طلبات نوتة أ / عادل صموئيل الجزء الثانى

[عادل صموئيل]

احبائى
اقدم لكم من اروع اغناى محمد عبده

فى امان الله ( الرسايل )

انا مش متخصص فى اللون السعودى لنه بيحتاج خبراء
كان الخبير بالموسيقى السعودية فى الفرقة الماسية الاستاذ ميشيل المصرى وبيرجع جزء كبير جدا جدا من تطور الموسيقى السعودية لهذا الموسيقار العبقرى ( وهو مؤلف تتر مسلسل ليالى الحلمية )
هو عاش فى الخليج شوية كتار ودرس موسيقاهم وايقاعاتهم كما ينبغى .. انا فى اوائل عملى فى الفرقة الماسية كان كل مطربين الخليج بييجوا مصر بيقعد اسبوع بيسجل فيه كذا اغنية بيشتغل بيهم طول السنة .. لكن كان ساعتها الاغانى بدائية جدا يعنى تلاقى النوتة قدامك فيها سطر واحد او سطرين بالكتير هما المقدمة وهم المذهب وهم موسيقى الكوبليه وهما غناء الكوبليهات .. لكن حصلت طفرة خطيرة فجأة بظهور محمد عبده اللى اتأثر بموسيقانا ودرسها يعنى كان موهوب فى التلحين
حس انو ممكن يعمل مقدمة ومذهب وكوبليهات مختلفة ... لكن هنا كان فيه مشكلة خطيرة التدوين يعنى مين يدون النوتة عشان يسجلها ويبقى سهل الفرقة تعزفها وهنا جاء دور الموسيقار العبقرى ميشيل المصرى .. اللى دون النوتة بمنتهى السهولة بالنسبة له ... ( وللعلم النوتة دى طلعت عينى لنى زى ماقلت مش متخصص فى الخليجى )
طبعا بعد الاغنية جت التالية والتالية ... وظهر بعد كده ملحنين كتير يعنى سراج عمر وفوزى محسون ومحمد شفيق وعشرات من الموهوبين ... ولما انتشرت صناعة الفن الخليجى وبالطبع كانت مربحة جدا جدا ابتدا يظهر مدونين من الشباب راحوا الخليج وتقريبا سكنوا هناك وابتدا يبقى عند الخليجيين اكتفاء ذاتى من الفرق الموسيقية وخصوصا بعد ما الفرقة الماسية ما بقتش موجودة ... يعنى كان زمان محمد بده او طلال لما عندو حفلة فى سويسرا اوى اى مكان كان لازم ياخد الفرقة الماسية اترككم مع النوتة ويارب تعجبكم وانا طبعا عارف ان مش كلكم حاتعزفوها هى مضبوطة ان شاء الله لكن الادليب اللى بيغنيه محمد عبده انا حاولت اقربه الى اقصى درجة لكن مش ممكن اوصل للى بيقوله
واكرر ان حتى لو واحد وصل للى بيقوله حاجتين اولا حايبقى حاجات ماحدش حايعرف يقراها وثانيا لأن محمد عبده لو قال نفس الادليب تانى ممكن يغير فيه حاجات والنوتة تلخبطه ... حتى ايام الفرقة الماسية ( وانا طبعا عزفت معاه ييجى ..... كتير ) كان الادليب بيبقى ماسك بقدر الامكان عصب اللحن مش التفعيلات الدقيقة
مع اطيب تحياتى وربنا يستر لأنى زى ماقلت خايف لأنى كتبت حاجة مش تخصصى ممكن تعجب ناس وماتعجبش ناس تانة واخطر شىء بيلخبطنا فى الخليجى الايقاعات لأن بيبقى موجود عدد كبير من عازفى الايقاع وكلهم بيعزفوا حاجات عكس بعض وده شىء هم متعودين عليه لكن بالنسبة لنا احنا بنحس اننا ضايعين لن التداخلات الكتير دى بتطير منى الدوم وهى اللى بشتغل منها

[نور الصباح]

احبائى
اقدم لكم من اروع اغناى محمد عبده
فى امان الله ( الرسايل )
انا مش متخصص فى اللون السعودى لنه بيحتاج خبراء
كان الخبير بالموسيقى السعودية فى الفرقة الماسية الاستاذ ميشيل المصرى وبيرجع جزء كبير جدا جدا من تطور الموسيقى السعودية لهذا الموسيقار العبقرى ( وهو مؤلف تتر مسلسل ليالى الحلمية )
SSSSSSSSSSSSSSSSSSSSSSSSSSSSSSSSSSS

وشكرررررررررررررررررررررررررررررا
أخوكم
نور الصباح

[muhamadibra]

من قبل ما انزل النوته او اعزفها لا استطيع وصف مدي سعادتي لتدوين المايسترو ا عادل لطلبي وهو ثاني طلب يتحقق بعد نوتة وله يا وله فجزاه الله كل خير - وما حرمنا من عطائك ابدا - شكرا شكرا شكرا
د محمد ابراهيم

