طلبات نوتة أ / عادل صموئيل الجزء الثانى

[أمير النغم]

استاذنا الكبير المحترم / عادل صموئيل
تقدمت اكثر من مرة بطلب نوت ولا تظهر معرفش هل الامر يخصني شخصيا ام حالة عامة
فلو تفضلت بكرمك نوتة قصيدة اني خيرتك كاظم الساهر واغنية اشكيك لمين لكاظم الساهر وموال أشكى لمين الهوى لعبد الوهاب رحمة الله عليه

الاخ العزيز
هى المشاركات مش بتظهر للعضو الجديد بتظهر للمشرف فقط عشان انت عارف فى المنتديات ممكن ناس تدخل تشتم او تقول حاجة مسسيئة ما ... والمشرف بيشوف المشاركة ولو لقاها مفيش فيها مشكلة بيفتحها وبيستمر الوضع ده لحد ما العضو الجديد يكمل عدد حوالى اكتر من عشر مشاركات او ردود فى اى موضوع يعجبك بعدين المشاركات بتاعتك بتظهر مباشرة بمجرد ما تكتبها بيبقى الادارة اتأكدت ان العضو ده شخص محترم مش بيعمل اى مشاكل
اما شروط المواضيع فى المنتدى لو تلاحظ اننا كل شغلنا على ايام الزمن الجميل يعنى مش بنتعامل مع الاغانى الحديثة ده بالنسبة لكاظم الساهر
اما عبد الوهاب انا كاتب له حاجات كتير اوى وتقدر تشوفها من الفهرس بتاعى اللى اول ماتفتح صفحة النوت تلاقيه لكن الموال والتقاسيم دى مش بتتكتب لنها بتكون ارتجاال من المطرب او العازف ومالهاش ميزان يعنى اولا صعب جدا جدا تتكتب مظبوطة ولو اتكتبت مش حاتبقى دقيقة زى الموزون وماحدش حايعرف يقراها وحتى لو قراها حاتطلع حاجة تانية غير اللى انت سامعه اصلا فى اللحن الاساسى وعادة الحاجات دى بتتعزف سماعى زى ما الواحد بيبقى سامعها بيعزفها
مع اطيب تحياتى