طلبات نوتة أ / عادل صموئيل الجزء الثانى

[سليم العباس]

أستاذ عادل : بعد التحية الموسيقية وتعقيباً على كلامك السابق بخصوص تدوين الغناء و اللازمة أود أن أطرح سؤالاً :
لماذا لا تستخدم السطور الإضافية لتدوين اللازمة والغناء معاً ؟
و هل يوجد أغاني من الزمن القديم تحوي هذا التداخل بين الغناء واللازمة ، أم أنها بدأت منذ فترة الثمانينات كما ذكرت حضرتك .
أتمنى أن تكون أغنية راغب علامة أعجبتك لأنها مشهورة جداً و كثيرة العزف و الغناء في الأعراس و أعياد الميلاد .
شكراَ لك .

اخى العزيز
الفرق بين اغانى الزمن الجميل والاغانى الحديثة ان فى اللزمات اللى وسط الغناء اهم شىء الملحن بيراعى انها تخدم على الغناء .. بمعنى ان المطرب لازم يتسلطن ويكون مستريح يعنى مثلا فى مازورة ما آخرها لازمة والمازورة التالية اول حرف كروش مثلا من الازمة والمطرب بيغنى بعدها لازم الحرف ده مفتاح للمطرب عشان يغنى منه ما يكونش المطرب حايغنى وانا بعزف تحته لازمة تدخل خمس او ست حروف مختلفة عما المطرب بيغنى ده يخلى المطرب بيتشتت .. فيه كمان حاجت فنية يعنى لو انا عايز المطرب يغنى بكامل طاقته ما يتعبش بعمل اللزمات احيانا طويلة بحيث انو ياخد نفسه ما اجهدوش ... اما البدع الحديثة ان اللزمات تدخل على الغناء دى لأن اللى بيغنوا دلوقتى مش زى بتوع زمان يعنى كلهم بيركبوا صوتهم فى الاستدويو على لحن كامل متسجل من قبل .. زمان كان التسجيل لايف الفرقة والمطرب معا ده دلوقتى اقول لك على سر 90% من الحفلات اللى بتشوفها بتبقى بلاى باك يعنى المطرب وراه ع المسؤح فرقة لكن فيه شريط شغال وهو بيحرك شفايفه فقط .. لن هو صوته مش حلو كده وبيدخلوا ع التسجيل مؤثرات صوتية صعب تتعمل على المسرح والاخطر ممكن يكون المطرب فاشل اوى يعنى بيغلط كتير وينشز كتير او يقع ف الوحدة .. والمشكلة دى بيخلصوا منها فى التسجيل انو كل ما يغلط يفضل يعيد تانى لحد ما ياخدوا احسن الوحش ... ما ينفعش استخدم السطور الاضافية لتدوين الغناء واللزمات معا .. هى بتبقى فى النسخة بتاعة المايسترو كلو مكتوب تحت بعضه بعدين النسخة دى بتتفرغ للعازفين يعنى فى الاغانى الموزعة بيتنقل صوت الكمنجات فى صفحة مختلفة توضع امام الكمنجات بحيث ان عازف الكمان مكتوب امامه التوزيع فقط ... لكن السؤال مين احسن هات 100 اغنية من اغانى الزمن الجميل و100 اغنية من الحديث وشوف الفرق
مع اطيب تحياتى عادل صموئيل