الجمل الموسيقية

[عادل صموئيل]

اخى العزيز
ممكن ارد كلمة لحد مايد الاخ العزيز احمد الجوادى
لنى دى من شغلى وحصلت قادمى مئات المرات
هو بيرجع الفضل فى عمل المقدمات الموسيقية من الثلاثينيات من عبد الوهاب لأن كان قبلها الاساس هو الغناء وكانت الموسيقى حاجة ثانوية وكانوا بيعزوفا قبل الغناء جملة اسمها دولاب جملة واحدة هم حافظينها بتتكرر كذا مرة لحد ما المطرب يتسلطن ويبتدى الغنا , كان الموسيقيين حافظين كذا دولاب فى كذا مقام يعنى لو الاغنية بياتى بيقولوا الدولاب البياتى وبيستعمل فى كل الاغانى البياتى
لكن عبد الوهاب كان عنده غزارة لحنية فائقة انو الاول عمل جملة من عنده ثم بقوا جماتين واكثر وهطذا وطبعا من الاستحسان اللى لقاه عند الجمهور جميع الملحنين ابتدوا يلحنوا بنفس الطريقة حتى اصبحت المقدمة الموسيقية جميلة وعمل متكامل وانت ممكن تستعملها كمقطوعة موسيية منفصلة زى مقدمات اغانى ام كلثوم
انا قلت الملحن اولا بيلحن الكلمات وده طبعا لما بييجى يعمل المقدمة الموسيقية فيه شىء مهم جدا جدا الكوبليه او المذهب حايبتدى فى مقام ايه يعنى لو بياتى مثلا .. لازم انه ينهلا المقدمة بتاعته بياتى يعنى فيه حاجة اسمها لازمة الانتظار ودى الجملة اللى بنكررها كذا مرة قبل ما المطرب يبتدى الغنا .. هى بتبقى فى النوتة مكتوبة جملة بمرج بس طبيعى ان عدد التكرار مش محدود يعنى لحد ما المطرب يتسلطن او يجهز للغنا او بتنحنح يسلك صوته او ينتظر لما الجمهور يصفق فى نهاية المقدمة تحية للملحن يعنى ينتظر لما الجمهور يهدا ويبتدى يغنى
يبقى لو البداية بتاعة الغناء بياتى لازم ان تكون لازمة الانتظار بياتى كمان من المفضل ان الجملة اللى قبلها تكون بياتى
عشان تمهد للمطرب وللجمهور المقام اللى حايغنى فيه المطرب لأن لازم المطرب والجمهور يكونا اتسلطنوا فى البياتى
بإختصار انا بشرح لك الخطوة الاخيرة فى تلحين المقدمة يعنى الاول تشوف مدخل الغنا مقام ايه وعلى فكرة مش شرط يكون مقام المذهب يعنى المذهب بيبتدى بياتى لكن ممكن يقفل كرد مثلا اوى اى مقام تانى لكن لازم نوصل لأول جملة فى الغناء
الملحنين العظام امثال عبد الوهاب والسنباطى ومن فى حجمهم مش ببيمسك العود ويؤلف مقدمة دى تطلع شىء فاشل جدا مالوش قيمة ... ولكن بيقعد يدندن مع نفسو وعلى عوده مرات ومرات لحد ما يوصل لجملة حلوة ولازم تكون جديدة جدا لما يقتنع بيها بيحفظها .. وفى يوم تانى يكرر نفس الموضوع ممكن يدندن وهى فى الحمام او فى السيارة لحد ما يوصل لجملتين كمان يبقى على الاقل 3 جمل وممكن يكونوا فى مقامات مختلفة بس اهم واخطر شىءانو لما يرتبهم زى ماقلت يكون آخر واحدة تتعزف فيهم بياتى او فى المقام بتاع مدخل المذهب
بعد ما يجهزوا ال 3 جمل على الاقل الملحن بيحدد المدخل الاول للمقدمة يعتى عايز يدخل على ايقاع او يعمل جملة افتتاحية ادليب بعدين 4 موازير ايقاع ويدخل بأول جملة .. بعدين بيعمل قناطر او لينك بين الجملة لاولى والثانية يعنى حرف يتغير يدخلك من مقام الاولى للثانية .. يعنى فيه مرحلتين الاولى الابداع او الالهام والتانية التفصيل
بعد ماتكتمل مراحل المقدمة بيختالا الجملة دى تبقى اول مرة ناى ثم فرقة يعنى توزيع شكل اللحن وهكذا
وعلى الطبيعة مع الفرقة فى البروفات ممكن يضيف او يحذف شىء او يختار صولو آخر وهكذا او بيتفق مع عازف الايقاع على ايقاع كذا فى هذا المكان
اما موسيقى الكوبليه الاول بتبقى نفس الحكاية بس على مصغر
طبعا انا اتلمت وانت ممكن تستوعب كلامى ولو حبيت تسألأ اى شىء انا تحت امرك على مايرد الاخ العزيز الجوادى وانا ايضا منتظر رده للعلم كلنا بنتعلم ونستفيد من بعض
مع اطيب تحياتى عادل صموئيل