طلبات نوتة أ / عادل صموئيل الجزء الثانى

**نور الصباح** · #1 12/05/2014, 14h04

الاخ العزيز عبد الهادى
اليك نوت
امى
ضمينى
بس هم مش عاجبننى يعنى ارجوكمابتعدوا عن الاغانى الموزعة ولما يكون الغناء مش واضح يعنى فى اغنية طيبة فيه فى الاول صولو جيتار بيعزف خارج نطلق الايقاع بالطبع ماكتبتوش
اما اغنية يا امى لو تلاحظ المطرب فى المذهب غنى خارج الوحدة لدرجة انى كتبتو من غناء الكورال ولو ما كان الكورال غنا المذهب صح ماكنت كتبت الاغنية اصلا
مع اطيب تحياتى
SSSSSSSSSSSSSSSSSSSSSSSSSSSSSSSSSSSSSSS

رائـــــــــــــــــــع كعادتــــــــــــــكم دائــــــــــــــــــما
زادكـــــــــــــم الله نــــــــــــورا وتألقـــــــــــــــــــــا
وشكرررررررررررررررررررررررا
أخوكم
نور الصباح

**مهدي01** · #2 12/05/2014, 17h47

اقتباس:

المشاركة الأصلية كتبت بواسطة نور الصباح

الاخ العزيز عبد الهادى
اليك نوت
امى
ضمينى
بس هم مش عاجبننى يعنى ارجوكمابتعدوا عن الاغانى الموزعة ولما يكون الغناء مش واضح يعنى فى اغنية طيبة فيه فى الاول صولو جيتار بيعزف خارج نطلق الايقاع بالطبع ماكتبتوش
اما اغنية يا امى لو تلاحظ المطرب فى المذهب غنى خارج الوحدة لدرجة انى كتبتو من غناء الكورال ولو ما كان الكورال غنا المذهب صح ماكنت كتبت الاغنية اصلا
مع اطيب تحياتى
SSSSSSSSSSSSSSSSSSSSSSSSSSSSSSSSSSSSSSS

رائـــــــــــــــــــع كعادتــــــــــــــكم دائــــــــــــــــــما
زادكـــــــــــــم الله نــــــــــــورا وتألقـــــــــــــــــــــا
وشكرررررررررررررررررررررررا
أخوكم
نور الصباح

بالفعل يا مايسترو ملاحظاتك دائما فيها دقة هذا ان دل على شيئ فانما يدل على حسك الرفيع وذوقك العالي وانا بكم الكورال اللي عندي فالمدرسة احب ان اعمل معاهم مثل هذه الاناشيد ولكن رغم انك وجدت هذه النقائص في النشيد ارفع لك القبعة و اقولك الف و مليون شكر يا هرم الابداع اطال الله في عمرك و جزاك الله كل خير على النوتتين

**مهدي01** · #3 12/05/2014, 17h49

بالفعل يا مايسترو ملاحظاتك دائما فيها دقة هذا ان دل على شيئ فانما يدل على حسك الرفيع وذوقك العالي وانا بكم الكورال اللي عندي فالمدرسة احب ان اعمل معاهم مثل هذه الاناشيد ولكن رغم انك وجدت هذه النقائص في النشيد ارفع لك القبعة و اقولك الف و مليون شكر يا هرم الابداع اطال الله في عمرك و جزاك الله كل خير على النوتتين

**eagleeast** · #4 15/05/2014, 20h19

الف مليون شكر على اغنيه لا اله الا الله مش عارف اى عبارات الشكر لا تكفى مجهودك الجبار لارضاء مدرسى التربيه الموسيقيه اللى محتاجين العون يا طوق النجاة وحضرتك كنت بتسأل ان كانت تنفع دى هايله لاقت اعجاب كل الحاضرين والحقيقه مع كل نجاح انا دايما بذكر اسم الهرم ان اغانى من تدوين المايسترو عادل صموئيل ...... مهو مش ممكن انكر فضل الهرم على وده اقل حاجه اقدر اهديهالك
ومسااااااااااااء الالحان العطرة على اعذب منتدى ومسئوليه ومشرفيه عامه والهرم خاصه
ابنك ................ نسر الشرق

**داليا أيمن** · #5 16/05/2014, 09h35

ممكن طلب نوتة أغنية "دور يا زمن" من غناء علي الحجار ولحن عمر خيرت
وشكرا جزيلا علي هذا المجهود العظيم

