رد: طلبات نوتة أ / عادل صموئيل الجزء الثانى
الاخ العزيز برهان عواد
انا اشكرك الف مليون شكر على تعبك والتوضيح
هو طبعا اللفة الكبيرة دى كلها بالنسبة لى حعملها لما احتاج تعديل فى ملف قديم يكون ملف الانكور بتاع اللحن ضايع .. ودى اقلية جدا يعنى مش بتحصل كتير ... اما المستفيد الاساسى من الموضوع كله عدد كبير جدا من الاخوة الاعضاء المبتدئين فى النوتة .. يعنى ( انا بتعامل مع الكل مش على انى موسيقار ولكن بتعامل معاهم لأنى اصلا مدرس موسيقى ) يعنى عارف طبعا ان فيه ناس حاتمسك النوتة تخلصها فى دقائق وناس ممكن تتعطل فى جملة ما وهنا ممكن بيحتاج مساعدة يعنى ياخد ملف ال pdf وينزله على البرامج دى بحيث انه يخليه فى الاخر ينطق الجملة اللى مش ماشية معاه دى والبرنامج الموسيقى يقراها لو ويفهمها ويعزفها ... طبعا هو فى الاصل انا مش مقتنع بالبرامج دى 100% لأنها غربية ومش حاتخدم معانا فى الشرقى بنسبة مرضية .. لكن انت لو اخدت دزء من اللحن يعنى كام جملة ممكن تعمل شغل حلو .... وانا كنت بدى محاضرات فى برنامج انكور اللى انا متخصص فيه .. كان اول حاجة بقولها للطلبة بتوعى ان برنامج انكور ( او اى برنامج تدوين ) بيعتبر مدرس موسيقى ببلاش عندك 24 ساعة فى البيت .. يعنى اى جملة صعبة عليك مش عارف تقراها بسهولة اكتبها على البرنامج وخليه يسمعها لك وتميزه كمان ان الجملة لو سريعة شوية ممكن تعمل لها ابطاء بحيث تستهجاها وتفهمها بعدين تسرعها لسرعتها الاصلية ... وبينى وبينك الكلام ده عمل معاهم شغل جامد المهم فيه ناس كتير اوى حاتدعيلك .... انا من تجاربى الخاصة فى برامج الكمبيوتر اكتشفت حاجة خطيرة جدا ... ان البرامج الاقدم احسن واكفأ من البرامج الاحدث .. يعنى انا بشتغل ع الانكور من زمان اوى من ايام ما كان انكور 4 وكل ماتنزل نسخة احدث كنت بجربها .. احلى نسخة على الاطلاق هى 4.55 بس اقصاها ويندوز 7 ماتشتغلش على 8 .. لما نزلت نسخة انكور 5 فوجئت بالشكل الفطظيع اللى بتكتب بيه الكروشات والدوبل كروش ... يعنى زى ما انت شفت بتعمل زوائد شكلها مش مقبول زائد لخفنة فى بعض باليتات المهام غيروا مكان حاجات ودى تلخبطك وقت التدوين ... طبعا مسحته فورا .. ولما نزل النسخة اللى بعد كده وهى انكور 5.2 طلع فيها عيب اخطر يعنى لما تفتح عليها لحن قديم مش بتعترف خالص باللغة العربية يعنى بتطلع كل الكتابات العربية مربعات يعنى تديك عربة على اللى تدونه عليها فقط ودى طبعا تعمل مشكلة لو عندك مئات المفات المتكوبة على انكور 4.55 .. امبارح لقيت نسخة احدث انكور 5.0.4.0 بس ديمو مش بتحفظ محتاجة كراك لأن حتى مافيهاش تاخد سيريال نمبر .. اكتشفت انهم عاملين العلامات الشرقية بدل الدوبر دييز والدوبل بيمول لكن مالهاش اى قيمة دى حتى تلخبط اكتر لأنها بتغنيها دوبل بيمول مش نص بيمول يعنى المهم اشكرك على تعبك وحاجرب مع اطيب تحياتى عادل صموئيل
ملحوظة انت فوق كل مرة بتنزل ملف القلب يعشق كل جميل دى خلصنا منها خلاص ممكن تنزل لى ملف اللى فيه الادليب الملخبط اللى انت منزل صورته فوق عشان اشوف ممكن يتصلح ولا لأ لأنى كمان مش عارف دى اغنية ايه مش باين اولها
|
العرض الشجري