طلبات نوتة أ / عادل صموئيل الجزء الثانى

**عود الاندلس** · #1 16/08/2014, 12h12

تحية طيبة ويسعد أوقاتكم أستاذ عادل.

إذا فيه متسع من الوقت والظروف ملائمة ,
فيه أغنية جميلة جدا للسيدة شريفة فاضل وتعتبر من أشهر أغاني الزمن الجميل. أغنية حبيبي نجار.
هي أغنية خفيفة ومبهجة .
أطلبها من شخصكم الكريم وأتمنى أن تنال شرف حضرتكم لتدوينها.
لا أريد أن أزعجكم بهذا لان الطلبات عليكم كثيرة جدا. فأترك لكم الإختيار الخاص لحضرتكم.
شكرا لكم أستاذ عادل ويحفظكم الله.
مع كامل التقدير والإحترام لسيادتكم.

رابط الأغنية هو كالتالي :

http://youtu.be/hGEKB4dgwO0

**عادل صموئيل** · #2 16/08/2014, 23h38

احبائى

اقدم لكم من اعمال نجاة الصغيرة

إلا إنت

مع اطيب تحياتى

**hisham88** · #3 17/08/2014, 06h39

اقتباس:

المشاركة الأصلية كتبت بواسطة عادل صموئيل

احبائى

اقدم لكم من اعمال نجاة الصغيرة

إلا إنت

مع اطيب تحياتى

ألف ألف شكر يا أستاذ عادل

**muhamadibra** · #4 17/08/2014, 09h33

اقتباس:

المشاركة الأصلية كتبت بواسطة عادل صموئيل

احبائى

اقدم لكم من اعمال نجاة الصغيرة

إلا إنت

مع اطيب تحياتى

شكرا جزيلا نيابة عن كل اعضاء المنتدي وكل احباء المايسترو - ومنتظر تعليقه الممتع عن سبب صعوبة اللحن وذكرياته الجميلة عنه - وهي من وجهة نظري لا تقل اهمية عن التدوين نفسه -- ولو هناك من يطمئننا عن اخونا نور الصباح لتغيبه فترة طويلة غير معهودة - كونه مبادرا بالتعليق بعد كل عمل يقدم - ارجو له كل الصحة والعافية والسعادة - اطلعت سريعا علي النوتة - جميلة فعلا ولاحظت سهوا بسيطا في الصفحة 2 السطر 7 - التعليق موسيقي ك1 - بدلا من ك2 - ليكتمل بهاء العمل ونستمتع به ان شاء الله
د محمد ابراهيم
اخى العزيز
اشكرك انا شفت الخطأ وصلحته ونزلتها فى مكانها واشكرك الف شكر هى بس السرعة بتعمل احيانا غلطات بسيطة كده
مع اطيب تحياتى عادل صموئيل

**تامرتامر** · #5 17/08/2014, 18h44

السلام عليكم ورحمة الله وبركاته الاستاذ عادل صموئيل لو سمحت نوتة اغنية نجاة الصغيرة ( تفرق كتير) ونوتة( ماستغناش عنك بالدنيا ) وشكرا

**عدنان الجابر** · #6 18/08/2014, 15h15

مرحبا أستاد عادل صموئيل المحترم
أرجوا من حضرتكم أستاد ادا كان لديكم بعض الوقت ... أن تقوموا بتدوين هده المقطوعة الصغيرة ... هي مقدمة لمسلسل تركي ... لقد طلب مني اعادة توزيعها و عزفها ... فأرجوا المساعدة من حضرتكم أستاد بتدوينها في أقرب فرصة ممكنة
المقطع هو هدا
https://www.youtube.com/watch?v=TsdP8ZVCzxE
في انتظار ردكم أستاد عادل صموئيل
تحياتي
اخى العزيز
انا نزلت المقطع وسجلته وسمعته خمسين مرة ببحث عن شىء مش حاسس ميزانه ايه معرفتش اكتبه يعنى لاو هو 2/4 ولا 3/4 ولا 4/4 .. ولا فيه الحركة بتاعة مازورة 3/4 ثم مازورة 4/4 زى ما البعض بيتفزلك مش فاهمه خالص ولاحتى هو ادليب
مع اطيب تحياتى عادل صموئيل

**elabed** · #7 20/08/2014, 17h35

مرحبا أستاد عادل صموئيل المحترم
أرجوا من حضرتكم أستاد ادا كان لديكم بعض الوقت ... أن تقوموا بتدوين هده المقطوعة الصغيرة و هي للملحن أحمد قعبور لحنها لتلفزيون المستقبل أللبناني و تقبلو مني فائق ألإحترام و الشكر المسبق

http://youtu.be/1GaOCQUMaz8

**muhamadibra** · #8 18/08/2014, 15h14

اقتباس:

المشاركة الأصلية كتبت بواسطة muhamadibra

شكرا جزيلا نيابة عن كل اعضاء المنتدي وكل احباء المايسترو - ومنتظر تعليقه الممتع عن سبب صعوبة اللحن وذكرياته الجميلة عنه - وهي من وجهة نظري لا تقل اهمية عن التدوين نفسه -- ولو هناك من يطمئننا عن اخونا نور الصباح لتغيبه فترة طويلة غير معهودة - كونه مبادرا بالتعليق بعد كل عمل يقدم - ارجو له كل الصحة والعافية والسعادة - اطلعت سريعا علي النوتة - جميلة فعلا ولاحظت سهوا بسيطا في الصفحة 2 السطر 7 - التعليق موسيقي ك1 - بدلا من ك2 - ليكتمل بهاء العمل ونستمتع به ان شاء الله
د محمد ابراهيم
اخى العزيز
اشكرك انا شفت الخطأ وصلحته ونزلتها فى مكانها واشكرك الف شكر هى بس السرعة بتعمل احيانا غلطات بسيطة كده
مع اطيب تحياتى عادل صموئيل

انا اللي اشكرك يا مايسترو - ولو ان مساعدتي البسيطة في اصلاح بعض السهو وبتكون صحيحة وفي محلها - فالفضل لك في تعليمنا وتطوير ادائنا - اعمل ودون علي قدر الامكان ولو هناك اي سهو تقبل المراجعة والتصويب -- ملحوظة بسيطة علي هامش الموضوع عندما نكتب بحث او رسالة علمية فاننا احيانا نطلب من بعض الطلبة مراجعة النص وغالبا ما يكتشفون اخطاءا نقوم بتعديلها ليكتمل العمل ككل
د محمد ابراهيم--

اخى العزيز
زمان كان المدونين الكبار بيبقى عند كل منهم سكرتير او مساعد .. وقبل الكمبيوتر كان بيبقى فيه نساخ للنوتة يعنى المدون كان بيكتب بالرصاص والنساخ بيكتبها بخط جميل بالحبر الشينى .. بس لكل منهم وظيفة محددة يعنى اولا المدون بيكتب النوتة بيراجعها بحيث ما يبقاش فيها اخطاء موسيقية ... لأنه المسؤول الاول عنها وبيتحاسب على كده ( وانا الحمد لله يعنى اى اخطاء حد منكم بيكتشفها عمرها ما بتكون غلطات تدوين ولكن اما غلطة مطبعية او حاجة زى بتاع النهارده ) كان زمان المساعد او السكرتير بيراجع النوتة عشان الحاجات الصغيرة دى او النساخ كان بيبقى خبير طبعا فى المسيقى وهو بيككتب بياخد باله من المسألة دى ..ومن كتر خبرة النساخ كان من المعضلات اللى بتقابلنا زمان مشكلة الترانسبور يعنى تغيير الدرجة المكتوب منها اللحن .. يعنى مثلا فى قاؤئة الفنجان طانت طبقة صغيرة اضطرينا نعمل نوت عادية للكمنجات وينزلوا طبقة صغيرة ونوتة خاصة بالآلات الثابتة زى الاكورديون والجيتار والاورج نازلة تون .. ع الكمبيوتر سهلة جدا لكن بالقلم كان النساخ لازم يكتبها نسخة تانى من اولها لآخرها وهنا اخطر حاجة هى وظيفة المدون انه بيحدد الدليل ايه ولو الدليل اتغير فى وسط السكة انه لازم يحدد الدليل يبقى ايه وهكذا .. وطبعا عملية النسخ هنا فى منتهى منتهى الخطورة لأن لو مثلا حاتنزل 2 تون او اكتر ممكن النساخ وهو بينقل يسرح يعمل مصيبة .. لكن الكمبيوتر عمل معجزات منها النقطة دى بالذات يعنى فيه ناحية تقنية كمبيوتر انى بحدد النغمة الجديدة ايه بعدين بظلل اللحن كلو بعدين بنقله اى تون انا عايزه ... بعدين الناحية الخطيرة انى بحدد الدليل الجديد .. واخطر حاجة لو الدليل فى وسط السكة حايتغير هنا بحدد ان الدليل ده من مازورة كذا الى مازورة كذا ... بعد ما العملية تخلص براجع اللحن حرف حرف لأن مثلا العلامات الشرقية مش تبع البرنامج لازم انا انقلها بنفسى واحدة واحدة ... حاجات كده وطبعا انا بشتغل لوحدى لاعندى سكرتير ولا مساعد .. وكتر الطلبات بيعمل عندى روشة لأنى ببقى عايز اخلص الاغنية واشوف حعمل ايه بعدها بس ربنا بيستر
مع اطيب تحياتى عادل صموئيل

**عادل صموئيل** · #9 18/08/2014, 21h33

احيائى
اقدم لكم من روائع فيروز

سيد الهوى قمرى

اتمنى ان تحوز رضاكم هى لحن رائع
مع اطيب تحياتى

**muhamadibra** · #10 18/08/2014, 22h34

اقتباس:

المشاركة الأصلية كتبت بواسطة عادل صموئيل

احيائى
اقدم لكم من روائع فيروز

سيد الهوى قمرى

اتمنى ان تحوز رضاكم هى لحن رائع
مع اطيب تحياتى

طالما ان المايسترو شايف انه لحن رائع - لابد نسمعه كويس ونحاول - وشكرا جزيلا - هو ما فيش حد عنده اتصال بأخونا نور الصباح ؟؟؟؟؟؟؟؟؟؟؟؟؟؟؟؟؟
د محمد ابراهيم