مشاركات خارج موضوع طلبات النوتة

[الألآتى]

أتقدم بإسمى ونيابة عن جميع رواد قسم النوتة .. بأسمى آيات الحب والعرفان

وتهنئة حارة لأستاذنا عادل صموئيل بعيد الميلاد المجيد

وأهنئى جميع إخواننا المسيحيين وأتمنى لهم عيداً سعيداً

[نور الصباح]

[QUOTE=الألآتى;646884]

أتقدم بإسمى ونيابة عن جميع رواد قسم النوتة .. بأسمى آيات الحب والعرفان

وتهنئة حارة لأستاذنا عادل صموئيل بعيد الميلاد المجيد

وأهنئى جميع إخواننا المسيحيين وأتمنى لهم عيداً سعيداً

SSSSSSSSSSSSSSSSSSSSSSSSSSSSSSSSSSSSSSSSSSSSSSSSSS SSSSSSS

وأنـــــــــــــــــا كمـــــــــــــــــــــان
كل عـــــــــــــــــــــام وأنــــــــــــــــــتم بخـــــــــــــــــير
وجمــــــــــــــــــــــــع الأخــــــــــــــــــــــوة والأخــــــــــــــــــــــوات
المســـــــــــــــــــــــــــيحيين بكل خــــــــــــــــــــــــــــــير ومحـــــــــــــــــــبة
وشكرررررررررررررررررررررررررررررررررررررررا
أخوكم
نور الصباح

[armendo]

اخى العزيز عادل صمؤيل...اولا كل سنه وانت طيب ودائما منور صفحتك الجميله (صفحة طلبات النوته)التى هى بمثابة بيت لنا.

وبناء على رغبة اخونا المايسترو الألآتى ان تكون المشاركات التى ليس لها علاقه بالنوته فى مكان آخر فقد اخترت هذه الصفحه(صفحة المشاركات خارج موضوع النوته ) ان تكون ملتقانا فى الحوارات والمناقشات العامه التى ليس لها علاقه بالنوته وايضا التهانى وما الى ذلك...وهى مثبته وغير مستغله وهى فى نفس الصفحه التى بها موضوع طلبات النوته وسهل الوصول اليها,ارجو ان اعرف رأيك ورأى اصدقائى فى هذا الأقتراح.

مع ارق تحياتى

احمد (ارمندو)

اخى العزيز
طبعا موافق بكل سرور المهم اننا نلتقى مش مهم المكان
مع اطيب تحياتى عادل صموئيل

[منذر44]

هذا رأي سديد ومفيد
استاذ العطاء عادل صموئيل وانا أعزف نوتة حبيبيتي من تكون من تدوينك الرائع
أقول لك عيد ميلاد مجيد ونهارك سعيد
ولكن الرفاق حائرون يفكرون بضياع المرفقات والنوتة القادمة من تكون
نتمنى ان تكون هدية العيد رائعة من روائع الزمن الجميل وعلى موقع احساس يا صاحب الاحساس
منذر علي
اخى العزيز اشكرك على كلام الجميل وذوقك الرائع وكل عام وانت بخير
هو الموضوع المرفقات ما ضاعتش لأن المرفقات دى هى المندتى
ولكن فيه مشكلة فير السيؤفر وبيشتغلوا على حلها ان شاء ويوعد كل شىء كما كان
بالطبع انا فى خلال الوقت اللى المرفقات معطلة مش قاعد سكات يعنىانا لازم اشتغل كل يوم يعنى اقل حاجة لازم اكتب سطرين
وانا مخلص حاجتين من العيار التقيل اوى اوى اوى حنزل واحدة منهم ان شاء الله ليلة رأس السنة على موقع احساس
مع اطيب تحياتى عادل صموئيل

[يحيى زكي]

خدوني معاكم وماتقولوش لأ بعدين علشان اهني اخوانا بالاعياد وعيد الميلاد وكل سنة وهم وانتم بكل خيروهنا وسرور



ويارب احفظ مصر

[عادل صموئيل]

اخوتى الاحباء
اشكركم من كل قلبى وسنة سعيدة للجميع

المهم مش احنا الاقباط المهم مصر ونموت كلنا وتعيش مصر
قداسة البابا شنودة من اقواله الشهيرة : ان مصر مش وطن نعيش فيه ولكن وطن يعيش فينا

تعيشى يا مصر وربنا لازم ينصرك زى ماكنتى مقبرة الغزاة على مصر العصور من 7000 سنة

ولو على ارضك مات شهيد فيه الف غيره بيتولد

مع اطيب تحياتى

[فؤاد العلمي]

