طلبات نوتة أ / عادل صموئيل الجزء الثانى

[muhamadibra]

مهما قلت او عبرت عن شكر او تقدير واحترام للمايسترو فلن اوفيه قدره - جواب من الاغاني التي احبها جدا - وكنت اتمني عزفها - وعندما استمعت للمايسترو وهو يلعبها علي الكمان احسست انها ممكن تنفيذها لو دونها بطريقته السلسة -- ولم يتأخر كعادته مع متابعيه واحبائه -- ارجو من الجميع ان يستمتعوا بها - واتوجه مرة اخري للمايسترو بكل الثناء - ويارب الا اكون اثقل عليك بطلباتي - انت تسعدنا دائما - انا حبيت اعلق بعد المحاولة الاولي للعزف وانا هاو علي قدي انما حسيت انني محترف - بجد عملاق في التدوين -
د محمد ابراهيم

[ملحن مصري]

أغنية عوج الطاقية - عفاف راضي

لينك الأغنية


https://www.youtube.com/watch?v=-CxN3R4zB_w

[علي ثلاثة]

أستاذ عادل
أحسنت وأبدعت
في نوتة
جواب
--
كل تدويناتك في المستوى اللائق
وكلها متقنة
--
جواب-- عمل نظيف وشغل محترف متمكن
وهي تذكرني بمدونة
عايز جوبات يعني افترقنا خلاص
لنجاح سلام
وكذلك مدونة
ايه معنى الحب
لصباح
والتي راقتني جدا
ففي هذه الأعمال أحس
كأن الشغل يقتضي لملمة اللحن
في تدوين يجمع الأنغام في حقول ومازورات
مستعصية ومتأبية
--وهنا تظهر مهارة المدون
خصوصا إذا كان يراعي
مستوى مبتدئين من أمثالي
فمهما كان اللحن انسيابيا فأنت
تراعي ما يجعله في دائرة استطاعتنا
--
فشكرا لك ثم شكرا

[عادل صموئيل]

احبائى
اولا شكرا على المعايدة الكريمة والعيد عيد مصر كلها
اما بالنسبة للأدليب واللى انا بحوال اكتب على ما اقدر منه على ميزان دى ليها ظروف وانا فكرت فيها كتير ... يعنى هى فى الفرقة الماسية كانت بتتكتب بميزان بس هناك كان فيه حاجة مهمة ان الادليب استرشادى .. يعنى انا لما كنت بعزف ماعاهم كانت قدامى النوتة لكن فيه حد بيشدنى اقولها ازاى يعنى اما المطرب واحنا بنترجم معاه يعنى الاذن مع المطرب بنسبة 80% والعين على النوتة يعنى استرشادية فقط .. او جملة بتقولها الفرقة بيبقى ايضا العين مع قائد الفرقة هو حافظ الجملة تتقال ازاى ... على اساس ان الادليب بيبقى كل العلامات الايقاعية ممن تكون اطول او اقصر من الحجم المكتوب .. لذلك انت عشان تعزف ادليب لازم تكون حافظ الجملة جدا اولا بحيث انا بديك الحروف والعلامات الايقاعية وحسب اللحن احيانا بكتبها بالشعرة احيانا بكتبها مش ممكن بالشعرة بكتب اقرب شىء .. لكن طريقتى انى لو الجملة تتحمل تتكتب على ميزان لا اتردد واكتبها على الميزان لأن هنا ماحدش مش حايتلخبط فيها بس طبعا مع مراعاة انها ادليب ماننساش كده يعنى توقل على مهلك والانفاس والسكتات ... اما الاغانى اللى زى جواب دى كتابتها بيبقى اخراج منى بوجهة نظرى وطبعا اكون سعيد جدا لما تعجبكم اولا لأنها متنفذة بأداء عبقرى اصلا وفيها توزيع .. وانا لما عزفتها بمفردى على الكمان .. طبعا ترددت كتير لحد ما وصلت لإخراج ليها بحيث انى اعزفها وتبقى عمل حلو ماتحسش انو ناقص شىء والحمد لله ... واطيب تحياتى

[عادل صموئيل]

احبائى
من احلى اغانى الفنانة عفاف راضى

عوج الطاقية

مع اطيب تحياتى

[عادل صموئيل]

من احلى اغانى الفنانة صباح

جيب المجوز ياعبود

دايما الفنان بيبقى خياله واسع , يعنى لما يكون الدو مش مناسب يخلق لنفسه جوتانى ... دلوقتى احنا فى عز البرد حبيت اخلق لنفسى جو صيف ... لثيت الاغنية دى لأنها فى لبنان الجو ده جو سهرة صيفية فى مكان مفتوح ودبكة حبيت اقدمها لعلكم تشعروا بشىء من الدفء
مع اطيب تحياتى

[ملحن مصري]

المكتوب مكتوب - سيد مكاوي

لينك الأغنية

https://www.youtube.com/watch?v=7NLEVP2V1Qk

[عزت شحاته]

استاذى الجميل / عادبل صموئيل
كل سنة وحضرتك طيب
وبصحة واجمل واحلى
=======
واحشنى جدا
وايضا واحشنى جدا كل اصدقائى اعضاء المنتدى واعضاء صفحتنا الجميلة
شكرا على التهنئة بالعيد ويارب دايما ف تواصل وود ومحبة
===================
استاذى طلب نوتة ( اياك نعبد ما حيينا )
اغنية للفنانة وردة الجزائرية والحان القصبجى وتقريبا ده اللحن الوحيد اللى لحن ليها
الاعنية ف مسابقة تابعة للشباب والرياضة ( طلائع تحت 18 سنة )
وللاسف مطلوبة ك غناء جماعى
وعلى قد ما تقدر يا باشا لانى هدرب عليها بعد اسبوع ف بداية اجازة نصف العام
والشكر الكبير جدا مقدما
وربنا يخليك لينا
وده رابط ليها بصوت فرقة غناء جماعى
https://www.youtube.com/watch?v=iC7d-hP0D28
وده رابط بصوت وردة
https://www.youtube.com/watch?v=OUjQdiPtnU4

[علي ثلاثة]

أستاذ عادل
لقد أثريت المنتدى مؤخرا
بأجمل ما تدون
كما أنك أحسنت الاختيار
بتدوين أغنية صباح
فشكرا لك
---
وأشير أيضا إلى أنك
دونت لشريفة فاضل.
فلما لم أجد أغنيتها
سيبك
أحببت أن أعرض عليك رابطها علها تنال
حظها من تدويناتك الناجحة إن وجدتها
تستحق ذلك
والشكر مجددا
https://www.youtube.com/watch?v=5HVtRDiaJOo

[عادل صموئيل]

احبائى
اقدم لكم اغنية من العيار التقيل جدا

قول لكل الناس

للفنانة فايزة احمد
مع اطيب تحياتى