مشاركات خارج موضوع طلبات النوتة

[منذر44]

استاذي العزيز عادل صموئيل
اسعدني كلامك جدا جدا وفعلا انا محظوظ بوجود ك فعطاءك الغير
محدود يعود بالفائدة على الجميع
سوف اخذ بنصائحك القيمة في المرات القادمة
مع اجمل تحياتي

[منذر44]

استاذ عادل
وبعد توقف النقاشات لفترة طويلة ارجو ان تحدثنا عن كيفية بدأ علاقتك بالكمبيوتر
وكيف تعرفت على منتدى سماعي وكيف بدأت علا قتك بكتابة النوتة في المنتدى
وذلك حتى نستفد من خبرتك وتجاربك
مع تحياتي
اخى العزيز
سؤالك حلو ودرس ممكن تتعلموا منه
انا من مدرسة ام كلثوم وعبد الوهاب والسنباطى والعمالقة .. يعنى اثروا عليا فى كل شىء فى حياتى .. ومنها حاجات خطيرة زى التواضع الجم وعدم حب المنظرة والحفاظ على التراث وانى احب الاشياء اللى بستعملها واحافظ عليها كالجديدة عشان تبقى كفائتها 100 % وانا كنت بصلح تقريبا بإيدى كل الاجهزة اللى عندى وعندى بالطبع اجهزة تهبل يعنى .. المهم ان من ضمن الحاجات اللى اتعلتمها انك ماتنساقش ورا الموضات اللى بتطلع
لما ابتدأ الكمبيوتر المنزلى ينتشر فى المصر ( وكلمة المنزلى لن الكمبيوتر الاول كان حجمه اد العمارة وبتاع مؤسسات فقط اول مانزل مصر )كان سنى 52 سنة مالفتش نظرى الاول بصراحة .. لكن شاءالقدر انى كنت بزور واحد من اعز اصدقائى اسمه الحاج محمود فهمى هو عارف طبعا انى بموت فى التسجيلات والشرئط والاسطوانات وخلافه قال لى تعالى اوريك حاجة تجنن
وفتح الكمبيوتر ودخل على فولدر مكتوب عليه ام كلثوم فتحه لقيت كل اغانى ام كلثوم ومعمولة بابجدية يعنى عايز تسمع فكرونى تروح عند حرف ف وتفتح الاغنية .. ملاحظاتى الخبيرة كذا حاجة طبعا يعنى كمية الاغانى دى تساوى مثلا 100 شريط وثانيا انك فى ثانية تشغل الاغنية اما الشرائط بالذات لما يكون عليه عدة اغان ممكن تقعد ساعة تبحث عن اغنية ما .. وفتح فولدر تانى عبد الوهاب وثالث عبد احليم انا بصراحة اتجننت يعنى خرجت من عنده زى الفلاح اللى اول مرة يشوف المدينة
انا من عادتى بدرس اى موضوع كما ينبغى يعنى قعدت اعمل تحريات من اصحابى اللى عندهم كمبيوتر يعنى ايه احسن ماركات والامكانيات وهكذا وبعدين اشتريت اغلى كمبيوتر كان موجود فى الوقت ده كان بانتيام فور وكان ثمنو 6000 جنيه مصرى يعنى مايقرب من اقل شوية من 1000 دولار .. وبعدين اكتشفت انك ممكن تكتب عليه نوتة .. ودخلت فى العملية اشتريت طابعة وسكانر وكاميرا ديجيتال ثم طابعة تانية ثم طابعة ليزر الوان دى احدث حاجة وجبت سكانر خطير لأن كل ما ايدك تمشى ف العملية يعنى امكانياتك العملية بتزيد بتحب تشترى اجهزة كفاءتها اعلى .. زائد طبعا ابتديت استكشف برامج تساعدنى فى شغلى يعنى من اخطر مشاكلى لما بكتب نوتة من شريط ايام الكاسيت ( لأنى اصلا كمحترف الصح ان الملحن بيملينى بالعود يعنى بيعزف مازورتين مازورتين وانا اكتبهم ) اما اكثر شىء متعب لما تكتب من كاسيت المفروض زى ماقلنا انا الاول بسمع الجملة كذا مرة افهمها مقامها وميزانها يعدين اشغل مازورتين من كذا مرة استوعبهم اوى بعدين اكتبهم المشكلة التسجيل كان بيجننى لأنو لما برجع المازورتين