رد: طلبات نوتة أ / عادل صموئيل الجزء الثانى
اقتباس:
المشاركة الأصلية كتبت بواسطة عادل صموئيل
احبائى
اقدم لكم رائعة عبد الوهاب
خى خى
مع اطيب تحياتى
|
من اجمل ما غني عبد الوهاب - ولحن مميز لم يتكرر ثانية وقد حصلت علي تدوينات له لم تعجبني - قلت يمكن انا ضعيف شوية وبخاصة عند عدم وجود ايقاع في الموال الحر - واول شئ جاءت عليه عيني عند اطلاعي علي هذه النوتة هو سهولة الموال نسبيا بالنسبة لي - وان شاء الله يكون كذلك في التنفيذ - انا متأكد - فشكرا جزيلا للمايسترو
د محمد ابراهيم
اخى العزيز
اولا اشكرك على ذوقك
هو مشكلة الاغنية دى الموال .. وهو مش موال .. هو الكوبليه الاول بس عبد الوهاب عامله على انو موال لكنه مش موال .. هو حاجة بين الادليب وبين الموزون .. والفرق بين الموال وبين انو كوبليه .. الموال بيتغير بين تسجيل وآخر او بين حفلة واخرى لأنه بيبقى ارتجال .. لكن هنا هو شىء محفوظ وفى اى حفلة بيتقال زى ماهو يبقى ماتعتبرش موال .. الحاجة المهمة ان عبد الوهاب بيغنيه على ايقاع متكرريعنى موزون شكلة .. وانا تسخيلا على اى حد يعزفه عملته بطريقة ادليب او بدون ميزان لأنى لو كتبته على ميزان ماحدش حايعرف يقراه .. انا طبعا ماحضرتش يوم تسجيله لأنه قديم اوى ماكنتش لسه بقيت معاهم لكن طبعا بالخبرة ممكن اتخيل شكل النوتة انو كتب الايقاع او الجملة اللى بتتكرر تحت الغنا وكتب تكرر .. وماكتبوش الموال نفسه وذلك انو يدى عبد الوهاب فرصة يبدع زى ماهو عازي وبالذات انو مافيهوش لزمات ردود وسط الغنا .. المهم انا كتبته وراعيت اكبر قدر م التبسيط طبعا مع عدم الاخلال باللحن
مع اطيب تحياتى عادل صموئيل
التعديل الأخير تم بواسطة : عادل صموئيل بتاريخ 26/09/2014 الساعة 19h35
|
العرض الشجري