**muhamadibra** · #6 16/05/2014, 11h46

أخي المايسترو العزيز - تلح علي التيمة الاساسية في الادعية التي قدمها عبد الحليم حافظ - لحن الموجي - واعرف صعوبة تدوين كل السلسلة ولكني اطمع في الحصول علي النغمة الاساسية - ويكون لك كل الامتنان
د محمد ابراهيم
https://www.youtube.com/watch?v=vVhj9B1_WDQ
ده اللينك والتيمة التي اعنيها بداية من ق 1.50

**نور الصباح** · #7 20/05/2014, 23h37

خي الفاضل المايسترو العظيم - طمنا عليك - كام يوم لم تزر صفحتك لعل المانع خير - دعواتنا كلنا لك بالصحة والعافية
د محمد ابراهيم
SSSSSSSSSSSSSSSSSSSSSSSSSSSSSSSSSS
و الله واحشـــــــــنى وإللى حايشـــــــــــــــنى
فين إنت و أنــــــــــــا أجيـــــــــــــــــــــــــــــلك
فمنذ تاريخ الاثنين الموافق 12 / 5 / 2014
كانت آخر مشاركة لكم
ومنذ ذلك التاريخ لم تتطلعنا طلعتكم البهية
ولم يسـعدنا الحظ برؤياكم
ندعو الله أن يكزن المانع خير
وشكرررررررررررررررررررررررررررررا
أخوكم
نور الصباح

**muhamadibra** · #8 20/05/2014, 23h55

اقتباس:

المشاركة الأصلية كتبت بواسطة نور الصباح

خي الفاضل المايسترو العظيم - طمنا عليك - كام يوم لم تزر صفحتك لعل المانع خير - دعواتنا كلنا لك بالصحة والعافية
د محمد ابراهيم
SSSSSSSSSSSSSSSSSSSSSSSSSSSSSSSSSS
و الله واحشـــــــــنى وإللى حايشـــــــــــــــنى
فين إنت و أنــــــــــــا أجيـــــــــــــــــــــــــــــلك
فمنذ تاريخ الاثنين الموافق 12 / 5 / 2014
كانت آخر مشاركة لكم
ومنذ ذلك التاريخ لم تتطلعنا طلعتكم البهية
ولم يسـعدنا الحظ برؤياكم
ندعو الله أن يكزن المانع خير
وشكرررررررررررررررررررررررررررررا
أخوكم
نور الصباح

يا اخوانا انتم قولتوا لي انكم بتتقابلوا مع بعض وبترتبوا هذه اللقاءات - يعني هناك وسائل اتصال اخري غير المنتدي - واقسم بالله لو عندي تليفون المايسترو كنت كلمته من السودان لان هذه اول مرة بعد عطل المنتدي والتي يغيب فيها المايسترو كل هذه المدة - وذلك يزيد من قلقي وتلاحظون انني ازور الصفحة تقريبا كل ساعة حتي احصل علي معلومة - وان شاء الله خير -
د محمد ابراهيم

**نور الصباح** · #9 22/05/2014, 22h46

احبائى
اقدم لكم اغنية الفنانة وردة
ليالينا
هى انطلبت على وجه السرعة
مع اطيب تحياتى

SSSSSSSSSSSSSSSSSSSSSSSSSSSSSSSSSSSSSSS

رائـــــــــــــــــــع كعادتــــــــــــــكم دائــــــــــــــــــما
زادكـــــــــــــم الله نــــــــــــورا وتألقـــــــــــــــــــــا
وشكرررررررررررررررررررررررا
أخوكم
نور الصباح

**عادل صموئيل** · #10 22/05/2014, 22h51

احبائى
اقدم لكم لحن من العيار التقيل جدا او ممكن تسميه عقدة العقد المعقدة تعقيدا , هو انا مش عارف الاخ العزيز نور الصباح طلبه ليه .. تحفة عبد الوهاب