بيرجع كتير ويضيع المكان اللى انا بشتغل فيه والمطلوب يكون محدد جدا عشان مخى لا يتشتت .. انا بحب الاستكشاف ورفع الكفاءة اكتشفت برنامج اسمه كول اديت ده برنامج خطير يعنى بيطلع اللحن اماك مرسوم على الشاشة زى جهاز رسم القلب وممكن تقف على المازورتين اللى بتكتبهم بدين تنقل المؤشر على اللى بعدهم بقى طبعا مريح جدا فى الكتابة ( بالمناسبة انا زمان لما طلبوا منى اكتب من غير ليه من شريط الكاسيت بعد ماكتبت اللحن جهاز الكاسيت كان اتدمر من كتر التقديم واالترجع ورميته ) من مميزات كول ايديت انك ممكن تعمل عليه مونتاج للموسيقى يعنى تحذف وتنقل وتشيل وتضيف وانا بقيت حريف اوى فيه يعنى ممكن اشيل من كوبليه حرف من كلمة واستبدله بحرف تانى وخدمنى جدا جدا جدا فى تسجيل معزوفاتى اللى على المنتدى يعنى انا لما كنت بسجل كنت بعمل الطريقة اللى اتعلمنا بيها التسجيل يعنى اسجل الكوبليه كذا مرة والجملة الواحدة بعيدها كذا مرة بحيث تطلع احلى حاجة بعدين اقعد اعمل المونتاج اختار احلى حاجة .. انا الاول طول عمرى كنت بدون بالقلم الرصاص على ورق موسيقى بعدين لما ابتديت ادون على الكمبيوتر ورفعت كفائتى فى انكور بقى كل شغلى كمبيوتر واطبعه كان طبعا كل العملاء بتوعى فى السوق بيتجننوا لأن كان مطبعة .. بعدين دخلت المنتدى هنا من خمس سنوات الاول لقيت قسم المبدعون يعنى عرفتهم بنفسى ونزلت لهم معزوفة اول حاجة ليالى الشرق حسيت انها عجبتهم اوى وابتديت انزل يعنى وصلت لأكتر من 100 معزوفة .. لعلمك المنتدى هنا كبير جدا جدا جدا يعنى صعب انك تلم بكل اللى فيه يعنى شوف انا هنا اد ايه يمكن ماشفتش 20% من المواضيع من كترها .. اكتشفت ان فيه قسم للنوت دخلتو .. بصراحة النوت ماعجبتنيش خالص اولا مكتوبة بالقلم ومتصورة صور رديئة جدا واكيد انت بعد ماتشوف نوت الكمبيوتر مش حاتطيق تشوف نوتة بالقلم لأن كمان القلم ممكن نغمة انت مش عارف دى مى ولا فا .. كمان لفت نظرى النوت مكتوبة للمحترفين اوى يعنى صعبة جدا جدا ولما دققت لقيت فى معظمها غلطات كتير فنية .. بعدين لفت نظرى ان بعض الاخوة بيطلبوا طلبات نوت وماحدش بيسأل فيهم لأن وقتها كان اللى بينزلوا نوت بينزلوا من حاجات عندهم او كتب يعنى مش هم اللى بيدونوها فانت لو طلبت نوتة انت وحظك عندهم ولا لأ
وابتديت كتبت نوتة من الطلبات دى ونزلتها طبعا فيه ناس اتجننت وقالوا عايزين وعايزين والتفتت الى ادارة المنتدى وقالوا اعمل موضوع اسمه طلبات النوت خاص بيك واعطونى الاشراف عشان آخد حريتى فى التنظيم للمواضيع وكانت .. والقسم بعد ماوصل ل 900 صفحة وكاد ان ينفجر ادارة المنتدى قالت نقفله ونعمل واحد تانى هو اللى شغالين فيه دلوقتى ... اهم ما فى الموضوع ان كذا اخ من الاخوة الاعزاء اللى ممكن يدونوا لما لقوا انا فتحت السكة ابتدوا هم كمان يعملوا مواضيع وانا شجعتهم يعنى عملت ثتبيت لمواضيعهم وصار لكذا عضو موضوع خاص بيه وتيجى لو طلبات يعنى تلاقى المتخصص فى الشامى والفلسطينى والمتخصص فى دول المغرب العربى وربنا يزيد
كفاية كده وانا تحت امركم فى اى اسئلة
مع اطيب تحياتى عادل صموئيل

