طلبات نوتة أ / عادل صموئيل الجزء الثانى

**armendo** · #1 04/02/2014, 09h46

اخى العزيز الأستاذ الفنان عادل صمؤيل

اود ان اشكر اخى الأستاذ حليم الذ استفز الحاسه الفنيه لديك بهذا الأختيار الرائع لإغنية سهرت منه الليالى لعبد الوهاب وجعلك تدونها بهذه السرعه ...وهى اغنيه شديدة الرقه والجمال والشاعريه وتحتوى على عبقريه فى الأداء لصوت نادر وانا اتفق معك ان التدوين من خلال السمع ادق من التدوين من خلال الأحساسوانا لا زلت اتذكر الجدل والنقاش الذ دار فى اغنية اهواك فى كوبليه الاقيك مشغول وشاغلنى بيك وكان موقفك انك دونتها كما سمعتها.

اما شرحك للصعوبات التى واجهتها فى تدوين اللحن فكان بسيطا وسهلا وهو مهم لأنه قد يطرح نقاشات ويفيد العازف وخاصة فى مسألة الغيير فى المقامات .

مع ارق تحياتى

احمد (ارمندو )

**نور الصباح** · #2 04/02/2014, 10h02

احبائى
اقدم لكم من روائع عبد الوهاب القيدمة
اغنية من العيار التقيل جدا جدا مع ان حجمها صغير
سهرت منه الليالى
الاغنية دى طلبها الاخ العزيز حليم من المغرب ... ولو تسمحوا لى اتكلم عنها شوية ( من وجهة نظرى طبعا )

SSSSSSSSSSSSSSSSSSSSSSSSSSSSSSSSSSSSSSSS

ونشــــــــكر لكم الأفضال
و شكررررررررررررررررررا
أخوكم
نور الصباح

**eagleeast** · #3 04/02/2014, 12h07

الشكر كل الشكر لمنتدى سماعى ورواد واعضاء المنتدى اللى دايما بنستفيد من خبراتهم وخصوصا العملاق استاذى \عادل اللى بعتبره مثلى الاعلى واللى بحاول اوصل لربع معرفته الموسيقيه واللى بترجاه ان يدون لى الاغنيه دى علشان محتاجها فى البرلمان المدرسى يوم الاثنين القادم
‫ط§ط*ظ…ظˆط§ ظ…طµط± ظٹط§ظ…طµط±ظٹظ†‬â€ژ - YouTube
واسف جدا على تاخرى على المنتدى وده لظروف خارجه عن ارادتى وظروف المعيشه اللى مخليانى بجرى بسرعه علشان احصلها....... وشكرا جزيلا

اخى العزيز انا نزلت الملف وحولته ملف صوتى بمجرد انى شفتو ومش عشانك انت فقط ولكن عشان مصر .. يعنى العمالقة اللى بشتغل معاهم كان من اهم معالمهم الوطنية اكتر من اى حاجة فى الدنيا يعنى خلال حرب 1973 احنا كنا مقيمين فى ستوديو 46 فى الاذاعة 8 ايام ماروحناش بيوتنا بنعمل الاناشيد والاغانى الوطنية الجميلة اللى انتم كلكم عارفينها واحنا دلوقتى فى حالة حرب انا بتخيل انها اكتر واخطر من حرب 73 مائة مرة لأن حرب 73 كنا بنحارب اليهود من وجهة نظرى واكيد حاتتفقوا معايا : كانت جبهة واحدة من الشرق يعنى العدو امامنا وكانت بمصطلحات الحروب حرب نظيفة يعنى جيشنا العظيم لو ثأر عند اليهود وارضنا محتلة وكنا بناخد حقنا الشرعى لكن الحرب القذرة الحالية ناس خونة نسيوا دينهم ونسيوا عروبتهم ونسيوا انتمائهم لوطنهم ومش عارف هم عايزن ايه حرب 73 كان جبهة زاحدة من الشرق لكن دلوقتى الحرب 700 جبهة من جميع الإتجاهات وكمان من تحت ومن فوق يعنى ممكن تفتح الحنفية ينزل لك منها واحد ارهابى بس كلهم نسيوا حاجتين اولا ان الله مع الحق ويمهل شوية او وشيتين ولكنه لايهمل ابدأ وثانيا ان مصر على مر التاريخ هى مقبرة الغزاة والتتار مثلا حرقوا كل الدول اللى مروا عليها لكن جم عند مصر وفرمناهم هنا والامبراطوريات اللى بهدلت الدنيا كانت نهايتها عند مصر يعنى كلمة جنود مصر خير اجناد الارض مش من فراغ ولا مجاملة احنا من 7000 سنة جيش ربنا واقف معاه لأنه عمره ما استخدم قوته فى الاعتداء على حد احنا كنا نعادى من يعادينا ونسالم من يسالمنا وعمرنا ما بخلنا بجنودنا البواسل على اى شقيق عربى احتاجنا واحنا ساهمنا فى تحلايلا كل الدول اللى كان الاستعمار محتلها واذا كنا اليمو بنحزن وبنبكى لكن ابشروا بكرا حاتبتسموا ان شاء الله
وعشان خاطر مصر حابتدى اكتب لك فيها حالا ان شاء الله
مع اطيب تحياتى عادل صموئيل

**salhi_haithem** · #4 04/02/2014, 12h42

السلام عليكم
كل التحية و التقدير للأستاذ عادل على مجهوداته الجبارة و العملاقة في تدوين هذه الروائع الجميلة
ولي طلب أستاذ عادل أغنيتين من تدوينك لصباح "زي العسل" و "ياأنا ياأنا" و الإثنين من ألحان بليغ حمدي و أكون ممنون
شكرخاص لأخي العزيز عاصم على كلمته الطيبة
هيثم

