مشاركات خارج موضوع طلبات النوتة

[منذر44]

استاذ نور الصباح نورت المنتدى بجهودك الرائعة
بارك الله فيك
اشكرك من كل قلبي ومن باب الفضول احب ان اعرف ما هي الالة الموسيقية التي تعزف عليها

[نور الصباح]

استاذ نور الصباح نورت المنتدى بجهودك الرائعة
بارك الله فيك
اشكرك من كل قلبي ومن باب الفضول احب ان اعرف ما هي الالة الموسيقية التي تعزف عليها

SSSSSSSSSSSSSSSSSSSSSSSSSSSSSSSSSSSSSSS

صديقى الحبيب وأخى الفاضل الأســـــــــتاذ
منــــــــــــــــــــــــــــــــــــــــــــــــ ـذر 44
منذر44
لقد شرفت بمساهمتك وسررت بها ســـــــــــرورا عظيما
أما عن الألــــــــة التى أعزفها ( على قـــد حالى ) هى ألة { العـــــــــــــــــــــود }
هــــــــــــاويا ولســـــــــــــــت محــــــــــــــــــترفا
وشكررررررررررررررررررررا
أخوكم
نور الصباح

[سليم العباس]

ما هو رأي الأساتذة و الأعضاء في المقولة التالية و التي يرددها الكثير
من الفنانين والملحنين :

بأن أداء الأغاني ذات الإيقاع السريع أصعب بكثير من أداء الأغاني الطربية ، بدليل أن معظم من أجاد غناء الطرب (من فناني اليوم ) فشل في أغاني العصر الإيقاعية ، بالإضافة أن الأغاني الطربية البطيئة تمنح الوقت الكافي للمطرب لأداء اللحن بشكل سليم دون أن يحتاج إلى مرونة صوتية عالية على العكس من أداء الأغاني السريعة .

[الألآتى]

هههههه .. عزيزى .. المسألة ليست كذلك .. إحنا مش طالعين نجرى .. مش داخلين سباق ماراثون

كل زمن وله مايلائمه .. من أعمال ومؤديين

هل تتصور مثلاً أن أم كلثوم تغنى ( أه ونص ) أو ( جرب نار الغيرة ) !!

هل تعرف لماذا لا تستطيع ؟ .. لأن طبيعة صوتها وطريقة أداءها لا تتناسب مع الأغانى السريعة

وينطبق الأمر على معظم مطربي ( زمن الطرب )

والعكس صحيح .. فمطربى هذا الزمان ( الحالى ) لا يستطيعون أداء الموال الحر ( مهما حاولوا )

ومقولة حضرتك ( بالإضافة أن الأغاني الطربية البطيئة تمنح الوقت الكافي للمطرب لأداء اللحن بشكل سليم دون أن يحتاج إلى مرونة صوتية عالية على العكس من أداء الأغاني السريعة . )

أعتقد أن العكس هو الصحيح .. فالمرونة الصوتية العالية .. يحتاجها مطربى زمن الفن الردئ أكثر من غيرهم

وأعود فأكرر ( كل زمن وله مايلائمه .. من أعمال ومؤديين )

[سليم العباس]

الأستاذ الكبير محمد الآلاتي بعد التحية :
أعتقد أن المسألة كذلك ، وإحنا عمّال بنجري والحياة مارثون ( ده مش عصر السرعة ولا إيه ! ) و بما أن خيالي خصب فقد استطعت تصور أم كلثوم تغني آه ونص و محمد حماقي يشدو أضنيتني بالهجر ...
بعيداً عن " الهزار " أقول :
الرأي هذا سمعته من أكثر من فنان و ملحن ، و أقنعني بشكل جزئي ، مع إدراكي التام لصعوبة الأغاني الطربية ، لكنني أتحدث عن جزئية معينة ، سأوضح كلامي ببعض الأمثلة :
- وردة (رحمها الله ) و ميادة لم تنجحان في معظم الأغاني ذات الإيقاع السريع .
- معظم برامج الهواة أتحفتنا بأصوات تجيد الأغاني الطربية ، لكنها فشلت عند تسجيل أغان بإيقاع سريع .
- أستطيع أن أمضي ساعات في سماع أمال ماهر في أغاني الطرب ، لكنها لم توفق بأغاني الإيقاع السريع ، وغيرها الكثير .

