احبائى
اولا اقدم لكم اطيب التهانى بحلول عيد الاضحى المبارك اعاده الله عليكم باليمن والبركان وان يعم السلام والامن كل الدول العربية والاسلامية
طبعا انا مش جاى اعيد عليكم وايدى فاضية العيدية واجبة طبعا ومحضرلكم كل يوم عيدية خلال ايام العيد
لقدم لكم رائعة عبد الحليم حافظ
اسمر ياسمرانى
زى ما قلت قبل كده ان كل ملحن زمان كان بيحرص ان الاغنية لازم يكون فيها إن ... او قصة او حاجة متميزة غير اغنية تانية .. كانوا بيستمدوا اختيار ابداعهم من الفرقة يعنى كان بيبقى عامل حسابه ان لازم يبقى فيه حاجات تخلينا ننفعل ونقول الله .. من ضمن الحاجات اللى كانت بتخلينا نتجنن الاوكتافات .. يعنى المطرب لما يغنى دو الوسطى ويطلع لدو العالية مباشرة .. والاوكتافات دى قصة او ابداع الاغنية دى يعنى متكررة كتير ... الاعجاز اللى فيها حاجتين اولها ان المطرب بيطلع 8 درجات مباشرة وبيطلع صح وثانيا ان المطرب بيبقى عنده تحت النغمة الغليظة كذا نغمة كتير وفوق النغمة العالبة لسه نغمات كتير يعنى مثلا هنا طلع من دو الى دو ثم قال الرى وتحس كأن واحد مسترخى بيشرب فنجان قهوة مش بيفحر او بيتسلق جبل عشان يجيبها وبالطبع ممكن فوق الرى ممكن يقول كذا نغمة اعلى .. اللحن ده وانا بكتبه خطر على بالى اللى بيغنوا دلوقتى .. يعنى لو جمعناهم كلهم ماحد يقدر يغنى منها كوبليه لأن ماحدش منهم عنده المساحة الصوتية دى وقلت الله يرحمك يا حليم
مع اطيب تحياتى وانتظروا خمس تحف قادمة هم جاهزين للتنزيل بس ماحبيتش انزلهم مرة واحد عشان ما تحصلش لكم تخمة موسيقية كفاية عليكم تخمة اللحمة
رد: طلبات نوتة أ / عادل صموئيل الجزء الثانى
العرض المتطور