[عادل صموئيل]

احبائى
انا لوقلت لكم عن فوائد الكمبيوتر يعنى الكلام المفيد ممكن ما يخلصش
بعد ما كتبت الكلام الكتير اللى فوق تذكرت حاجات اكتر بس تحملونى
انا كل ما افتح انكور بقول الله يرحمك ياوردة
كنا ايامها بنكتب النوتة بالقلم الرصاص ( اقصد الاستاذ المدون طبعا ) فى الفرق الصغيرة كان بيصوروا منها نسخ ويشتغلوا بيها بس طبعا خطورة الرصاص ان المدون عادة بيكتب وهو مستعحجل مفيش وقت يعنى يجمل كتابته ودايما كانت بيقى الخط ردىء جدا اقل حاجة انك لما تيجى تكتب نوار او كروشين مثلا او 4 دوبل كروش اهم شىء رأس النغمة ولازم تبقى محددة هى على خط ولا مسافة بعدين لازم تخلى الراس دى تقيلة يعنى ماتبقاش نقطة يعنى اقصد انك بالقلم تخليها زى الزيتونة يعنى تعمل عليها كذا لفة مش نقطة وخلاص لأن النقطة ممكن تنحرف ربع ميللى انت تقصد فا اللى يشوفها يقراها مى او صول .. كان فيه طريقتين عندنا فى الماسية كان يوجد نساخ متخصص فى نسخ النوت يعنى بنتصل بيه ييحى ينقل النسخ الرصاص ويكتبها بالريشة والحبر الشينى كان اسمو عبد الملاك الله يرحمه طبعا كان خطه جميل جدا .. لو مش موجود انا كنت بكتب شغلى يعنى بنقله بقلم فلوماستر وانقله على مهلى عشان يبقى النغمات واضحة
المهم مرة فى بروفة وردة قالت : مافيش ماكينة تكتب النوتة دى قلنا لها ده حلم يعنى ( زى اول واحد فكر يطير )
كانت من قبل فى اوروبا كل الكتب الموسيقية اللى درسنا منها فى الكليات كتب تعليم البيانو والآلات المختلفة
النوتة بيكتبها نساخ خطو جميل جدا وبعدين بيتعمل لها زنكوغراف بتطبع بيه .. يعنى خلوا بالكم ان كل الكتب اللى قبل الكمبيوتر متكوبة بخط اليد .. بس طبعا العملية دى كانت مكلفة جدا جدا يعنى ما ينفعش نعمل العملية دى عشان نعم منها 15 نسخة مثلا ولكن لكتاب اوروبى بينطبع منو عشرات الملايين من النسخ
يعنى النوتة اللى إنتم بتنعموا بجمالها دلوقتى ايام الماسية كانت حلم بعيد اوى لأن كتابة النوتة غير كتابة الكلمات
من اخطر فوائد الكمبيوتر ايضا كنا زمان لو انت عايز اغنية ما لو حديثة ممكن تشترى شريط كاسيت لو اقدم او قديمة صعب او مستحيل تلاقيها فى السوق كانت محتاجة لازم يكون عندك عشر اصدقاء عندهم هواية جمع الاغانى وتتبادل معهم لكن كان ممكن تقعد شهور عشان تلاقى الاغنية انا فيه دعاء لفايدة كامل اسمه اللهى قعدت متربص اكتر من 15 سنة للراديو عشان اسجلو انه يتذاع كامل النهاردة بتكتب على جوجل اسم اى حاجة بينزل لك منها على كذا موقع وانت تختار دلوقتى حالا اخ من سوريا طلب اغنية بكره انت وجاى هى عندى طبعا على سى دى قلت لسه حاقوم وادور فى السيديهات ونزلتها من موقع موالى فى دقيقتين
فيه حاجات فنية خطيرة جدا بالنسبة ليا انا شخصيا عندى برنامج بيرفع التون ويخفضو يعنى كل تكة بنصف تون اعلى او اسفل .. ده بيفرق معايا كتير جدا جدا يعنى اولا كل اغانى ام كلثوم طبقة صغيرة يعنى انت لو عزفت معاهم اعنية كل ليلة وكل يوم تلاقيهم بيقولوها من سى بيمول لكن هم بيقولوها من دو عادى لأنهم خافضين الآلات تون ( فاهم )
