طلبات نوتة أ / عادل صموئيل الجزء الثانى

**muhamadibra** · #1 29/11/2013, 14h22

اقتباس:

المشاركة الأصلية كتبت بواسطة muhamadibra

من قبل ما انزل النوته او اعزفها لا استطيع وصف مدي سعادتي لتدوين المايسترو ا عادل لطلبي وهو ثاني طلب يتحقق بعد نوتة وله يا وله فجزاه الله كل خير - وما حرمنا من عطائك ابدا - شكرا شكرا شكرا
د محمد ابراهيم

اخى العزيز
هى العملية مالهاش ضوابط قول دعا والدين قول اى حاجة
الصدفة ان دى اكتر اغنية بحبها لمحمد عبده ولما لقيتها مطلوبة ما قدرش امسك نفسى وابتديت ادون فيها وللعلم اخدت منى وقت طويل جدا يعنى اكتر من 3 مرات وانا بشتغل فيها اتعب واقول اركنها شوية بس حبيت اخلصها لأن زى ماقلت الخليجى له متخصصين يعنى كنت بقف على مازورة واحدة وقت واكتبها وامسحها عدة مرات لحد ما اوصل لأحلى حاجة ( والمشكلة كمان انى لازم احاول اكتبها سهلة عشان اكبر عدد من الاعضاء يقدر يعزفها ) لأن الخليجى بطبيعته صعب على المش خليجيين لأن تراكم الايقاعات الكتير بيخليك صعب تلقط اللحن
مع اطيب تحياتى

واناايضا احب اغنية لمحمد عبده هي الرسايل و سعيد بهذه النوتة جدا واسف علي ما سببته لك يا مايسترو من تعب وارهاق ولكنها تحفة رائعة من وجهة نظري المتواضعة

**basma2265** · #2 29/11/2013, 15h55

السلام عليكم استاذنا العظيم

شكرا علي نوته الرسايل وعلي مجهودك داخل المنتدي

**عادل صموئيل** · #3 29/11/2013, 17h42

احبائى

اقدم لكم من اغانى كارم محمود

مشغول عليك مشغول

فيه اخ سورى طلبها ولما ابتديت اسمع فيها لقيتها سهلة قلت ابتدى بيها لأنى كنت محتاجة حاجة سهلة بعد المجهود بتاع اغنية الرسايل بس لقيت الكوبليه التانى صعب جدا بس طبعا اللى عايز الاغنية دى اكيد حايتعب شوية ويعزفو
وامبارح اكتشفت ان الاغنية دى من اشهر اغانى كارم محمود فى سوريا ( زى ما عنابى من اشهر اغانيه فى تونس )

مع اطيب تحياتى

**نور الصباح** · #4 29/11/2013, 19h23

احبائى
اقدم لكم من اغانى كارم محمود
مشغول عليك مشغول
فيه اخ سورى طلبها ولما ابتديت اسمع فيها لقيتها سهلة قلت ابتدى بيها لأنى كنت محتاجة حاجة سهلة بعد المجهود بتاع اغنية الرسايل بس لقيت الكوبليه التانى صعب جدا بس طبعا اللى عايز الاغنية دى اكيد حايتعب شوية ويعزفو
وامبارح اكتشفت ان الاغنية دى من اشهر اغانى كارم محمود فى سوريا ( زى ما عنابى من اشهر اغانيه فى تونس )
مع اطيب تحياتى
SSSSSSSSSSSSSSSSSSSSSSSSSSSSSSSSSSSSSSS

وشكرررررررررررررررررررررررررررررا
أخوكم
نور الصباح

**عادل صموئيل** · #5 29/11/2013, 20h57

احبائى
اقدم لكم من اغانى زكى ناصيف

احلى زهرة

وبصراحة انا ماكنتش اعرف زكى ناصيف من قبل

هى اغنية لطيفة وسهلة اوى وشكلها تنفع للأطفال

مع اطيب تحياتى

**سليم العباس** · #6 29/11/2013, 21h13

شكراً لك أستاذ عادل على تدوين أغنية مشغول عليك ، و بالفعل هي من أشهر أغاني الفنان كارم محمود في سوريا بالإضافة لأغاني عنابي - أمانة عليك يا ليل طول - عرف الشوق - على شط بحر الهوى - عيني بترف ....

