مطلوب نوت عربية للبيانو

**مساعد محمد** · #1 19/03/2015, 01h31

السلام عليكم

ياليت لو أحد يقدر يرسلي نوت عربية للبيانو لاني لاأجدها بالانترنت

أغلب النوتات للكمان أو العود

**إيمان.** · #2 19/03/2015, 08h56

[الأخ مساعد عبث ان تجد نوت لاغاني عربية للبيانو في النت او في مكتباتنا العربية للاسف الشديد...وإن وجدت فهي عبارة عن اجتهادات شخصيه وعشوائية وفيها اخطاء كثيرة..يجب عليك ان تكون مطلع على قواعد الموسيقا لكي تتمكن من وضع تآلفات اليد اليسار بنفسك...تحياتي

**عادل صموئيل** · #3 19/03/2015, 09h54

انا الاول بقدم تحياتى للاخت العزيزة ايمان لأنها قدمت الجواب الصح .. لأن عندنا مثل بيقول اسأل مجرب ولا تسأل طبيب
اساس المشكلة بدأ منين
اولا : ان عشان حد يكتب نوتة عربية مخصصة للبيانو لازم يكون هو نفسه مدون بيانو متخصص فى العزف على آلة البيانو وده مش متوفر حاليا يعنى احنا فى الكلية كان دراستنا غربية كلها فى البيانو .. لكن الاستاذة بلقيس عباس عملت محاولات انها تدخل فى منهج البيانو اللى احنا بنمتحن فيه قطعة شرقية وماعملتش اكتر من عشر مقطوعات وكانت طبعا مقطوعات سهلة جدا زى لما بدا يتثنى وحاجات كده ماتعتبرش مفيدة لنه كانت سهلة اوى
ثانيا : ان 90% من الموسيقى الشرقية فيها ربع تون والبيانو ( واقصد طبعا البيانو التقليدى بتاع زمان مش الاورج ) مفيهوش ربع تون يبقى المدون حا يدون ايه ؟ حاجات محدودة جدا لاتسمن ولا تشبع من جوع ده السبب ,, والحل هو اللى قالت عليه الاخت ايمان الاجتهاد الشخصى .. يعنى مثلا فيه اغانى شرقية فيها صولو بيانو زى اراك عصى الدمع او مانحرمش العمر منك لفريد الاطرش .. هنا العازف مش بيقرا من نوتة مكتوبة ايدين يمين وشكال ولكن بيقرا من نوتة زى كل الفرقة زى اللى انا بكتبهم والعازف هو اللى بيعمل المصاحبات لنفسه وكل طبعا ما اعزف بيكون خبير اكتر فى البيانو بيحط تآلفات احلى او بيكون مثلا فى الد اليمنى 4 نغمات مش بيط المصاحبة عليهم كلهم بيحط مثلا على اول دوم فى المازورة وثالث ضلع واحنا كخبراء اكتشفنا حاجة خطيرة ... انا لما اضع نوتة خط لحنى واحد امام عازف البيانو وهو يتصرف ببيطلع نتيجة احسن مما احط لو نوتة انا كاتب الايدين وازنقه او اقيده فى اللى انا عامله ..
مع اطيب تحياتى

**مساعد محمد** · #4 20/03/2015, 06h31

الف شكر للجميع. على المعموم انا مقبل على دراسه الهارموني بالوقت الحاضر
اعتقد تاليف اليد الشمال ماراح يسبب لي مشكله خصوصاً اني اعزف بيانو 12 سنه سماعي من غير نوته

ولكن بدأت دراسه الموسيقى بشكل مكثف جدا تقريبا عام وشويه

وصلت المستوى الخامس بعد ماعدي الهارموني راح احاول اكتب لليد الشمال

فعلا كلام ايمان صحيح وفي محله

**إيمان.** · #5 20/03/2015, 11h14

[استاذ عادل كل الشكر لمداخلتك وللمعلومات التي شرحتها للاخ مساعد ..نحنا في هذا المنتدى نشعر بالامان بوجودك معنا ومساعدتك لكل سائل..الف شكر

**عادل صموئيل** · #6 20/03/2015, 18h18

الشكر للأخت العزيزة ايمان
الاخ العزيز مساعد

انت جبت المفيد بعد ماتدرس الهارمونى
عندك النوتات الغربية للبيانو تقدر تدرسها يعنى مثلا لما يكون فوق فيه نغمة صول ممكن يتحط فى اليد الشمال تحتها ايه او ايه اقصد تقدر تستفيد من الغربى وتعمل انت لأن كل العلوم والقواعد الموسيقية طبعا اول ما ابتدينا بدينا من الغربى وبعدين احنا طوعناها لموسيقانا الشرقية
واطيب تحياتى

**مساعد محمد** · #7 21/03/2015, 05h49

الف شكر أستاذ عادل وأن شاء الله بس أخلص كتب عندي وابدى مرحله الهارموني وباذن الله راح استفيد وافيد الكل معاي خصوصا عازفين البيانو