انا مش معقول اكتب الاغنية من سى بيمول يعنى تخيل راست ع السى بيمول صعب جدا فى الكتابة ومش ممكن يقراه غير واحد % منكم .. بنزل الاغنية على هذا البرنامج واسمه ادويو سيتى وانزلها او ارفعها زى ما انا عايز واحفظ منها نسخة اكتب منها .. كمان فيه خاصية اخطر ودى بالذات اعجاز ان ساعات بيبقى جملة سريعة بشكل غبى مش عارف استوعبها كما ينبغى ( وكلمة بشكل غبى مش بقولها اعتباطا يعنى انا بالطبع متعود على الجمل السريعة عادى جدا لكن ساعات ملحنين بيعملوها سريعة اوى وملخفنة يعنى النغمات معمولة بفزلكة مقرفة اى واحد لو كتبها حايكتبها غلط ) تميز البرنامج ده انك ممكن منه تخفض سرعة الجملة زى ما انت عايز عشان تستوعبها الاهم والاخطر انك لما تلعب فى السرعة بأى درجة التون مش بيتغير يعنى على اجهزة التسجيل لو السرعة زادت او نقصت التون بيتغير ودى مصيبة فى حد ذاتها يعنى اختلاف سرعة بين جهاز تسجيل وأخر ممكن يخلى الاغنية تسمعها ناقصة مش نص تون ممكن تكون خاسة او زائدة ربع تون ودى مستحيل حد يقدر يكتبها لأن البيتش اللى انت سامعو غير بيتش البرنامج اللى بتكتب بيه ويخليك تشك فى كل نغمة تكتبها ... الخاصية دى لو كان العمالقة بتوع زمان شافوها كانوا اتجننوا وألاف الميزات الاخرى .. يعنى مثلا انكور غربى 100% بالحاجة والتى هى ام الاختراع شوف انا بكتب عليه النوتة الشرقى ازاى
وللعلم بتوع شركة انكور نفسهم لو شافوا النوت بتاعتى حايتجننوا ازاى البرنامج ممكن يطلع منه كده بس هم برضو عباقرة يعنى لما عملوا الموازين مثلا عملوا الموازين التقليدية المعروفة الغربية لكنو اعطاك خيار انك ممكن تكتب اى رقمين على بعض يعنى تعمل اى ميزان يخطر ع بالك وميزة خطيرة تانية انك ممكن تختار عايز كم مازورة فى السطر اقصد نخليها مازورة واحدة للأدليب وميزة ثالثة ان فيه ايقونه بتلغى العداد بتاع الميزان يعنى لو عايز تحط ابجيكاتورا يعنى الحلية الكروش الصغيرة ما ينفعش تحطها لأنها فوق عدد نوارات الميزان بكروش فعملوا ايقونة بتلغى الميزان وقت ماتحب وحط زى ما انت عايز بعدين الغيها وكمل شغلك وميزة خطيرة جدا كمان انك اى حاجة او علامة او مدرج بتكتبه ممكن تحركه وتحطه مطرح ما انت عايز بالمللى دى طبعا سهلت اننا نعمل الدليل الشرقى او نكتب العلامات الشرقية بفونت يعنى نحطها فى اى مكان بعدين نسحبها فى المكان المطلوب شفتم بقى انا بحب الانكور اد ايه ؟
فيه كمان حاجة خطيرة جدا جدا انكور عامل من اول مابدأ لدلوقتى اكتر من 6 اصدارات هم كلهم واحد فى التدوين تقريبا يعنى مافيش اى اختلاف الاختلاف فى حاجت زى بنك الآلات ووده كلهم صوتهم زبالة ونا مش بستعمل غير البيانو لكن الاختلاف انك لو غيرت جهازك بجهاز احدث او طابعتك بطابعة احدث ممكن الاصدار اللى عندك مايشتغلش وهنا لازم يكون عندك اصدارات اعلى منه ... او تحط ويندوز 7 او اعلى وللعلم انا بستعمل اكس بى لأن معظم برامجى قديمة وعشان ما ادخلش فى مشاكل
شفتم الكلام اد ايه ... ولسه بس انتم لو تحبوا اسألونى انا تحت امركم
مع اطيب تحياتى