أما بخصوص الفنان زكي ناصيف فهو شهير جداً في بلاد الشام ولحن ألبوماً كاملاً لفيروز لعل من أشهر أغانيه قصيدة : أهواك بلا أمل - بناديلك يا حبيبي ... و لحن أيضا عديد الأغاني لوديع الصافي و كثير من فناني لبنان بالإضافة لعدد كبير من الأغاني الخاصة به من أشهرها : اشتقنا كتير يا حبايب - يا عاشقة الورد - بنقيلك أحلى زهرة و التي دونتها حضرتك مشكوراً .

اخى العزيز هو اساس المشكلة جاى من زمان يعنى من لما يكون الواحد صغير بيسمع ايه فى الراديو زمان قبل الفضائيات احنا ماكنش متاح لنا غير اللى بتذيعه الاذاعة المصرية .. يعنى انا لحد 1970 ماكنتش اعرف قيمة فيروز لن كان فى الاذاعة المصرية مش بيذيعوا لها غير 3 اغانى محدودة بالعدد منهم حبيتك بالصيف .. وطبع 3 اغانى مايكفوش انك تحدد مكانة مطرب ... ولما اشتغلت فى الفرقة الماسية وابتديت اسافر معاهم خارج مصر مرة كنت فى دمشق .. انت عارف بتبقى الحفلات بالليل وبالنهار الواحد بينزل يستكشف المدينة ويتفرج على المحلات و90% من الخروج ده بيكون تضييع وقت يعنى .. لأن دمشق تشبه شوية القاهرة مافيهاش حاجات غير عادية علينا
مرة من دول دخلت محل بيبع شرائط كاسيت ( مش اصلية منقولة ) بالصدفة اشتريت منو شريط لفيروز اسمه ناطورة المفاتيح انا اشتريت الشريط يعنى عملية انى بشترى شىء وخلاص ولما رجعت مصر سمعت الشريط وابهرتنى فيروز اللى انا معرفهاش وسمعت الشريط مليون مرة بعد كده ابتديت انزل ابحث عن اى شرائط اخرى لفيروز وكانت مسألة صعبة انك تلاقى لأن لنفس السبب كان فيروز مالهاش شعبية كبيرة فى مصر يعنى التجار بيبعوا شرائط لمطربين معروفين عشان تتباع .. وبقيت كل ما اسافر دولة ابحث عن شرائط فيروز واكتشفت ان شرائط فيروز الاصلية مطبوعة فى اليونان واستيريو ولها شكل خاص ان معظم الكتاة اللى عليها بالفرنسية وده بيميز الشرائط الاصلية عن المنقولة المهم كل ما كنت الاقى اشترى واصرف كل فلوسى لحد ماصار عندى اكتر من 500 شريط .. الحاجة النتية اننا كنا بنتعرف على المطرب الاجنبى لما ييجى ونشوفه ونسمعه فى مصر فقط .. لذلك كان اى مطرب مشهور محليا عايز يتشهر على المستوى العربى ثم العالمى لازم ييجى مصر ويعمل كذا حفلة حتى لو اضطر يدفع تكاليف الحفلات من جيبه الخاص ... لأن دى بتشهره لأن العالم العربى كله بينظر الى مصر واللى يتشهر فى مصر هم بيقبلوه وهم مغمضين .. من الامثلة مثلا فهد بلان لما جه مصر عمل فرقعة عندنا .. المصريين افتكروا انو اشهر مطرب فى سوريا ( يعنى عبد الحليم بتاعهم ) لكن مع التعرف على مطربين آخرين اكتشفنا ان عندكم مطربين اكبر منه فنيا 100 مرة زى صباح فخرى مثلا ...
مع اطيب تحياتى عادل صموئيل

**Dr.Fouad** · #7 30/11/2013, 03h01

استاذنا المبدع عادل صموئيل
الف شكر على المجهود الاكثر من رائع و على تدويناتك العظيمة
كان ليا طلب صغير لو سمحت ده طبعا لو وقت حضرتك يسمح
ياريت تكتبلنا سولو الكلارينيت بتاع اغنية موالى اللى فى فيلم شارع الحب هو عزف الاستاذ على ابو السعود والد الموسيقار الراحل حسن ابو السعود
اكون شاكر جدا لحضرتك و الف مليون شكر على المجهود العظيم اللى حضرتك بزلته فى المنتدى الجميل