أمثلة معاكسة :
- فضل شاكر - جورج وسوف - شيرين كأمثلة أجادوا أغاني الريتم السريع و لم يصعب عليهم أداء الطرب .
مثال عملي للتطبيق :
إذا ما حاولت أداء أغنيتي :

صبري قليل (شيرين ) و أغنية عيون القلب ( نجاة الصغيرة )
ستشعر براحة أكبر في أداء عيون القلب فأنت لست محكوم بأيقاع سريع ولديك الوقت الكافي لنطق مخارج الحروف بطريقة سليمة .
أما غناء "صبري قليل " فهو متعب إلى حد ما ويشعرك بالتعب و الحاجة للأكسجين و كأنك مصاب بالربو ...
أنا لا أتحدث عن القدرات الفنية أو الألحان أو جمال الأصوات أو اختلاف نمط الأغاني حسب العصور ، فالفرق واضح وجلي ...وأنا شخصياً لست على عجلة من أمري و أحب سماع الطرب الأصيل كيفما تغير إيقاع الزمن.
تحياتي و تقديري .

[الألآتى]

=sfakhri;648798][SIZE=4][COLOR=Navy][FONT=&quot]
ستشعر براحة أكبر في أداء عيون القلب فأنت لست محكوم بأيقاع سريع ولديك الوقت الكافي لنطق مخارج الحروف بطريقة سليمة .
أما غناء "صبري قليل " فهو متعب إلى حد ما ويشعرك بالتعب و الحاجة للأكسجين و كأنك مصاب بالربو ...

إذن المسألة ليس لها علاقة بالطرب أو الغناء .. هى مسألة سرعة ومحاولات للحاق بالوحدة الزمنية السريعة

أما مسألة النفس والأوكسيجين .. فنحن نعلم تماماً أن مطربى زمان .. كانت حنجرتهم قوية وأنفاسهم أقوى وأطول

وأنا من رأيى .. أن المشكلة لا تكمن فى عدم إستطاعة مطربى زمان أداء أغانى اليوم السريعة

لكن المشكلة فى عدم ملائمة هذا النوع من الأغانى لهم

عبد الحليم نفسه لم ينجح عندما أعاد أغانيه القصيرة برتم سريع وفرقة فرانكو آراب

لأنه لم يجد نفسه فى هذا اللون من التوزيع السريع

أما عن أمال ماهر .. فهى حبست نفسها فى لون أم كلثوم .. وعندما حاولت الغناء العصرى لم تنجح ..

لأن الجمهور لم يتعود منها هذا اللون الشبابى السريع .. هى فعلت بنفسها هذا

[عادل صموئيل]

