طلبات نوتة أ / عادل صموئيل الجزء الثانى

**عادل صموئيل** · #1 16/01/2015, 15h24

احبائى

اهدى الاخ العزيز المنير

دولاب

مع اطيب تحياتى

**altaifi** · #2 16/01/2015, 20h24

أستاذ عادل شكراً جزيلاً لك على عطاءاتك المتجددة والمستمرة ، وصراحة تخوننا البلاغة والفصاحة في انتقاء عبارات شكر وتقدير نقدمها لك عن كل ما تقدمه لنا .. وأشكرك على النوتة الأخيرة لمحمد عبده الأماكن ، وأقدم لك الشكر والتقدير نيابة عن طالبيها .. ولي طلب لو تكرمت تدوين الأغنية المرفقة " لهجر قصرك " لا أعرف لمن ولكن يقال أن لها قصة حقيقة وتم تلحينها وغناها أكثر من فنان جورج وسوف ، عاصي الحلاني ، يارا سارية السواس، وغيرهم كثر .. فا ليت إذا سمح وقتك تضعها في القائمة ولك كل الود والمحبة .

**عادل صموئيل** · #3 17/01/2015, 12h33

احبائى
اقدم لكم موسيقى
ليالى المنصورة
مع اطيب تحياتى

**سليم العباس** · #4 19/01/2015, 00h03

تحية فنية استاذ عادل و اشكرك على الشرح الجميل و المعلومات القيمة و الذكريات الفنية المميزة . و خصوصا فيما يتعلق بالتفاصيل الدقيقة التي كانت وراء هذه الاغاني العظيمة ، كمراقبة العبقري محمد عبد الوهاب لملامح العازفين أثناء عزف جملة جديدة لتثبيتها او تعديلها او الغائها ، و اعتقد انك و بقية عازفي الزمن الجميل كنتم بمثابة بوصلة فنية دقيقة الاتجاه ، كنت سعيد جدا بالمثال الذي طرحته حضرتك عن اغنية دارت الايام التي اعتبرها اغنية مثالية و تركيز مكثف من الابداع فيما يخص اللحن ، الأداء ، التوزيع المذهل ، الكلمات . و اجمل ما فيها هو المقدمة السحرية التي تروي لنا حكاية الاغنية قبل ان تبدأ السيدة ام كلثوم بالغناء ، و ما يميز هذه الاغنية هو التنافس بين المذهب و الكوبليهات على عرش الابداع ،و هذا ما يميز جميع الحان الاستاذ عبد الوهاب عن البقية .
عذرا على الاطالة ، و أكرر الشكر و الامتنان .

اخى العزيز
نسيت اقول حاجة ان اى ملحن منهم شوف عمل مثلا كام جملة فى مقام البياتى مثلا .. لو 700 جملة ماينفعش تلصقهم ورا بعض لن مش حايحصل تجانس بينهم لأنو بيبقى قاصد ان كل جملة منهم مع انها فى نفس المقام لكن لها نكهة مختلفة تماما وهذه اهم صفات العبقرية .. والصفة دى ابتدت تتلاشى من بعدهم بسس توغل الاورج بالذات .. لأنه بيديك المقام كما هو كل مرة اما مع الكمنجات الامر بيختلف .. يعنى كنا بعد مانقرا الجملة من النوتة كان الملحن بيمسك العود ويسمعها لنا مرة تحس ان المى نصف بيمول خاسة كوما او زائدة كوما .. واويلعب فى حرف آخريعنى ال لا بيمول مثلا تبقى خاسة شعرة وده كان بيحصل فى كل النغمات ... وللعلم اقول لك على سر عبد الوهاب والسنباطى كانوا مش بيحبوا النوتة يعنى كان احلى متعة عندهم فى بروفات ام كلثوم لأنو بيحفظ الفرقة بالعود كانت بتاخد وقت اطول لكن شوف كمية الطرب والسلطنة لن كل جملة كان بعد ما الفرقة تحفظها يبتدى يعمل لها تجميل يعنى هو عايزها تتعزف ازى زائد كمان حاجة .. اسمع كل مقدمات ام كلثوم تلاقى الافتااحية فى كل اغنية لها نكهة خاصة جدا بعدها 4 موايزي ايقاع كان عبد الوهاب لازم يعمل شىء مخالف كان بيعملهم 3 موازير ومع الايقلع بيعمل تركيبة من آلات مختلفة كل اغنية لازم تكون نكهتها مختلفة والكلام لو تكلمنا عشر سنين مش حايخلص واطيب تحياتى عادل صموئيل

