ــــــــــــــــ ۞ ــــــــــــــــ
يا مسلمين قلبي اليوم زاد ألهبـــال الحب ســـــــــاق ليا راه مضاني ربي راد ليا اليوم شفت غــــــزال صبري فنيت منوا بلا عقل راني
رجلي مشات بيا \او سبتي عيني
رجلي مشات بيا أو لقيت زين القد في دا النهار ما نويتش نلقـــــــاه عندو عيون كحل وخان فوق الخد زينـوا عجيب يسبـــــي من يراه منو شيــان حالي أو خاطري تنكد القلب طـار عندو ما جبرت دواه
القلب طار عندو أو زادني تهوال رفرف بلا جناح يا وخي أو خلاني و بقيت يالخاوا على السبب نسال ليلى في دنيتي ما نباتشي هــــــاني
رجلي مشات بيا \او سبتي عيني
أبقيت يالخـــاوا منـــــــالفراق أنوح ليلى في دنيتي ما نباتشي ســـــــالي نبكي بدمعة عياني والخطر مقروح والنوم عدم بصري أو ليس يحلا لي بنار الهوا أنصيح مثل ألي مجروح مسكين بين لعداء ما جبر ليه والــي
جرح الغرام بيا مرض قلبي طـال لا صبت ليه طالب يكون سيســاني يديــــــــــر لمحبة لزينت الخلخال يعمل جميل عليـــــــا اليوم يسعاني
رجلي مشات بيا \او سبتي عيني
لا صبت ليه طالب يكون شيخ لبيـب يوري لي طب دايا ويفيدني بـــدواه واحد أعطاه ربي كل ما حب يصيب ألأيام مستقامتله وا والزمــان أعطاه ولي كون كيفي بين الأحباب غريب طول الزمان ينوح والفراق كـــــواه
طول الزمان نواح الدمع بلا لنجال ذليل باقي في محاني رانـــــــــــي باطل بغير سبا جفتني أم الــــدلال حتى أشتفاؤ فيا جميع عديـــــــاني
رجلي مشات بيا \او سبتي عيني
رحلوا أليوم عني غيبوا الأحبـاب تركو مراسمي بعد الوصول يا حصرئ باطل بغير سبا جفاوني لصحـاب بيني أو بين ولفي أنقطعت الــــــزورائ يا رافع السماء يا كريم يا وهـاب رد الحبيب ليا أو من الحـــــــزن نبرائ
رد الحبيب ليا ينطفي دا المشعال يهنا دليلي أو قلبي و تكف دمع عياني سألتك بجاه لمجد طها خاتم لرسال يهون على قلبي اليوم يسعـــــــــــاني
رجلي مشات بيا \او سبتي عيني
منك أمرار عيشي أو صار دفلا زينك تلف أمري وشاعت خبـــــــارو السوالف طايحين على الصدر خبلا- تحلف جناح برني مروح لوكــــــــارو عندك جبين ظاوي و الشفرا ذبلا المبسم دور خـــــــاتم يسعد من زارو يا ريم جودي أو زوري بن سهلا يهنا عيشوا اليوم أو تنطفى جمــــارو
كف الخطاب يا وخي أو رد السؤال نطلب ربنا فيك ما يخيبنـــــــــــــــــي البا و الميم أليـــــــا ونون بعد الدال يا رافع السماء يا كريم ترحمنـــــــــي
__________________
"هَذَا الفَّنْ حَلَفْ : لا يَدْخُلْ لِرَاسْ جْلَفْ ! "
الناس طبايع ,, فيهم وديع و طايع,, و فيهم وضيع و ضايع .... إذا دخلت للبير طول بالك ,,,و إذا دخلت لسوق النساء رد بالك....إلّلي فاتك بالزين فوتو بالنظافة ولي فاتك بالفهامة فوتو بالظرافة ... القمح ازرعو و الريح يجيب غبارو ,,,و القلب الا كان مهموم الوجه يعطيك اخبارو.....و للي راح برضايتو ما يرجع غير برضايتي,, ,ولا تلبس حاجة موش قدك,,, و لا على حاجة فارغة تندب حظّك ,,,و ما يحكلك غير ظفرك ,,,وما يبكيلك غير شفرك
رد: سفينة الحوزي.. مجموعة قصائد أغاني من نوع الحوزي
العرض الشجري