**درأرسلان** · #5 04/02/2014, 16h52

أستاذي الغالي ،

سهرت منه الليالى، كلمات أمير الشعراء أحمد شوقى، تلحين وغناء محمد عبد الوهاب، تدوين أستاذ الأساتذة عادل صموئيل، والله إننا لجد محظوظون لإنتمائنا لمنتدى سماعي ولكوننا تلامذة العملاق الكريم الأستاذ عادل، بارك الله فيك على ما تقدمه من خدمات للثقافة الموسيقية العربية، وأتقدم إليكم أصالة عن نفسي و نيابة عن زملائي الأطباء، أعضاء فرقة عشاق الطرب العربي الأصيل بكامل التحية والتقدير

أخوكم د المصطفى أرسلان

**عادل صموئيل** · #6 04/02/2014, 19h24

احبائى
انا اشكركم على ردودكم على اغنية سهرت منه الليالى
وكلامكم الجميل اغلى عندى من كنوز الدنيا ... يعنى انا لو جهة ما طلبت من مدون كبير انه يدون اغنية بالصعوبة دى ممكن تدفع لو كام ؟ يعنى على الاقل عشر اضعاف ثمن الكتابة عشان الاغنية صعبة جدا وبتاخد وقت
لكن انا كلامكم بالنسبة لى اكتر من المبلغ ده مليون مرة لن الفلوس مهما كانت بتتصرف لكن الشعور الجميل بيبقى

عايز اقول لكم سر ... انا كمدون محترف يعنى كنت زمان شوية التدوين بيمثل لى جانب من حلى ( وجانب مربح ) بس ايام الزمن الجميل او ايام ما كانت الموسيقيى موسيقى يعنى ملحن اما بيجى لى البيت او انا بروح بيته وبكتب موسيقى بتمتع بكتابتها .. لكن اليوم بعد ما بقت الموسيقى تقرف انا بقيت اتهرب منهم يعنى بييجى لى الملحن من دول يملينى جملة زى القرف ومسموعة كتير من قبل انا مش مستسيغها اقول له طيب نخلى كذا بدال كذا واغير منا حرفين واقعد اغير فيها لحد ما تبقى الجملة 90% من عندى والملحن طبعا فرحان لأنى بلحنهالو تانى من عندى .. واذكر انى مرة كنت بكتب للعملاق رياض السنباطى حاجة لقيت حرفين ممكن الفرقة ما يدخلوش مع بعض فى الاستوديو قلت لو نخيلها كذا رافع العود واوشك ينزل بيه على دماغى وقال لى طب ماتلحنها انت بقا
دولوقتى انا الموبايل بيخدمى لن الفرق بينوه وبين التليلفون الارضى ان الارضى لما ترد معناه انك فى البيت لكن الموبايل ممكن تكون فى اى مكان على كوكب الارض او فى المجموعة الشمسية يعنى كذا ملحن يطلبنى ع الموبايل يقول لى عايزين نكتب حاجة اقول له بس انا مش فى القاهرة انا فى الساحل الشمالى او فى الصومال يوقل لى طيب ترجع بكرا اقول لو لأ انا عملت لجوء سياسى وحرجع بعد 9 سنين
يا لا انا بس عايز افرح بيكم يعنى حد يقول انا عزفتها واكرر انا ففكيت الطلاسم اللى فيها يعنى عندك مثلا الجملة اللى بيقفل بيها الكوبليه صعوبتها انها طويلة شوية بس اكيد انا لما فكيت طلاسمها حاتبقى سهلة اوى ان شاء الله

مع اطيب تحياتى

**عمرو الهنداوي** · #7 04/02/2014, 20h22

أستاذ عادل شكرا على سهرت منه الليالي
وارجوك فكر في جفنه علم الغزل وحب الوطن غالي عليا وفي الليل لما خلي والفتيارة... كل دي أغاني مهمة جدا

**عادل صموئيل** · #8 04/02/2014, 21h03

احبائى

عشان مصر وفى حب مصر اقدم لكم

احموا مصر يامصريين

طبعا انا ما اقدرش عن الاخ العزيز eagleeasat اللى طلبها وبالذات عشان محتاجها فى مناسية يوم الاثنين
هو من حسن الحظ يعنى انا قعدت اكتبها عامل حسابى اسهر عليها بس هى طلعت مذهب وكوبليه متكرر هى المقدمة الموسيقية خدت وقت لأن فيها فزلكة شوية بس اكيد لما اتكتبت بتبقى سهلة اوى بس اللى بيغيظنى المطربين اليومين دول شغل الهيد فون والتراكات بيقعوا فى الوحدة وده انا لاحظته ونا بكتب تانى سطر فى الكوبليه
بس المهم انها كلها اخدت اقل من نصف ساعة وده توفيق من ربنا .. بس خلوا بالكم يامدرسين المويسقى لو عندك تلميذ حايغنيها انت حفظ لو اللحن الاساسى زى ما انا كاتب ماتخليهوش يقلد المطرب اوى لأنو ممكن يقع فى الوحدة

مع اطيب تحياتى

**علي ثلاثة** · #9 05/02/2014, 10h05

أستاذ عادل
ألف شكر على أغنية
سهرت منه الليالي
واعتقد أن كلماتها من تألبف نجل
أحمد شوقي
وإن كنت مخطئا فأرجو التصحيح
---
من الأغاني التي اشتهرت بها
اسمهان
هل تيم البان فؤاد الحمام
يا لعينيك ويالي
أين الليالي اللواتي سببت سقمي
وقد تكون من إبداعات محمد القصبجي
يا اللي هواك شغل بالي
يا ليالي البشر
نويت اداري ألامي
فهل يوجد لها تدوين