طلبات نوتة أ / عادل صموئيل الجزء الثانى

[سعودالكعبي]

نوتة البرواز ل محمد عبده

الاخ العزيز
انا شفت حضرتك طالب الاغنية دى كذا مرة لكن النوعية دى من الاغانى الموزعة التوزيع الحديث ما ينفعش تتكب ما ينفعش غير لما تجيب النوتة الاصلية اللى الموزع كتبها شخصيا
وحتى لو جبت النوت الاصلية ما ينفعش واحد يعزفها بمفرده يعنى لازم فرقة مع مطرب والسبب لاحظ مثلا فى اللزمات اللى بترد على الغناء انالمطرب بيعغنى لوحده من غير مصاحبة الكمنجات زى شغل زمان بعدين اللزمة اللى بترد عليها بتبقى من اوكتافات عالية وسريعة جدا جدا وفيها تعتمد تعقيد واظهار تكنيك عالى ومن هنا انا ما اقدرش انى اعزف الغناء واللزمات يعنى اما اعرف الغناء فقط او اعزف اللزمات فقط وهنا ما ينفعش عازف واحد يعزف الاغنية بمفرده
يعنى شوف الاغانى القديمة كان ممكن عازف واحد يعزفها من اول حرف لآخر حرف

مع اطيب تحياتى عادل صموئيل