احبائى اسمحوا لى ان اعقب تعليق متواضع
العملية مش سريع وبطىء
يعنى انا مثلا احب ان اقود سيارتى ببطء يتناسب مع ظروف الشارع داخل القاهرة لكن لما اسافر على الطريق الصحرواى بقود بسرعة فى حدود السرعات المسموح بها
لو نات راجعت اغانى الزمن الجميل الطربية حتلاقى اغانى كتير فيها سرعة زى مثلا اغنية ليه تشغل بالك لعبد الحليم
واغانى كتير اخرى لكن كلمة طرب يعنى انك تسمع غناء فى هدوء ومش مسرع بحيث انك تتذوق كل كلمة وكل جملة موسيقية ... ولو انت عايز تعمل اختبار وهات عر جمل موسيقية من اغانى الطرب وعشر جمل موسيقية ممكن توصف بالسرعة الايام دى واعزفهم حتلاقى انك بعود فقط ممكن تعزف الجمل الطربية وحتلاقى الحان اكثر من رائعة لأن الجملة الموسيقية بتبان قيمتها لما تتعزف بآلة واحدة اذا كنت وحشة ولا حلوة ولا متوسطة كمان كان النظام ده بيبان بسرعة اذا كانت الجملة متكررة او مسروقة ومن هنا تللاقى كل جمل زمان جديدة .. على الناحية التانية اعزف الجمل السريعة الحديثة بعود حتلاقى نفسك بتقوا فراغ لأن الجمل دى معمولة اساسا على اساس انها حاتتوزع والتوزيع بيغطى على ىفقر الجملة وممكن تكون اما متكررة او مسروقة ... ولما تعمل مقارنة بين اللى بيغنوا ... حتلاقى زمان كان اقل مطرب مش حتلاقى مثله اليوم يعنى مثلا مثلا شوف اى فيلم البيض واسود حتلاقى البطل والبطلة ركبوا مركب فى النيل والمراكبى بيغنى حتلاقى اغنية بمستوى مش حتلاقيه اليوم والمطرب نفسه ان مكانش مستواه اقل من 90 % ماحدش حا يسمح له يغنى اصلا ... فضلا ان لو كان فيه 75 مطرب ( وكانوا كلهم اولا اتسمعوا فى الراديو وده بيكشف الاصوات تلاقى كل واحد من ال 75 مطرب خامة صوته نكهة مختلفة ومش متكررة بحيث انك اول ماتسمعه تقول ان ده فلان .. بعكس دلوقتى يعنى لو فيه 75 واحد بيغنى تلاقى صعب جدا انك تميز صوت واحد من التانى لأنهم كلهم صوت واحد تقريبا ... كان زمان من اهم ككيزات اللى بيغنى اول واخطر شىء اذنه الموسيقية يعنى اسمع لو 100 اغنية استحالة تلاقى يفلت منو حرف يطلع خاسس او زايد او صوته بيتخنق فى منطقة معينة او لما يعمل موال ويعمل قفلة لازم تكون كل مرة مختلفة .. تعالى النعاردة وهات نجم نجوم الغناء واسمع كل اغانية حتلاقى فى كل اغنية عمل اما نشاز كذا مرة او صوته اتخنق عند منطقة معينة يعنى مساحتو الصوتية قليلة جدا
واحنا لو عازين نعمل مقارنة نخلى الاتنين بتاع زمان وبتاع دلوقتى يغنوا اغنية واحدة .. وللعلم بيظهر الكلام ده بوضوح فى البرامج اللى زى ستار اكاديمى واراب آيدل لما بييجوا يغنوا اغانى زمان تلاقى صعب جدا انك تلاقى واحد او واحدة تغنى الاغنية بالجرفية وبدون اخطاء زى مطرب زمان ويكفيك حاجة واحدة كان زمان الجموهر هو اللى بيخلى اى واحد يبقى نجم او يلفظه لكن دلوقتى اى واحد ماشى ف الشارع وطلع فى دماغو يغنى بينتج شريط على حسابه ويبقى نجم

مع اطيب تحياتى

[فؤاد العلمي]

أخي Sfakhri سؤالك يبدو بسيطا لكنه في غاية الأهمية.
أنا متفق تماما مع الأخوين العزيزين الأستاذ الآلاتي والأستاذ عادل. فالمسألة تعد لون غنائي يتلائم مع المطرب. أما من ناحية المقدرة التقنية فالمطربين الطربيين لهم الإستطاعة لغناء أي لون سريع دون أدنى مشكل.
أما من ناحية الصعوبة، هناك ثلاث نقط:

السرعة: طبعا إذا أخذنا نفس الجملة الغنائية، فكلما ازدادت السرعة، ازدادت الصعوبة سواءا على المغني أو العازف.