بفكر ف اللى ناسينى

اولا انا كنت متردد اكتبه من زمان عشان انه صعب جدا وماحدش ممكن يعزفه وثانيا انو حياخد معاكم وقت لأنى مش ضامن ظروفى الاسبوع الجاى عشان الانتخابات قلت اشغلكم بحاجة .. هو بالطبع فيه اجزاء ممكن اى حد منكم يعزفها زى من اول المذهب ولحد دخول الكوبليه الاول لحد التقاسيم .. ونقف عند التقاسيم انا ماكتبتهاش لن التقاسيم مش بتتكتب انا حاولت اكتب ابتدأ ازاى بعدين زى فى الشغل كنا بنكتب تقاسيم وفى البروفات الملحن بيحدد حيقولها ازاى واحنا بنحفظها كده ... فيه حاجة تانية سبب يعنى ليه مش بنتكب التقاسيم وبالذات بتاعة المعالقة غير انها بتخالف قواعد العلامات الايقاعية يعنى النوار مش نوار والبلانش مش بلانش بتبقى اقصر او اطول حتة .. ان المطرب لما يكون عملاق وعندكم مثلا لو سفتم اللى لسه عايشين لحد دلوقتى يعنى صباح فخرى مثلا .. افرض عمل عشر بروفات وفى التقسيمة كل يوم كان مثلا بيخرج من البياتى على حجاز او صبا وخلاص حفظناها كده .. ممكن ييجى ساعة التسجيل ييجى لو خيال تانى يعنى يخرج م البياتى على حاجة تانية خالص .. ومن هنا انا لو بعزف معاه بتابعو بودنى وامشى زى ما بيقول حاسلطنه اوى .. لكن لو بقرا من النوتة حقرفه فى عيشته واخليه يبوظ خالص لسبب انا بدخله ع المقام اللى هو مش عايز يقوله دلوقتى بحدده يعنى .. والمطرب العملاق حاجة زى كده تطير كل اللى ف مخه .. طيب ييجى واحد يسألنى يقول لى طيب ليه كتبت اللى فى الكوبليه التانى اقول لك ده حاجة تانية ... ده ادليب من صميم تلحين اللحن يعنى ثابت لو غناه فى عشرين حفلة ... اقول لك سر خطير كمان ( وده للمدونين الجدد اولادنا يعنى ) شوف اللازمة السطر الاول فى الصفحة الاخيرة .... لو الملحن زرع لك لازمة زى دى فى الجزء اللى بنسميه ادليب او تقاسيم يعنى حطها وسط الغنا زى الخازوق كده يبقى هنا وجوبا لازم تكتب اللى قبلها واللى بعدها لكن لو تلاحظ فى الكوبليه الاول .. هو قال جملة وعليها لازمة محددة بعدين جملة تانية عليها لازمة محددة بعدين تلاحظ انو ابتدا يسلطن بالعود ويسحب الفرقة وراه يعنىبيدخل نفسو فى المقامات ... هنا اخطر شىء الفرقة تسمعو اوى اوى اوى ماتشغلش نفسها بحاجة غيره ... طبعا هو فيه اجزاء صعبة جدا بالذات فى الكوبليه التناى بس مالهاش تبسيط يعنى تفقد شكلها ... اما المقدمة مشكلتها حاجة عشان لو انت عزفتها قدام حد ويتمتع بيها هى اولا بتحتاج انك تتفهم فروق السرعات يعنى بيبتدى بسرعة معينة بعدين بيسرع بعدين يبطىء بالطبع ما اقدرش اكتب فوق كل مازورة سرعة جديدة ( ده يلخبط ) بس انا اعتقد انهم وهم بيسجلوها كان الموزع بيمعلها مع الفرقة جملة جملة يعنى يحفظهم الاحسا حتى لو كان قدامهم نوتة .. وهى انت لما تعيش فى المقجدمة بعدين تسمع عبد الوهاب لما بيدخل على الايقاع فى بفكر ف اللى ناسينى تحس من نكهة الاستدوديو انها متسجلة فى يوم تانى .. بمعنى ان المقدمة دى عشان تتسجل محتاحة عشر ساعات تكون الفرقة محتاجة تدخل الانعاش او تاخد حقن كوراع .. لذلك الملحن الذكى بيبقى عارف ان البنزين بتاعهم خلص وييجوا يوم تانى يكملوا باقى الاغنية وهم بصحتهم ( بس خلى بالك هم كده بيقبضوا لحنين يعنى كانها اغنيتين ) .. اما الملحن الحمار عشان يوفر الفلوس يخليهم يسجلوها كلها فى يوم واحد وطبعا اولا حايقطع قلبهم وثانيا حايطلع نص الشغل الاخير زى الزفت لان العازف بيكون استهلك .. وعلى سبيل المثال احنا اغنية انده عليك لوردة سجلناها على يومين طوال اوى .. فيه فى اللحن ده كمان حاجة ملفتة ان عبد الوهاب لما تركز فى غناه تحس انو منفعل اوى كانه بيبكى مش عارف ليه .. انابسمع اللحن ده من يوم ما كنت طفل ما اخدتش بالى من التأثر ده إلا لما جيت ادون اللحن لأنى بالطبع بسمع كل مازورة 60 مرة ..
الخلاصة ان كل عملاق كل كذا لحن بيعمل لحن لنفسه يعنى مش ممكن حد غيره يقوله بمعنى ان الحان كتير ممكن غيره يقولها حلو لكن اللحن ده مستحيل يعنى على طول تحس بالفرق
مع اطيب تحياتى