللي كان معروف زمان بكروان مصر فهل ممكن أشارك بيها هنا في المنتدى اللي بيها الناس تستفيد من تراثنا المصري الجميل ؟؟؟ ...

وتفضلوا بقبول وافر التقدير والاحترام ... وشكراً ...

اخى العزيز
اولا اهلا بيك فى المنتدى ... اولا بالنسبة للأغنية احنا هنا بنتعامل فى اغانى الزمن الجميل فقط مش بنتعامل ( او سياسة المنتدى ) مع الاغانى الحديثة إلا لو كان مافيهاش توزيع ويكون لحنها واضح يعنى تقول عليها امتداد للحان الزمن الجميل يعنى ليها قيمة فنية
اما بالنسبة لأغانى المطرب عبد اللطيف افندى البنا ممكن تنزل تحت فى الصفحة الرئيسية فى املنتدى فيه قسم اسمه منبر الطرب ادخله شوف موجود فيه عد اللطيف البنا ولا لأ .. لو موجود ممكن اولا تشوف الموجود ايه وتقارنه باللى عندك وممكن كمان تشوف لو اغنية موجودة الكواليتى يعنى الجودة عندك احلا ولا هى احلا .. لو عندك احلا ممكن تنزلها ولو مش موجود قسم خاطبنى واكلم الادارة وهم ممكن بس تقول لى عندك ملفات لكام اغنية واقول لهم يفتحوا له قسم
بس اول حاجة انت لسه عضو جديد يعنى لازم تدخل فى اقسام تعجبك فى المنتدى واكتب ردود لحد ما يبقى مشاركاتك مش اقد من عدد 15 مشاركة عشان تقدر تنزل مشاركاتك بسهوله
مع اطيب تحياتى عادل صموئيل

**Marino** · #5 18/12/2015, 19h11

اخى العزيز
اولا اهلا بيك فى المنتدى ... اولا بالنسبة للأغنية احنا هنا بنتعامل فى اغانى الزمن الجميل فقط مش بنتعامل ( او سياسة المنتدى ) مع الاغانى الحديثة إلا لو كان مافيهاش توزيع ويكون لحنها واضح يعنى تقول عليها امتداد للحان الزمن الجميل يعنى ليها قيمة فنية
اما بالنسبة لأغانى المطرب عبد اللطيف افندى البنا ممكن تنزل تحت فى الصفحة الرئيسية فى املنتدى فيه قسم اسمه منبر الطرب ادخله شوف موجود فيه عد اللطيف البنا ولا لأ .. لو موجود ممكن اولا تشوف الموجود ايه وتقارنه باللى عندك وممكن كمان تشوف لو اغنية موجودة الكواليتى يعنى الجودة عندك احلا ولا هى احلا .. لو عندك احلا ممكن تنزلها ولو مش موجود قسم خاطبنى واكلم الادارة وهم ممكن بس تقول لى عندك ملفات لكام اغنية واقول لهم يفتحوا له قسم
بس اول حاجة انت لسه عضو جديد يعنى لازم تدخل فى اقسام تعجبك فى المنتدى واكتب ردود لحد ما يبقى مشاركاتك مش اقد من عدد 15 مشاركة عشان تقدر تنزل مشاركاتك بسهوله
مع اطيب تحياتى عادل صموئيل
[/FONT][/SIZE][/B][/QUOTE]

شكراً جزيلاً أستاذ عادل صموئيل ... وان شاء الله هاعمل بنصيحة حضرتك
مع تحياتي ...

**ml adly** · #6 19/12/2015, 05h36

اطلب من اساذنا الجليل أ / عادل صاموئيل تدوين اغنية الجريدة لماجدة الرومي

**عادل صموئيل** · #7 20/12/2015, 09h59

احبائى
اقدم للأخ العزيز مينا رضا

مديح اشكرك اله يعقوب

فيه ملحوظة ان الاعمال دى قيمتها غنائية مالهاش اوى قيمة موسيقية لأنها عبارة عن جملة بتتكرر بعدد ابيات القصيدة لكن بيحصل فيها تغيير بسيط يعنى ممكن تبتدى مرة من اول المازورة ومرة قبل اول المازورة بكروش او اتنين .. لكن المهم ان اللى يعزفها بيكون يعزفها مع حد بيغنيها ويتتبعه ... يعنى انا الكمية اللى انا كاتبها ما ينفعش اكتب كل الابيات حاتبقى خمس صفحات اى حد يقراهم حايتوه فيهم لن مالهاش معالم محددة .. عاملة زى ماتكون ماشى فى شارع كل البيوت شكل واحد حاتتوه
مع اطيب تحياتى

**عاصم المنشاوى** · #8 18/12/2015, 13h06

الأستاذ الكبير

عادل صمويل....نشكركم على مجهودات حضرتك.....

لو أمكن ...لو ليك مزاج يافنان تدوّن لنا لو تكرمت أغنية الموجى ومها صبرى "قد أيه حبيتك أنت قد أيه"...

فى ذكرى رحيلها من 26 سنة ...ولحضرتك الشكر مقدما ....معلشى الاغنية حفلة لأنى معنديش ستوديو...

أستاذنا الجميل /أحمد "نور الصباح"...نوّرت بيتك ومطرحك