احبائى
اقدم لكم اغنية من العيار التقيل جدا رائعة الفنانة وردة
احضنوا الايام
الاغنية دى انطلبت قبل كده بس جايز فى وقت كان فيه طلبات كتير عشان كده يمكن نسيتها بس حصلت حاجة خليتنى اصر على تدوينها فورا .. انا لازق فى بيتى بنزينة كبيرة بيغشلوا العربيات بعدين لوعربية متوصى عليهابيجيبوها لزق فى السور تحت بيتى مباشرة ينشفوها بذمة من الخارج ومن الداخل , من اسبوع واحد وهو بينشف العربية مشغل التسجيل على اعلى صوت ممكن بيسلى نفسو كان واحد صوته سباكك مسجل الاغنية بصوته وكلمة سباك يعنى واحد بيسلك بالوعات ولو غنى البالوعات بيبقى فيها صراصير , والصراصير بتطفش من صوته , خليط من صوت السباك على صوت واحد بيبع طماطم وبينده عليها بصوت عالى وكلامها اصوات لاتصلح للميكروفونات , المهم ان الاغنية فيها اداء عالى وصعب جدا وهو شلفطتها يعنى اداء فج مقرف مقزز ,, صعبت عليا الاغنية لأنى بحس انها بتاعتى وكلمة بتاعتى يعنى عازف فيها وتعبت فيها عشر ايام بروفات ع الاقل حسيت بشعور لو انت بانى عمارة جميلة وواحد بيهد فيها .. قررت ادونها فورا على وعسى حد يبتدى يعزفها تانى او حد يغنيها واحفظها من الاندثار على ايدى هؤلاء .. واللى بيدهشنى يعنى الشخص المتخلف اللى بيشترى الشريط ده والاغنية بصوت وردة بنفس الثمن تقريبا معناه ايه ؟؟
وردعت بذكرياتى ايام الاغنية كان ليها كذا شىء ملفت او مختلف .. اولا كان بليغ ووردة متظلقين من قترة يعنىلما كانوا متجوزين كانوا بيعملوا على الاقل اغنية كل شهر على الاقل .. ولما الملحن والمطرب بيغيبوا عن بعض فترة وهى تغنى كذا اغانى لملحنين تانيين بعد كده يعمل لها لحن اكيد بيبقى متميز .. ثانيا بليغ جاب عمر خورشيد وكان عمر انفصل عن الفرقة من بعد رسالة من تحت الماء فترة طويلة وتفرغ للتمثيل لأن فى التميز اللى قلت عليه بليغ عمل شغل جامد جدا للجيتار مش اى حد يعزفه غير عمر خورشيد , وكان جايب معاه جهاز بيضاف للجيتار بيعمل الصوت الغريب اللى سمعتوه .. وللعلم احنا بتوع الكمنجات مش بنحب الاصوات دى لأنها بتعمل تعويم للمقام يعنى من وجهة نظرى اللحن ده لو طان اتعمل زمان شوية ايام هذه ليلتى وامل حياتى كان نفس اللحن حايبقى احلى كتير , لأن لما عمر استعمل الجهاز اكيد هانى مهنى لازم يعمل اصوات ابوخ م اللى يبعملها اصلا .. كمان الاكورديون الكهربائى بتاع مختار السيد هو حلو فى حاجات لكن برضو بيعمل تعويم للجملة بيخليها هلامية مالهاش شاسيه .. وللعلم مختار اقتنع بكده ولما الاكورديون الكهربائى اتعطل وكان ماحدش يعرف يصلحو فى مصر ركنه على دنب وركع للكورديون الطبيعى .. فيه حاجة مضحكة المرحوم الاستاذ نصر عبد دالمنصف ( وهو ملك التدوين الشرقى بجد ) وهو اللى مدون الاغنية دى طبعا ساعتها لبليغ كان لو قفشات قال على الجهاز اللى مع عمر خورشيد الجهاز ده بيمضمض . اترككم مع الاغنية هى ممكن تكون صعبة جدا لما تسمعها لكن انا فكيت الطلاسم اللى فيها ان شاء الله بقت سهلة هو اصعب حاجة فيها اولا فرق السرعات بين جملة واللى تليها وثانيا الاستعملا الكتير للعلامات العارضة وحركة غريبة انو ماشى على طول سى نص بيمول فى الدليل لكن قفل المذهب بسى بيمول ولو كانت اتكررت اكتر من اربع مرات قبل القفلة اكاديميا كان لازم اغير الدليل لكن لو ماشى سى نصف بيمول وآخر مرة سى بيمول فيها قولان .. كمان الموازين المختلفة بالذات فى الكوبليه التانى يعنى لما تسمعها اول مرة يتهيأ لك انو ضرب يعنى 10/8 او حاجة زى كده لكن لما تركز تلاقيه مش ضرب ولكن اختراع متفزلك يعنى مازورتين 3/4 بعدها 4 موازير 4/4 وتتكرر .. ممكن واحد اكاديمى متفزلك يعملها ميزان ماوردش او مايتقريش بس انا بستعمل حاستى السابعة ... احلى ميزة عازف الايقاع الرائع حسن انور .. يعنى بيديك الدوم قنبلة فى المازورتين 3/4 وقنبلة فى اول كل مازورة 4/4 وده بيؤكد ان اللى انا كاتبو هو الصح لأن فى الضروب مش حاتلاقى الدموم واضحة كده كل 4 واترككم مع النوتة
مع اطيب تحياتى
رد: طلبات نوتة أ / عادل صموئيل الجزء الثانى
العرض الشجري