طلبات نوتة أ / عادل صموئيل الجزء الثانى

**علي ثلاثة** · #1 06/12/2014, 12h47

أستاذ عادل
دونت فأبدعت واخترت فأحسنت
--
أغنية انت واحشني
أغنية ناجحة ومحببة
وأداء عادل لها أداء موفق
وتدوين عادل لها تدوين ممتاز ودقيق
--
أغنية سيدي عبد القادر
جعلها تدوين الأستاذ عادل في متناول الجميع
وبما أنكم قدمتم هذا العمل باحترافية مرموقة

فهل يسمح وقتكم للتعامل مع الفنان
احمد وهبي
الذي يعتبر من كبار الموسيقيين
والذي قدم أعمالا رصينة
ومن أشهرها
فات اللي فات
--
ومن أغانيه المعروفةأيضا
ما أطول دا الليل
وهذا رابطها
https://www.youtube.com/watch?v=TArdvSarkKo

**نور الصباح** · #2 06/12/2014, 19h59

احبائى
اقدم لشعب الجزائر الشقيق
سيدى عبد القادر
طبعا فى اول اللحن كان فيه حاجات متوزعة كده مش مفهومة ( وماحدش يقدر يعملها غير اللى وزعها شخصيا ) انا كتبت من اول المفهوم يعنى
اللحن كذا كوبليه هم لحناً زى بعض بس فيه اختلافات مش لحنية بينهم ولكن تجويد من المطرب
مع اطيب تحياتى

WWWWWWWWWWWWWWWWWWWW
شكرا جزيلا يا أستاذنا
على ما تقدمونه من نوتات متقنة
لأعمال جميلة خالدة خلود فن الزمن الجميل
وعقبال طلباتنا
نوتة أغنية المجموعة
{ يا صبح يسعد صباحك }
وإن شاء الله سنواليكم بالملف الصوتى
فى مشركة قادمة
وشكرررررررررررررررررررررررررررا
أخوكم
نور الصباح

**نور الصباح** · #3 06/12/2014, 20h01

احبائى
اقدم لكم من روائع الفنان عادل مامون
انت واحشنى اوى يا حبيبى
مع اطيب تحياتى
WWWWWWWWWWWWWWWWWWWW
شكرا جزيلا يا أستاذنا
على ما تقدمونه من نوتات متقنة
لأعمال جميلة خالدة خلود فن الزمن الجميل
وعقبال طلباتنا
نوتة أغنية المجموعة
{ يا صبح يسعد صباحك }
وإن شاء الله سنواليكم بالملف الصوتى
فى مشركة قادمة
وشكرررررررررررررررررررررررررررا
أخوكم
نور الصباح

**عادل صموئيل** · #4 06/12/2014, 21h23

اقدم للأخت الجديدة فى المنتدى ايمان موسى
اغنية على الحجار

فى هويد الليل

طبعا انا يشجع الاعضاء الجدد انا دونت الاغنية دى مع انها مش من النوع اللى متعود او احب ادونه لأنها بتتبع نظام الاغانى الحديثة اللى فيها توزيع كتير وبيبقى اللزمات الصغيرة سريعة اوى هى بتبقى استعراض تكنيك لعازفى الكمان فى الفرق الحديثة دلوقتى .. والالحان الحديثة بتفتقد للسلطنة بتاعة زمان لأن كان الكمنجات بتعنى تحت المطرب طول الوقت بتسلطنه لكن دلوقتى المطرب بيغنى فى الهوا يعنى اما تحته ايقاع فقط او الحان تانية موزعة بتشتت الجمهور المستمع العادى ... وعندنا بيكون لحن موزع لازم شرط اساسى ان يكون المستمع دارس موسيقى ( ده فى حالة التوزيع المحترم يعنى زى الكلاسيك او توزيع زمان بتاع اندريا رايدر والمجموعة دى ) .. ليه دارس موسيقى ؟ عشان ماتبقاش العملية زى المكرونى الاسباجيتى وهو فى وسط المعمة مش فاهم حاجة لكن دارس الموسيقى والكلاسيكية بالذات بيحس وبيتمتع بالعبقريات يعنى بيحس بالخط اللحنى الواحد رايح منين لفين وبيقول ايه ولو خط تحته بيبقى امتزاجهم بيعمل ايه والهارمونى ...والاورات ان وجدت ... لكن النهاردة لما يبقى كل الاغانى موزعة بلا استثناء وهم عارفين ( او بيستهبلوا ) ان 99% من المستمعين معندهمش فكرة عن التوزيع واللكلام ده وامتناع رواد الزمن الجميل عن سماع الاغانى الحديثة ده خلا التوزيع بيبقى معظمه عك او تفعيص او حاجات مكررة 900 مرة يعنى واحد موزع شاطر اوى فى الاورج بيسجل تراك بعدين ممكن يحط عليه اى عدد م التراكات بس فى الآخر التميز فين ؟ مش موجود يعنى زمان لما تسمع فؤاد الظاهرى بيديك توزيع خفيف بس بيضخم الصورة اللى ع الشاشة 100 مرة .. كمان كان الاناشيد الوطنية الحماسية منها التوزيع بيخليك تبقى سامع دبابات ومدافع كانك ع الجبهة ... المهم تحياتى الى الاخت العزيزة وان شاء الله النوتة تعجبك لأنى لما بكتب النوع ده ببقا خايف لنى بكون سامع كذا صوت وبحاول اصطاد منهم اللحن الاساسى لأننا مانقدرش نكتب التوزيع
وليا رجاء لو حد عايز يرد ممكن ياخد عنوان الموضوع فقط مش محتاجين اقتباس للموضوع كله عشان توفير عدد الصفحات وشكرا مع اطيب تحياتى