اخى العزيز
هى العملية مالهاش ضوابط قول دعا والدين قول اى حاجة
الصدفة ان دى اكتر اغنية بحبها لمحمد عبده ولما لقيتها مطلوبة ما قدرش امسك نفسى وابتديت ادون فيها وللعلم اخدت منى وقت طويل جدا يعنى اكتر من 3 مرات وانا بشتغل فيها اتعب واقول اركنها شوية بس حبيت اخلصها لأن زى ماقلت الخليجى له متخصصين يعنى كنت بقف على مازورة واحدة وقت واكتبها وامسحها عدة مرات لحد ما اوصل لأحلى حاجة ( والمشكلة كمان انى لازم احاول اكتبها سهلة عشان اكبر عدد من الاعضاء يقدر يعزفها ) لأن الخليجى بطبيعته صعب على المش خليجيين لأن تراكم الايقاعات الكتير بيخليك صعب تلقط اللحن
مع اطيب تحياتى

[منذر44]

استاذ عادل شكرا على نوتة الرسايل ....فما زلت تتحفنا بالمفاجآت الرائعة
واطمع منك بنوتة رائعة رياض السنباطي لعزيزة جلال..والتقينا.... ولك كل الوقت
ومنا لك كل التحية
منذر علي

[المنير]

السلام عليكم
ما حكاية منتدى "سمع الملوك"؟ بحيث اكتشفت بالصدفة أنني مسجل به بنفس المعلومات الشخصية الخاصة بالمنتدى سماعي الطرب. كما وجدت نفس المشاركات و نفس الردود في بعض الصفحات.
تحياتي

[muhamadibra]

استاذ في الخليجي كما انت استاذ في المصري - النوتة من اروع ما يكون
د محمد ابراهيم

[muhamadibra]

المشاركة الأصلية كتبت بواسطة muhamadibra

من قبل ما انزل النوته او اعزفها لا استطيع وصف مدي سعادتي لتدوين المايسترو ا عادل لطلبي وهو ثاني طلب يتحقق بعد نوتة وله يا وله فجزاه الله كل خير - وما حرمنا من عطائك ابدا - شكرا شكرا شكرا
د محمد ابراهيم

اخى العزيز
هى العملية مالهاش ضوابط قول دعا والدين قول اى حاجة
الصدفة ان دى اكتر اغنية بحبها لمحمد عبده ولما لقيتها مطلوبة ما قدرش امسك نفسى وابتديت ادون فيها وللعلم اخدت منى وقت طويل جدا يعنى اكتر من 3 مرات وانا بشتغل فيها اتعب واقول اركنها شوية بس حبيت اخلصها لأن زى ماقلت الخليجى له متخصصين يعنى كنت بقف على مازورة واحدة وقت واكتبها وامسحها عدة مرات لحد ما اوصل لأحلى حاجة ( والمشكلة كمان انى لازم احاول اكتبها سهلة عشان اكبر عدد من الاعضاء يقدر يعزفها ) لأن الخليجى بطبيعته صعب على المش خليجيين لأن تراكم الايقاعات الكتير بيخليك صعب تلقط اللحن
مع اطيب تحياتى

واناايضا احب اغنية لمحمد عبده هي الرسايل و سعيد بهذه النوتة جدا واسف علي ما سببته لك يا مايسترو من تعب وارهاق ولكنها تحفة رائعة من وجهة نظري المتواضعة

[basma2265]

السلام عليكم استاذنا العظيم

شكرا علي نوته الرسايل وعلي مجهودك داخل المنتدي

[عادل صموئيل]

احبائى

اقدم لكم من اغانى كارم محمود

مشغول عليك مشغول

فيه اخ سورى طلبها ولما ابتديت اسمع فيها لقيتها سهلة قلت ابتدى بيها لأنى كنت محتاجة حاجة سهلة بعد المجهود بتاع اغنية الرسايل بس لقيت الكوبليه التانى صعب جدا بس طبعا اللى عايز الاغنية دى اكيد حايتعب شوية ويعزفو
وامبارح اكتشفت ان الاغنية دى من اشهر اغانى كارم محمود فى سوريا ( زى ما عنابى من اشهر اغانيه فى تونس )

مع اطيب تحياتى

[نور الصباح]

احبائى
اقدم لكم من اغانى كارم محمود
مشغول عليك مشغول
فيه اخ سورى طلبها ولما ابتديت اسمع فيها لقيتها سهلة قلت ابتدى بيها لأنى كنت محتاجة حاجة سهلة بعد المجهود بتاع اغنية الرسايل بس لقيت الكوبليه التانى صعب جدا بس طبعا اللى عايز الاغنية دى اكيد حايتعب شوية ويعزفو
وامبارح اكتشفت ان الاغنية دى من اشهر اغانى كارم محمود فى سوريا ( زى ما عنابى من اشهر اغانيه فى تونس )
مع اطيب تحياتى
SSSSSSSSSSSSSSSSSSSSSSSSSSSSSSSSSSSSSSS

وشكرررررررررررررررررررررررررررررا
أخوكم
نور الصباح