الميزان: هناك موازين أصعب أداءا وعزفا من الأخرى، ف 3/4 أصعب من 2/4، وهناك موازين أصعب مثل 6/8 أو 10/8 أو 12/8 إلخ، وهي إيقاعات تتطلب حفظ دقيق (وأُسَطّر على كلمة حفظ)، وتركيز مستمر، حتى لو كان التيمبو بطيئا.
ملاحظة: من كثرة صعوبة عزف إيقاع الفالز 3/4 أو 6/8، أحيانا العازف، لتسهيل العملية، فإنه يجعل الإيقاع وكأنه 2/4، أي أنه يجعل كل نوار بوانتي وكأنها نوار. أي عوض أن يعمل برجله 3 حركات (نوار+نوار+نوار)، يعمل فقط حركتين، نوار بوانتي+نوار بوانتي. (أتكلم هنا عن العازف الماهر).

اللحن: نجد ألحانا في نفس السرعة ونفس الإيقاع، ومع ذلك تختلف الصعوبة، لأن بعض الألحان تتحتوي على البلانش والروند والدوبل كروش في نفس الجملة مما يزيد من صعوبة أدائها، بالنسبة للحن الذي كله نوار مثلا.
أخي Sfakhri عندما قلت إن في البطء الوقت الكافي للمطرب، فأنا لا أتفق معك 100 في 100، لأن ذلك البطء هو سيف ذو حدين، لأن المغني قد يتوه ويخلف الموعد مع الدوم، وكمثال على ما أقول مقطع يطول بعدك في أغنية أروح لمين، فهو إيقاع 4/4 وبطيء، لكنه في قمة قمة الصعوبة (أنا استمعت إلى البعض من المحترفين يكسرون الوحدة لأنهم يغنونها على 2/4).
هناك صعوبة أخرى تتعلق بتغيير المقام، خصوصا الخروج من السيكا المصورة. مَن من مطربي هذا العصر يستطيع أن يغني أغنية عبد الوهاب سهرت منه الليالي في مقطع كل الأحبة رفقا بحالهم... أو أغنية شمس الأصيل في مقطع أنا وحبيبي يا ليل غايبين عن الوجدان؟ أقول وبكل تأكيد لا أحد (إلا من يملك تكنيك عالي جدا، مما يعد على رؤوس الأصابع في كل البلدان العربية).
مع تحياتي الخالصة- فؤاد

[عادل صموئيل]

