احبائى
اقدم لكم من روائع روائع عبد الواهب الوطنية
حب الوطن
الاغنية دى ليا معاها ذكريات ... يعنى من ييجى عشر سنين كان عندنا طفرة موسيقسية شوية فى وزارة التربية والتعليم وكان الوزير والحاشية بتاعته بيحبوا الحفلات وبيشجعوا الناس الشاطرين .. وزى ما المدرسين عارفين .. فيه نوعين من مدرسين الموسيقى نوع شاطر وبيحب يشتغل ونزع كسلان بيشتغل بالزق
المستشارة الموجودة فى الوقت ده الاستاذة هدى البهى كانت بتحب تعمل حفلات للوزارة والوزير كان بيشجع وبيطلع مصاريف يعنى الحفلات بتكلف طبعا وتصادف وقتها الاحتفال بمرور خمسين سنة على ثورة 1952 ... وتميز حفلات الوزارة عن حفلات المدارس ان المستشارة بتبقى رئيسة كل مادة الموسيقى فى مصر يعنى تعمل كام تليفون تلاقى اختلق لك من تحت الارض 1000 تلميذ وطالب كورال وصولو وعازفين او هى كانت عارفة المدارس اللى فيها مواهب وشغل حلو يعنى .. كان التلاميذ لما بييجوا مثلا من مدارس حكومية كان الوزارة ليها طبعا دلالة ع المدارس الخاصة انها بتقدم لنا الاتوبيسات اللى بتروح تنقل لنا الاولاد وتجيبهم لحد عندنا ( طبعا مش لوجه الله يعنى الاتوبيس لما بييجى فى المقابل ممكن الوزارة بتطنش لو المدرسة فيها مخالفة ولا حاجة ماحدش بيدى لوجه الله ) المهم انت كمدرس فى مدرسة لوعندك 30 كورال بيبقى فيهم خمسة صواريخ والباقى مستوايات اقل لحد ماتوصل للعاهات لكن على مستوى المديرية او الوزارة بنختار الممتازين اوى منهم بيبقى عندك كورال مستواه عالى جدا وهنا والحمد لله جه دورى .. المدرسين لو يسيبوهم بيعملوا كام نشيد اتحفظوا مليون مرة حتى الجمهور بيزهق لكن انا ذوقى حلو فى الاختيار يعنى اعمل برنامج ماحصلش وما اتسمعش قبل كده والوزير لما لقا واحد موسيقار يقدر ينفذ اى شغل طلب يسمع الحفلة القادمة حب الوطن وطبعا ما ينفعش فيها شغل الافراح لازم تتكتب الاول بعدين تتعزف على اعلى مستوى بعدين التلاميذ يغنوا عليها والحمد لله كان الكورال مختلط من اتدائى واعدادى وثانوى والحمد لله طلعت اكتر من تجنن
مع اطيب تحياتى
رد: طلبات نوتة أ / عادل صموئيل الجزء الثانى
العرض المتطور