**عادل صموئيل** · #5 19/01/2015, 08h50

احبائى
اقدم لكم اغنية شامية

شوقولك فينا نرجع

الاغنية دى صعوبتها فى سهولتها ... يعنى بتتميز بالطرب الاصيل البطىء يعنى بتحتاج العازف مش يقرا نوتة وخلاص ولكن يغنيها وهو بيقراها
مع اطيب تحياتى

**عادل صموئيل** · #6 22/01/2015, 01h49

احبائى
اقدم لكم من تراث الفنان سيد درويش

ياواش ياواش يامرجيحة

طبعا انا ازعجت الاستاذ نور الصباح كذا مرة فى طلب روابط تانية ليه ؟ الاغنية دى ماهاش مصدر موثق يعنى كله بيقولها اللاوى وخلاص كده .. وكلمة اللاوى فى المصطلحات المصرية الدارجة يعنى كل شىء كان او زى ما بتطلع او هو لاقطتها او حافظها كده .. انا طبعا سماعها من زمان بسمش مركز فيها اوى هى المفروض اصلا نهاوند بس فى كلمة اياواش يامرجيحة فيه لاناتوريل دى انا اكتشفتها فى التسجيل لما دققت ودى حركة كانت موضة زمان العُربة دى وبعدين لا نص بيمولولابيمول يعنى احتاجت منى تركيز .. بس المشكلة الكبرى كانت عدم وجود مقمدة وانا جمعت لها ال3 موازير دول .. لكن فيه حاجة مرعجة ان برضو كل التسجيلات مش مضبوطة انا كتبتها من التسجيل الاول اللى نزله الاستاذ نور الصباح مش سامع ولا دوم وده اللى بيحدد لى اول مازورة وكانت المشكلة اكتبها ياواش من اول الموزورة ولا بعد نوارين ولما دققت فيها لقيتها زى ما انا عامل كده اضبط يعنى انا حسيت مكان الدوم بالاحساس
مع اطيب تحياتى

**nazehmohamed** · #7 24/01/2015, 13h20

الاستاذ الفاضل
عادل صموئيل
كل سنة وأنت دائما بخير
أطال الله عمرك
ومتعك بالصحة والعافية
وصلتني رسالتكم الغالية
وبإذن الله سوف أقوم بعمل اللازم
لك خالص تحياتي ومحبتي
نزيه محمد

**عادل صموئيل** · #8 31/01/2015, 04h30

احبائى

اولا اشكركم للسؤال هو طبعا الوضع الراهن فى مصر مزعج جدا ...
اقدم لكم من روائع الفنانة عزيزة جلال

بتخاصمنى حبه

عزيزة جلال دى مطربة رائعة وانا عزفت معاها كتير ,, وابتدت قوية جدا وكان ممكن تبقى حاجة كبيرة اوى لولا انها مع الاسف تزوجت واعتزلت بدرى اوى

مع اطيب تحياتى

**Mostafa Afifi** · #9 26/03/2015, 09h46

السلام عليكم
أبلغ تحياتي لك يا أستاذ عادل
أنا لسة جديد في المنتدى و لما شفت تدوين حضرتك للأغاني و مدي دقه حضرتك
حبيت أطلب تدوين أغنية للفنان عمرو دياب من أفضل ما غنى
أسم الأغنية "قصاد عيني"
و دة لينك الأغنية
https://www.youtube.com/watch?v=tQ8JG1ZC41o

**نور الصباح** · #10 19/01/2015, 09h39

احبائى
اقدم لكم اغنية شامية
شوقولك فينا نرجع
الاغنية دى صعوبتها فى سهولتها ... يعنى بتتميز بالطرب الاصيل البطىء يعنى بتحتاج العازف مش يقرا نوتة وخلاص ولكن يغنيها وهو بيقراها
مع اطيب تحياتى

SSSSSSSSSSSSSSSSSSSSSSSSSSSSSSSSSS

ســــــــــــــــــلمت يــــــــــــــــــداك
وسلمت لــــــــــــــــــــــنا
وهنيا لك يا فاعل الخير والثواب
و عقبال نوتة
ياواش ياواش يامرجيحة
وقد رفعنا لكم عدد ( 2 ) رابط للأغنية
لعل أحدهما يفى بالغرض
لأنى فى أشد الحاجة إليها
وشكررررررررررررررررررررررررررررررررا
أخوكم
نور الصباح