أخي العزيز أحمد
أنا طبعا أشاطرك الرأي، ولنجعل هذا المكان ملتقانا في المناقشات الفنية.
أخي الأستاذ الآلاتي
بعد الإعتذار، طبعا حضرتك تعلم أن صفحة طلبات النوتة أصبحت بيتا لعائلة الأستاذ الغالي عادل صموئيل، ملؤها الحب والإخاء والإحترام والإستفادة. ومن الصعب جدا أن يُحَدَّدَ لك ما هي المواضيع أن تتطرق لها في بيتك. والشكر للعزيز أحمد أرمندو الذي وجد الحل.
أخي الأستاذ عادل
كل سنة وجميع المسيحيين بخير، مع متمنياتي لكم بالصحة والعافية، وكذلك لجميع سكان العالم.
كل ما أتمناه في هذا الموضوع، أن يصبح الدين مسألة خاصة وفردية بين الإنسان وخالقه، وأن تُترَك السياسة لأصحابها بعيدة عن استعمال الدين.
مع أطيب التحيات- فؤاد

[waleed alrashed]

أستاذ عادل نحن أخوانُك من دولة الكويت نهنّكم بعيد الميلاد المجيد ونتمنى لكم الصحة والعافيه.......

[منذر44]

استاذ عادل وبما ان هذه الصفحة مخصصة للنقاش
لدي سؤال ...بماذا تتميز الحان الموسيقاربليغ حمدي لوردة عن ألحانه لكل من أم كلثوم وعبد الحليم حافظ
ولمن أعطى أحسن ما عنده
منذر علي
اخى العزيز
الموضوع مش تميز ... الموضوع ظروف
بمعنى ان الملحن لما بيلحن لم كلثوم بتبقى غنية بتاعة سنة او اكثر يعنى بيحضرها فى وقت طويل جدا وفى اثناء الخمسة وخمسين بروفة لن مع ام كلثوم مفيش نوت موسيقية ولكن الملحن بيحفظ الفرقة بنفسو على العود .. طول استدخام اللحن فى البروفات الكتير دى الملحن بيبقى لو ؤوبة يعنى بغير حاجات كتير بشيل لزمات ويضيف لزمات او بيغير جمل غنائية او فى اخرج اللحن بيمعل اضافات كتير يعنى يعمل اقاع فى مكان او لازم فى كل لحن يعمل نكهة مختلفة عن سوابقه .. بيشوف ان الصولو احسن لما تعزفة آلة تانية غير اللى كان مفكر فيها فى الاول ... وكلمات الاغنية لهدا دور كبير فى الموضوع
فى نفس هذا الوقت كانت الحانه لعبد الحليم قصيرة شوية يعنى بتاخد شغل اقل ومع الفرقة الماسية اهم حاجة النوت .. فكان اللحن بعد ما يتكتب نوتة المفروض بقدر الامكان يبقى كامل من كل شىء وفى البروفات بيضااف لمسات اخيرة .. وتلحين بليغ لعبد الحليم اثناء حياة ام كلثوم يختلف عنه بعد وفاة ام كلثوم ..
لن بوفاة ام كلثوم عبد الحليم اصبح نجم الموسم الفنى الاول فكانت الاغنية اللى بيلحنها بليغ لعبد الحليم هى اغنية اسنة .. وابتدت البروفات مع عبد الحليم بعد ماكانت الاول 7 بروفات توصل لخمسين بروفة .. وكان بيحصل زى ماكان بيحصل مع ام كلثوم من تبديل وتغيير وتعديل وحذف واضافة واخراج وابداع يعنى يعمل صولو للأورج تصاحبة آلات تانية بتجميع غير مسبوق .. يعنى انت لو ملحن محاتعما 7 بروفات تفكيرك بيبقى غير لما تعمل خمسين بروفة لأنك حاتعيش اللحن اكتر ... اما بالنسبة لوردة الموضوع مختلف قليلا .. يعنى بليغ كان متزوج وردة وفى فترة زواجهم كان بيعمل لها يمكن لحن كل شهر وكثرة الالحان المتتالية من ملحن واحد لمطرب واحد ممكن تنتج اغانى رائعة ولكن عادة بتنتج اغانى مش كلها فى مستوى واحد يعنى فى اغانى كانت بتبقى عالية المستوى اوى اوى واغانى متوسطة ... واختلاف بليغ عن عبد الوهااب او السنباطى ان بليغ كان بيشتغل كتير اوى يعنى ممكن يجى لو فى الاسبوع اغنيتين ولازم يخلصوا فى وقت بسرعة لن اللى بيجيب لو الاغنية عادى مش بينتظر كتير .. ومن هنا بتحصل مشكلة
