أشكرك جزيل الشكر على الرد ودائما تمتعنا بما تكتب
وحبيت اسئلك بما أن الحديث هذه الأيام عن فيروز ونوت الرحابنة عن نوعية صوت فيروز هل يعتبر صوتها مستعار؟ لأن قرأت مرة أن نجاة قالت على فيروز أن صوتها مستعار ولكن عبد الوهاب قال إن فيروز تغني بالصوت الحقيقي
هل الصوت المستعار يعني الصوت الأوبرالي مثل عفاف راضي مثلا؟
بالنسبة للموقع اللي قلت لك عليه هو على الرابط :
https://egypt.dubizzle.com/ar/items-...Fsc2UmcGFnZT0x
ا
خى العزيز
اولا اشكرك على تفهمك
هو عندنا فى مصر اعترف ان المطربات بيغيروا من فيروز .. وكان فى الاذاعة زمان تعتيم على فيروز بمعنى انى مستمع جيد جدا جدا ولحد ماكان سنة 25 سنة ماسمعتش لفيروز اكتر من اربع او خمس اغانى هم اللى كانت الاذاعة المصرية يتذيع فيهم والكام اغنية دول ما يكفوش انك تحكم على فيروز لكن لما انت تستمع الى فيروز بجد حاتكتشف انها شىء مذهل .. يعنى بتديك كل الالوان الموسيقية اللى مش ممكن كانت مطربة مصرية تقدر تعملهم كلهم مع ببعض يعنى اولا بتديك الشرقى كاقصى ما يكون والغربى كاقصى مايكون كمان فيه ميزة خطيرة فى فيروز تتميز بها مطربات الاوبرا فقط انها ممكن تغنى على لحن موزع بمعنى ان الفرقة الموسيقية بتقول حاجة والمطرب بيقول لحن تانى خالص ومش بيتلخبط ودى كانوا مطربات الابروا كلهم بيتميزوا بيها لنهم بيحفظوا اللحن من النوتة مباشرة يعنى معاها نوتة مكتوب عليها تقطيع الكلام وهو بتغنى من النوتة مالهاش دعوة بالفرقة والتميز ده ماعنناش مطربة ممكن تعملوا غير عفاف راضى فقط بس طبعا مش حاتيجى جنب فيروز حاجة .. يعنى لا ام كلثوم ولا فايزة ولا وردة ولا اى حد ممكن يبقى سامع الفرقة بتقول حاجة وهى تقدر تقول لحن تانى عليهم .. حتى هم لما كانوا بيغنوا لحن موزع بيبقى التوزيع ماشى لكن لازم يكون كام كمنجة بتقول معاهم نفس اللحن اللى هم بيغنوه ... بعدين من اخطر مميزات فيروز كمان ( لو سمعت مسرحياتها الغنائية كلها بتمعن ) بتغنى كلام احيانا مش ممكن يتلحن يعنى لا عبد الوهاب ولا السنباطى يقدروا يلحنوا المواضيع دى والتميز بتاع الرحبانية انهم كان الواحد منهم بيكتب الكلام ويلحنه بنفسه او الايحاء بيطلع منهم الكلام متلحن جاهز واذكر لهم مسرحية اسمها بياعة البنادورة فيروز بنت بتبع بنادورة على عربية فى الشارع البوليس قبض عليها جايب التحقيق معاها ووكيل النيابة بيحقق كلو بالغناء وبعدين فى المكحمة المحاكمة كاملة من اول الحاجب بيقول كلمة محكمة لحد القاضى بينطق بالحكم كله اوبريت غنائى واحد رائع يعنى القاضى بيعرض القضية ووكيل النيابة عايز يلبسها التهمة والشهود والدفاع والحكم كله غناء رائع وكلام زى ماقلت لو الكلام ده مكتوب فى ورقة اتحدى اى ملحن مهما كان يقدر يلحنه باللحن الرائع ده ... وكلمة ان فيروز صوتها مستعار ده محاولة تقليل من شأنها وصوتها مش مستعار ابدا يعنى مطربة الاوبرا اللى لازم تغنى بصوت مستعار مش ممكن تعرف تقول لك كوبليه بياتى او موال مثلا
لكن السحر اللى فى صوت فيروز انها كانت بتسجل اغانيها معظمها فى اليونان بتقنية بحيث بيتحط على صوتها شعرة ايكو ( صدى صوت ) بتخلى صوتها تحسو جاى من الفضاء مش من على الارض .. وعفاف راضى صوتها مش مستعار اوى ولكن طبقتها سوبرانو يعنى لاصوت الحاد فى النساء لكن عايز تسمع المستعار بجد لما تسمع مطربات الاوبرا بيتعلموا يغنوا بطريقة ما هى مش صوتهم الطبيعى ... اما بالنسبة لموضوع الكمنجة بالطبع الصورة ماتكفيش لازم الواحد يشوفها لن السعر قليل اوى اوى بشكل مريب بمعنى الكمنجات بيبقى ملزوق جواها تيكت للصانع وتاريخ الصنع والتيكت ده ممكن يكون مضروب احيانا .. وحاجة تانية اللى بيبعها ده من القاهرة يعنى اكيد ممكن يسأل يعرف هى تساوى كام مع اطيب تحياتى عادل صموئيل
رد: طلبات نوتة أ / عادل صموئيل الجزء الثانى
العرض الشجري