طلبات نوتة أ / عادل صموئيل الجزء الثانى

[El mago Silva]

.

صباح\مساء الخير

عندي سؤال أستاذ عادل ..
ماهي وظيفة الموزع بالتحديد .. هل هو من يقوم بوضع الجمل الموسيقية والمقدمة ومابين الكوبليهات للأغنية؟
أم وظيفته هي بتوزيع الآلات على الوصولهات المناسبة
بمعنى أن ملحن الأغنية يقوم بتلحين الأغنية كلمة وموسيقى على العود
ثم يأتي الموزع بوضع الآلات المناسبة لكل جملة موسيقية

سؤال طويل .. لكن المعذرة

.

اخى العزيز
كلمة توزيع يعنى بيكون فيه لحن اساسى بيعمله الملحن والموزع بيضع فوقه الحان تانية بحيث انك تبقى سامع كذا لحن مختلف فوق بعض .. وهنا اقول لك مثال بسيط اغنية خايف مرة احب لعبد الحليم حافظ .. الملحن عامل اللحن من اوله لآخره ولكن الموزع عامل التداخلات او الردود اللى بتعملها آلالات النحاسية .. ده هو التوزيع اما الاغانى اللى مش موزعة والصولوهات اللى فيها يعنى نقول الجملة دى كمان ودى ناى وهكذا ده مش اسمه توزيع ولكن نقدر نقول عليه اخراج .. يعنى جملة كذا احلى لو يقولها الاكورديون مثلا وهكذا ... لكن الخلاصة احنا موسيقانا الشرقية بتتميز بانها مش موزعة عادة زى كل اغانى ام كلثوم وعبد الوهاب مثلا .. وده بيخلى الملحن يتعب فى انو يعمل احلى جمل موسيقية ممكنة لأن التوزيع بيغطى على جمال الجملة ... او ممكن تعمل جملة نص نص والتوزيع بيدارى عيوبها .. والملحوظ دلوقتى كل الاغانى الحديثة موزعة ولو اخدت عشر اغانى منهم وشفت اللحن الاساسى على حده مش حتلاقى حاجة او حتلاقى الجمل كلها متشابهة مفيش جديد .. وصلت الفكرة ؟ وتحت امرك
مع اطيب تحياتى عادل صموئيل