الاخ العزيز فؤاد العلمى
احترم وجهة نظرك التى تدل على خبرة علمية

احنا كخبراء بنقيس اللحن بما فيه من تحوبلات مقامية جميلة وتعدد فى المقامات وتعدد فى الايقاعات بس الاتنين بيبقوا مش استعراض عضلات فنية فقط ولكن عمل فن بمعنى انك لو جبت فى اى لحن لعبد العوهاب او السنباطى ( وبالطبع جميع العمالقة ) لو جبت اى تحويلة مقامية او تجويلة ايقاعية تلاقيها مش معوملة اعتباطا يعنى يقول هنا بنعمل بعد 4/4 نعمل 10 /8 ولكن بتبقى عمل من الروائع واى دارس موسيقى او محلل موسيقى بيقف عندها طويلا ... ولا تنسى برناج غواص فى بحر النغم بتاع عمار الشريعى كان بيمسك اى لحن من بتوع العمالقة ويحلله مازورة مازورة ويقف عدن كل نقلة طويلا وعمار الشريعى كان عبقرى وماحدش بيفرض عليه يختار اللحن او يقول كذا ب\ليل ان معظم خبراء الموسيقى كانو بينتظروا بشغف برنامج غواص فى بحر النغم ويستكشفوا بدقة حاجات ممكن تكون مرت عليهم مرور الكرام ... عمار الشريعى انتقل الى رحمة اللع من سنتين يعنى اكيد كان بيسمع كل الاغانى اللى طلعت بعد سنة 1990 اى بعد انتهاء عصر العمالقة وتلاقيه توقف عن اعداد حلقات جديدة من برنامج غواص فى بحر النغم واستمرت الاذاعة فى تقديم اعادة لحلقاته القديمة وذلك اكبر دليل ان بعد وفاة العمالقة ماحدش عمل الحان بالقيمة اللى ممكن ان واحد زى عمار الشرعى ممكن يقعد يحلل فيها ... ولو انت دققت فى معظم الاغانى اللى بتتعمل دلوقتى تلاقيها كلها تقريبا صبا على درجة عالية جدا بتقتل الطرب بتاع الصبا اللى فى مكانه الطبيعى اللى على الدوكاه ... وانا ما اعتقدش انى سمعت اغنية من الحديث فيها ايقاع لا 10/ 6 ولا 6 / 8 يعنى كلها تقريبا ايقاع واحد
ما لاحظتش طفرات ممن بتاعة زمان يعنى بليغ مثلا عمل اغنية الحب كله والاغنية دى عبارة عن كمية من الايقاعات غير مسبوقة فى اغنية واحدة بالقدر الكبير ده .... الخلاصة فيه حاجة اسمها اغنية طربية تسمعها فى مسرح واغنية تسمعها فى كباريه او فى ديسكو .. الاغنية المسرحية مثل اغانى ام كلثوم او عبد الوهاب او النوعية دى يعنى الجمهور بيقعد محترم وصامت لكى يسمع ويطرب فقط وهذا النوع انقرض اما الاغنية بتاعة الديسكو وهى التى يسمعها الجمهور وهو يرقص وهاتان النوعيتان ما ينفعش انك تخلص بينهما يعنى مثلا ايام ام كلثوم كان لما الجمهور ينفعل اوى ويصقف ويتسحن وممكن يقف وهو بيصقف كان ام كلثوم ما تعرفش تغنى وهمكده كانت بتخلى الموسيقى تعيد لحد ما يقعدوا ويسكتوا ويبقوا مؤهلين للسماع بعكس دلوقتى تلاقى المغنى هو بنفسه يفض يتنطط ويصقف ويستثير الجمهور لكى يخرج عن وعيه وما يبتديش يغنى غير لما الناس كلها تقف وترقص والفرق طبعا واضح
الغناء زى الطعام يعنى امتى تاكل وجبة خفيفة وامتى تاكل وجبة دسمة كان زمان لو فيه 25 مطرب معروف لو انا عملت مسابقة وسمعتك 25 جملة انت تقول على طول ده صوت مين لكن النهاردة فيه 999 مطرب وصعب جدا انك لو سمعت فقط تميز ده صوت مين لأنهم كلهو صوتهم واحد وماحدش منهم حتى لو نوعية او ستايل محدد فى الغناء واخطر شىء اليوم هو المؤثرات الصوتية عاملة زى ماكياج واحد بتحطو كل الستات بحيث يبقوا كلهم شكل واحد انا بلطبع سمعت كل العماقة على الطبيعة تلاقى صوتهم فى التسجيل هو هو اما اليوم تلاقى اللى بيغنى صوتو على الطبيعة شىء وصوتو فى التسجيل شىء تانى مختلف 100% لذلك كلهم لو حد استضافهم فى برنامج تليفزيونى مش بيرضوا يغنى يقولوا ( عندى انفلوانزا ) ولو غنى بيكون بلاى باك
مع اطيب تحياتى

[salhi_haithem]

معاك على طول أستاذ في ما قلت
يعني أي واحد يخذ صوت الست نجاة يلاحظ أنه صوتها مايتغيرش أبدا تسمع الست نجاة في الراديو أو في التلفاز أو من سيدي أو مباشرة من على المسرح أو من شريط كاسيت صوتها هو هو مايتغيرش لو بميلمتر شئ رهيب يعني
أما أشباه الفنانين المعاصرين تسمعه في التسجيلات نوع و على المسرح نوع تاني كأنه فنان آخر
هيثم