الملحن المفروض انو عشان يلحن اغنية بيعمل ايه ؟
بيمعل كذا نسخة من الكلمات ويقعد يقرا فيها كتير كتير يعنى فى كل بنطلون بيحط نسخة بحيث ان اى وقت جوا البيت او خارج البيت فى جيبه نسخة من الكلمات وفجأة بيحصل الوحى او الالهام يعنى بيقعد يدندن يلاقى نفسو غنى السطر الاول من الاغنية ويغنيه 500 مرة وممكن يلاقيه مش حلو يتركه وممكن يلاقيه حلو يحفظه او يسجله مرة تانية بيدندن اللى قاله ده وممكن يخرج منه على الجملة اللى بعدها وهكذا لحد ما يخلص المذهب نفس الموضوع لباقى الاغنية بعدين يبتدى يفكر لها فى جمل موسيقية للمقدمة وللكوبليهات ... ده التلحين كما ينبغى ان يكون وده اللى كان بيمعله مع ام كلثوم وبالطبع بالطريقة دى اللحن مالوش وقت محدد يخلص يعنى يوم شهر سنة .. طبخة بتستوى براحتها على نار هادية وكانت ام كلثوم مش بتستعجله لحد ما هو يقول لها اللحن جاهز ياست تقول له تعالى سمعنى .. فى نفس الوقت بتكون هى حاتقدم السنة دى لحن تانى يعنى اللى حاتسمعه ده لحن السنة القادمة او اللى بعدها يعنى ليه كل شغل ام كلثوم اعلى مستوى ؟ لأن كانت كل اغنية بتاخد اقصى وقت ممكن فى الاعداد وكان عندها خطط زى الخطط الخمسية يعنى عندها لى الاقل اغنيتين جاهزين للزمن .. لكن الطريقة دى كانت طريقة عبد الوهاب والسنباطى يعنى مش بياخد اغنيتن مع بعض .. بياخد واحدة فقط وتاخد وقتها .. اما طريقة بليغ اللى ممكن يكون عنده خمس اغانى عايزة تتلحن ومنها بالطبع اغانى لمطربين الدرجة التانية اللى بعد ام كلثوم وحليم ووردة زى محرم فؤاد مثلا وانت نازل .. هنا بييجى دور الصنايعى بمعنى انو بيكون ملزم يمسك العود ويحط الكلمات اماه ويشغل جهاز التسجيل ويبتدى يحاول يغنى فى المذهب يعنى يجرب حاجة ويجرب حاجة تانية وهكذا لحد ماتطلع اعلى حاجة بس فى الطريقة دى
الالحان بيطلع مستواها اقل وبالذات تحس الكوبليه الاخير متلفت
او انو بيكرر موسيقى الكوبليه فى كل الكوبليهات او يعمل كل الكوبليهات نفس اللحن .. هى العملية ظروف
يعنى عبد الوهاب قال انا ما اقدرش ادخل حجرتى وامسك العود وأفن .. لأن الفن بيحتاج وحى والهام وجملة تيجى من فوق ..
لكن ملحنين كتير بيعلموا الطريقة دى احنا كنا بنلاحظها فى التسجيلات يعنى بناخد ميعاد الساعة كذا فى الاستوديو يتحط اماى نوتة عمرى ما شفتها وبنسجلها فى نص ساعة ونروح
مع اطيب تحياتى واى استفسار عادل صموئيل

[muhamadibra]

[QUOTE=نور الصباح;646886]

المشاركة الأصلية كتبت بواسطة الألآتى

أتقدم بإسمى ونيابة عن جميع رواد قسم النوتة .. بأسمى آيات الحب والعرفان

وتهنئة حارة لأستاذنا عادل صموئيل بعيد الميلاد المجيد

وأهنئى جميع إخواننا المسيحيين وأتمنى لهم عيداً سعيداً

SSSSSSSSSSSSSSSSSSSSSSSSSSSSSSSSSSSSSSSSSSSSSSSSSS SSSSSSS

وأنـــــــــــــــــا كمـــــــــــــــــــــان
كل عـــــــــــــــــــــام وأنــــــــــــــــــتم بخـــــــــــــــــير
وجمــــــــــــــــــــــــع الأخــــــــــــــــــــــوة والأخــــــــــــــــــــــوات
المســـــــــــــــــــــــــــيحيين بكل خــــــــــــــــــــــــــــــير ومحـــــــــــــــــــبة
وشكرررررررررررررررررررررررررررررررررررررررا
أخوكم
نور الصباح

وانا معكم جميعا عرفانا وحبا للاستاذ الكريم عادل وكل المعارف و الاصدقاء
د محمد ابراهيم