[منذر44]

استاذي العزيز وانا الان اقرأ ردك اراك معي في نفس الصفحة عى اللاين
اقول لك الف صباح الخير ولكن اخشى انقطاع التيار الكهربائي الذي اصبح
عقدتنا في سوريا

[فؤاد العلمي]

أخي العزيز الأستاذ عادل
أشكرك على المعلومات، وأرى أنك تحب الأنكور حبا كبيرا، ربما في السابق كان هو البرنامج الأنسب. (فكثر خيره) لقد أدى مهمته، لكنه الآن أصبح متجاوزا. هناك حاليا برامج تكتب الشرقي وأهم أهم أهم أهم شيء أنها تقرأ الموسيقى الشرقية، زيادة أن فيها كل مميزات الأنكور. وستفيدنا جدا من خلالك، بحيث يمكنك أن تستمع إلى ما تدونه وبالتالي ستضع حدا لبعض النقاشات من أناس مستواهم جد متوسط حيث يدافعون عن الغلط، مع العلم أن كل شيء مضبوط وليس هناك حرف واحد ليست له معنى أو إسم.
أخي الأستاذ عادل، حضرتك قلت أن بإمكانك تغيير السرعة أو الدوزان لتسهيل التعامل مع الأغنية. وهذا صحيح ومجدي، بل هناك طرق حتى لقياس ذبذبات كل حرف بحيث يمكن أن أجزم بأن هذا الحرف هو سي أو سي نصف بيمول أو سي بيمول. بل أكثر من هذا، إذا عزفت مثلا درجة فا، فبإمكاني أن أقول لك أنك عزفت فا زائدة أو ناقصة كم جزء من المائة أي كم هي نسبة الخطأ (على فكرة، في حدود خطأ عشرة في المائة من النصف تون، يظل العزف مقبولا).
أرجع إلى البرنامج الذي يقرأ الموسيقى الشرقية، فالأخ منير من المغرب هو الخبير في هذا الميدان، وأطلب منه التقرب من الأستاذ عادل حتى يفيده في الموضوع. وأتمنى ألا يكون الأستاذ عادل متزوجا بالأنكور زواجا كاتوليكيا حيث يُحَرَّمُ الطلاق (هههه).
مع تحياتي- فؤاد.

[سليم العباس]

بعد التحية الموسيقية المكتوبة على برنامج سيبليوس :
أوافق على ما قاله الأستاذ فؤاد العلمي حول الفرق الهائل بين برنامج الأنكور وبقية البرامج المتطورة كالسيبليوس مثلاً ، وخاصة فيما يتعلق بقدرته على قراءة النوتة الشرقية و التوزيع الموسيقي و ميزات هائلة أخرى .
و كان الأستاذ عادل قد أشار سابقاً إلى هذا ، أما التعلق بشيء ما فتحكمه العادة و العشرة حتى مع الأشياء الجامدة ، فصوت أم كلثوم الذي يصدح عبر الراديو القديم الذي أمتلكه هو الأجمل مهما بلغت التقنيات الصوتية في أجهزة الكمبيوتر المتطورة . ً كنت من أشد المعارضين لاستخدام ويندوز 7 و بقيت مخلصاً لنظام xp لكن بعد التجريب والتعرف على بعضنا أصبح xp مجرد ذكرى جميلة ... في عالم التقنيات لا بد من مواكبة العصر .من يستخدم السيبليوس لا يمكن أن يغير باتجاه الأنكور ، أما مستخدمي الأنكور سيلاحظون نقلة نوعية عند استخام السيبيليوس أو غيره من البرامج المتقدمة .
أريد مناقشة نصيحة قدمها الأستاذ عادل للمدونين المبتدئين و المتوسطين باستخدام برنامج الأنكور .
أنا كمدون هاوٍ مبتدأ أخالف هذا الرأي و أعتقد أن برنامج مثل السيبليوس يسهل الأمور كثيراً فهو يقرأ ما أكتب بدقة عالية وبمحتلف الآلات و كافة السلالم بما فيها الشرقية .
أما الأنكور فيحتاج إلى مدون محترف ، يعتمد على قدرته العالية على العزف و إلمامه الواسع بعلم المقامات و التحليل الموسيقي ، ولا يحتاج لبرنامج يساعده في تقييم ما كتب .
أنا لا أتحدث هنا عن بساطة البرنامج من حيث الاستخدام بل عن قدرته على دعم المدونين المبتدئين ، و أشيد ببرنامج سيبليوس بنسخته السابعة .
في النهاية و بصرف النظر عن البرنامج المستخدم ، فالنتيجة هي الأهم ( وكل واحد ينام ع الجنب اللي يريحه )
أختم بتحية موسيقية مكتوبة على برنامج الأنكور .