الاخ العزيز العزف الموجود فى هذا التسجيل اسمه تقاسيم ما ينفعش يتكتب .. لأنو بيتكون من كذا حاجة يعنى اولا براعة العازف العالية على الآلة وثانيا بيكون بيعزف سماعى 100% وثالثا التقاسيم دى بتكون ارتجال يعنى هو بيبتدى من مقام ما وبخبرته فى المقامات بيروح منه لمقام آخر وثالث وهكذا وللعلم : فى الاستوديو نفس العازف لما بيسجل التقاسيم دى والمهندس يطلب منو يعيدها تانى بيقول حاجة تانى
او لو عمل التقسيمة لنفس الاغنية فى عشر حفلات كل مرة بتكون تقسيمة مختلفة لأنها مش بتتحفظ .. وحتى لو اتكتبت هاتبقى اولا صعبة جدا ماحدش حايعرف يقراها ولو قراها مش حايبقى لها اى طعم لنها بتعتمد زى ما قلت ان العازف فى خياله جملة وبيعزفها .. الموضوع ده زى المقرىء الجيد اللى بيقرأ القرآن بتوع زمان كان نفس الموضوع بيقرأ السورة وبيتدى من مقام وبعد جملتين يروح مقام تانى ويفضل يتنقل بين المقامات ولو خرج من المكان وراح بعده مكان تانى وقال نفس السورة حايقولها بشكل مختلف لنو مايقدرش يسجل اللى بيقوله ويحفظه ويقوله هو هو تانى حايحس انه ممل كما انو بيحس انو حريته مقيدة يعنى مثلا لو ابتدا بياتى وراح كرد ممكن مرة تانية يروح حجاز وهكذا .. وانت عشان تعمل تقاسيم بنفسك اولا لازم تكون متمكن جدا من آلتك وثانيا تكون متمكن جدا من العزف السماعى وثالثا تكون متمكن جدا من الانتقال الجميل بين المقامات .. ورابعا يكون عندك موهبة خلق جمل موسيقية
ولما يكونوا دول موجودين كلهم واكرر كلهم .. تبتدى تسمع تقاسيم على نفس الآلة بتاعتك يعنى مثلا انت لو بتعزف عود ماتسمعش تقاسيم قانون او اوبوا مثلا لأن تكنيك الآلة بيختلف يعنى الحاجة الحلوة من القانون مانفعش اعزفها على العود
لما تسمع تقسيمة على العود وتاخد بالك هو ابتدا من مقام ايه وراح فين وفين وهكذا
تتكون عندك خبرة وتبتدى انت مع نفسك ومع كتر التكرار حاتلاقى نفسك بتعمل تقاسيم حلوة
مع اطيب تحياتى عادل صموئيل
‫ط¹ط¨ط¯ ط§ظ„ط*ظ„ظٹظ… ط*ط§ظپط¸ - ظ…ظˆط§ظ„ ط¨ط§ظ„ظ‰ ظ…ط´ط؛ظˆظ„‬â€ژ - YouTube

**altaifi** · #8 02/12/2013, 18h27

استاذ عادل .. الف شكر لك على تلبية طلبنا لنوتة الرسايل .. والتي تعتبر ماركة مسجلة باسم المنتدى وبأسمك شخصياً لعدم تدوينها من قبل في كافة المنتديات ، فلك منا الشكر والتقدير .. ولي سؤال حول الادليب الرائع في هذه الاغنية فهو من مقام الكرد .. ولكن ماهو الايقاع المستخدم في هذا الأدليب وشكراً .

**altaifi** · #9 02/12/2013, 19h09

اقتباس:

المشاركة الأصلية كتبت بواسطة altaifi

استاذ عادل .. الف شكر لك على تلبية طلبنا لنوتة الرسايل .. والتي تعتبر ماركة مسجلة باسم المنتدى وبأسمك شخصياً لعدم تدوينها من قبل في كافة المنتديات ، فلك منا الشكر والتقدير .. ولي سؤال حول الادليب الرائع في هذه الاغنية فهو من مقام الكرد .. ولكن ماهو الايقاع المستخدم في هذا الأدليب وشكراً .

أقصد المقدمة الموسيقية .. وليس الأدليب .. والنوتة مكتوبة من أروع ما يكون يا استاذ ..

**muhamadibra** · #10 02/12/2013, 22h59

اقتباس:

المشاركة الأصلية كتبت بواسطة altaifi

أقصد المقدمة الموسيقية .. وليس الأدليب .. والنوتة مكتوبة من أروع ما يكون يا استاذ ..

انا فعلا لم اجد نوتة الرسايل ولا نوتة ايوه لمحمد عبده في اي مكان وكان لي الشرف ان مزاج المايسترو عادل بك صموئيل اتي علي تدوين الرسايل واستمتعت بها جدا و مبسوط لان هناك من الاخوه من لاحظ اهمية تدوين هذا التراث
د محمد ابراهيم