فاض الـــــــوحش عليا زاد الــــــضر عليا
أنــــــأي براني غريـب لا من ســـــال عليـا
فاض الــوحش عليا و جـار نبكي في الليــل مع النهار
دمعتي تجري كالمطـــــار على خدي مجريـــــا عقلي بهواها راح طــــار خللاني يا خويــــــا أنــــــأي براني غريـب لا من ســــــال عليا
عقلي بهواها يـــــاك راح وبقيت عــابد غير النواح
نبكي كل مساء و صبــــاح و دموعي مجريـــــا نتفكر إمـــــــام الملاح حبها زاد أعليــــــا أنــــــأي براني غريـب لا من ســــــال عليا
طال الضر أولا فادني طبيــب من وحش خيــال الحبيب
اللي نهواها غصن الرطيــب نيراني مڤديــــــــا باقي هايم وحدي غريــــب خللاتني يا خويــــــا
أنــــــأي براني غريـب لا من ســــــال عليا
نارها فــــــي ڤلبي ڤدات من تفكار إمــــام البنات
بيت أللي نهواها راهي مشـــات لكن بلا سييـــــــا صبــر القلب على أللي جفات يا عـــــــالم الخفيا
أنــــــأي براني غريـب لا من ســــــال عليا
طلبتك يا ربي الحنيـــــن راني من داء العدرا مكيـن
بيت حبها فـــــي حشايا مكين مكوي كم من كييـــــا من حب ضوية الجبيـــــن الغزالا الهمييـــــــا أنــــــأي براني غريـب لا من ســــــال عليا
يا ولفي زايدا في جفــــاك وأنايا صابر نرتجـــاك
الغرار يضوي من بهــــاك والشفايف العكريـــــا
سبحان الله أللي نشـــــاك زينا عدراويـــــــا أنــــــأي براني غريـب لا من ســــــال عليا
الخــــــد أحمر يا سمعين فيه الـــورد مع اليسمين
الحواجب نونيــــن معرقين سلبوني يا خويــــــا
نشكر ضاويــة الجبيــــن ما دامني فالدنيــــــا
أنــــــأي براني غريـب لا من ســــــال عليا
نشكر مرخوفت الحـــــزام ما دامني حـي على الدوام
نشرب كاسي على التمــــام في رضاء الهميـــــا
ابن امسايب قـــــال الكلام على الشريفة الحسنيـــا
أنــــــأي براني غريـب لا من ســــــال عليا
__________________
"هَذَا الفَّنْ حَلَفْ : لا يَدْخُلْ لِرَاسْ جْلَفْ ! "
الناس طبايع ,, فيهم وديع و طايع,, و فيهم وضيع و ضايع .... إذا دخلت للبير طول بالك ,,,و إذا دخلت لسوق النساء رد بالك....إلّلي فاتك بالزين فوتو بالنظافة ولي فاتك بالفهامة فوتو بالظرافة ... القمح ازرعو و الريح يجيب غبارو ,,,و القلب الا كان مهموم الوجه يعطيك اخبارو.....و للي راح برضايتو ما يرجع غير برضايتي,, ,ولا تلبس حاجة موش قدك,,, و لا على حاجة فارغة تندب حظّك ,,,و ما يحكلك غير ظفرك ,,,وما يبكيلك غير شفرك
رد: سفينة الحوزي.. مجموعة قصائد أغاني من نوع الحوزي
العرض الشجري