[عادل صموئيل]

احبائى اشكركم على التواصل
انا مش بتشبث يرأى ما إلا لما اكون متاكد من اللى بقوله 100 % وبتجارب كتير يعنى زى ماقلت وكررت انا الانكور انا استطعت ترويضه بحيث يدينى كل اللى انا اريده فى الكتابة وشكل الصفحة بحيث يكون مش ناقصها اى نقطة حتى وبالطبع بالنسبة لمشكلة التاكد من صحة النغمات الشرقية وانا بكتبها بتعتمد بالطبع على خبرتى يعنى بقرا المكتوب بعينى بستخدم طريقة بيتهوفن فى نصف عمره الاخير عندما وصل عنده الصمم 100% كان يقرأ مايكتبه بعينه هى طبعا بتحتاج خبرة واحترافية عالية والحمد لله يعنى الكتابة بتاعتى بتخلو من الاخطاء الموسيقية يعنى اخطائى محدودة بإنى ممكن انسى كلمة عربية او علامة بريما وسكوندا او شىء من هذا القبيل
لكن على الناحية الاخرى لا اعترض على اى جديد عندنا قسم برامج مفيدة ممكن اى حد منكم ينزل فيه نسخة سبيليوس اللى شايف انها حلوة بس يعمل لها شرح تفصيلى وانا حشوفها اتعلم منو واتفهم اماكنيات البرنامج وللعلم ممكن يعجبنى
هى كمان مشكلة التعود يعنى انت فى حجرتك بتشيل اشياءك فى مكان معين او اماكن معينة بتعرف ترجع لها امتى لكن لو حد تانى ممكن ما يعرفش يوصل لها انا وانا بكتب على انكور بكون عايز مثلا سينيو انظر ناحية اليمين عايز اضيف صوت تانى فوق النغمة انظر الى اعلى اليسار وهكذا انا بستعمل ويندوز xp
اما عن موضوع ويندوز 7 انا مش بستعملو مع ان اولادى على اجهزتهم المشكلة اولا البرامج اللى انا بستعملها اصدارات قديمة مش حاتشتغل على ويندوز 7 وثانيا انا ابنى عندو اسطوانة انتى فايرس نورتون اصلية وبيستعمل وبندوز 7 واى حد من الاحفاد يدخل ع النت تلاقى النسخة تاخد فيروس مع وجود النورتون وكل اسبوع يعديد تنزيل النسخة علما بأن ويندوز xp ممكن تقعد معاك سنة .. عندك مثلا الوورد اوفيس 2003 انا بستعمله فيه كل احتياجاتى وانا اقصى احتياج بستعمل 10% من امكانياته شفت االنسخ الاحدث معقدة جدا وفيها امكانيات اكتر لكن انا مش بستخدمها

مع اطيب تحياتى

[عادل صموئيل]

اخى العزيز وسام اكرم

انا عملت زى ما انت قلت يعنى طبعت حاجة من انكور على الطابعة مباشرة وعملت فيها كذا كودا وكذا دائرة
الورقة المطبوعة بتطلع الكودا والدوائر بيضاوية شوية من فوق لتحت ده معناه انى الصفحة مفتوحة شوية عايزة تتقفل من فوق لتحت فقط

وعملت التجربة على الوورد اوفيس عملت دوائر بعدين نزلت عليها اللى انا عاملو فى الانكور وطعتها طلعت نفس الحكاية المهم انى صورت النتائج على السكانر ونزلتهم على الكومبيوتر بس المفاجأة ان الدوائر طلعت عندى ع الشاشة طبيعية
ومرفق الصور يعنى انا مش عارف اعمل ايه لأن بتظهر اكتر فى طبع الصور يعنى الوجه المستدير بيطلع بيضاوى شوية وده عيب خطير جدا

المشكلة انى لو سألت حد بيقول لى غير اعدادات الطابعة الاعدادات كلها بتغير الحجم ككل يعنى نفس علاقة الصول بالعرض انا عايز حاجة تنقص الارتفاع فقط اعمل ايه
مع اطيب تحياتى والموضوع طبعا لكل الاعضاء