**نور الصباح** · #5 06/12/2014, 21h43

اقدم للأخت الجديدة فى المنتدى ايمان موسى
اغنية على الحجار
فى هويد الليل

WWWWWWWWWWWWWWWWWWWW
شكرا جزيلا يا أستاذنا
على ما تقدمونه من نوتات متقنة
لأعمال جميلة خالدة خلود فن الزمن الجميل

**muhamadibra** · #6 07/12/2014, 00h10

حاضر يا مايسترو اود الرد باختصار -- اللحن الحديث يحتاج لبعض المجهود في التدوين والفهم - وشكرا جزيلا للاستجابة لطلبات الاعضاء واقترح الغاء الردود السابقة لتوفير الصفحات فاغلبها كان هدفه الشكر ولن تؤثر في المحتوي - لو امكن ذلك - حيث يمكن ترك المشاركة لاسبوع مثلا ثم حذفها -
د محمد ابراهيم

**mahmoud feteih** · #7 07/12/2014, 08h17

صباح الجمال والرضا وتسلم ايديك وعنيك استاذنا الكبير عادل باشا

**عادل صموئيل** · #8 07/12/2014, 17h10

احبائى
اقدم لكم وبعد الحاح شديد من الاخ نور الصباح اغنية الثلاثى المرح

ياصبح يسعد صباحك

انا طبعا مش فاهم هو كان طالبها اوى كده ليه .. يعنى انت لما بتنزل ملف صوتى بالطبع انا الاول لو
اغنية من اللى انا حافظهم وبحبهم ممكن ابتدى اكتبها فورا .. اما لو اغنية ماسمعتهاش من قبل زى معظم الاغانى اللى مش مصرية فانا بسمع منها دقيقتين لو عجبتنى بكتبها .. اما الاغنية التى تلاقينى ركنتها شوية اكيد بيبقى فيها مشكلة ما .. يعنى انا خبرتى ممكن المشكلة دى تكون حاجة من كذا حاجة .. يعنى اهم حاجة انى لما اضيع وقتى واكتب اكيد يبقى يستفيد منها اكبر عدد من الاخوة .. المشكلة فى الاغنية دى ان اللزمات كلها بيانو تقريبا وشغل البيانو بيبقى صعب جدا يتعزف ع العود مثلا .. لأنه بيطلع اوكتافات كتير يعنى انت مثلا فى دو الوسطى اللى تحت المدرج البيانو بيردمن نغمات بعيدة فوق زائد ان البيانو فيه اوكتافات متعددة يعنى ممكن ينزل من فوق ويتخطى مساحة آلة العود او الكمان .. كمان فى اللحن ده كانت مشكلة ان البنات لما بيغنوا ويخلص جملتهم هم بيمدوا حرف يعنى بلانش مثلا لكن البيانو بيدخل بعد كروش وهنا مشكلة لو انا بعزف بآلة واحدة امد زى الغنا ولا اعمل اللازمة وفى الحالتين اللى حايسمعك لو حافظ اللحن حايحس ان فيه حاجة مقطوعة او ناقصة يعنى لازم اتنين مع بعض واحد يمد والتانى يدخل عليه باللازمة ... واكتر حاجة تعبتنى اللزم بتاعة البيانو الملحن بيستعرض انو بيعمل الحروف مش ماشية ورا بعض ولكن بطريقة صعب انك تفهم الحروف ايه بسرعة طبعا انا لما كتبتها بقت سهلة الخلاصة ان الاغانى اللى من النوعية دى تتسمع لكن مش مفيدة اوى لما تتكتب وللعلم انا كتبتها اهم سبب انى بتحدى نفسى واحتبر شطارتى فى الجمل المعقربة
مع اطيب تحياتى

**نور الصباح** · #9 07/12/2014, 17h44

احبائى
اقدم لكم وبعد الحاح شديد من الاخ نور الصباح اغنية الثلاثى المرح
ياصبح يسعد صباحك
طبعا انا لما كتبتها بقت سهلة الخلاصة ان الاغانى اللى من النوعية دى تتسمع لكن مش مفيدة اوى لما تتكتب وللعلم انا كتبتها اهم سبب انى بتحدى نفسى واحتبر شطارتى فى الجمل المعقربة مع اطيب تحياتى
WWWWWWWWWWWWWWWWWWWW
شكرا جزيلا يا أستاذنا
على ما تقدمونه من نوتات متقنة
لأعمال جميلة خالدة خلود فن الزمن الجميل

عرفت ليه أنا طلبتها ؟
علشان عارف إن جنابك هاتبسطها
وتسهل الحاجات المعقربة فيها وعشان أنا عارف قدرات جنابك
( صح ولا مش صح ؟؟؟ )
وشكرررررررررررررررررررررررا
أخوكم
نور الصباح

**muhamadibra** · #10 07/12/2014, 19h15

شكرا للمايسترو لتدوين يا صبح يسعدصباحك - اما السبب الذي يجعل الرواد يطلبون النوتات فهو اساسا ذكريات اللحن وانا شخصيا اعذر المايسترو عندما يتأخر او يترك الطلب لان عمله يحتاج لمزاج - اما طالب النوتة فأحيانا تلح عليه اغنية معينه يتمني تنفيذها - وليعذر بعضنا بعضا وبخاصة انه عمل تطوعي - وفي النهاية انا سعيد ان اخي نور الصباح نال النوتة التي طلبها - شكرا يا مايسترو
د محمد ابراهيم