طلبات نوتة أ / عادل صموئيل الجزء الثانى - الصفحة 171

**mahmoud feteih** · #**1701** 03/09/2013, 13h02

بصراحه الدكتور طارق نوتاته بتخلى الواحد يلف حوالين نفسه من حلاوتها اما الاستاذ عادل فموضوع مختلف وماينفعش الواحد يقول رأيه فى القائد والمعلم

**المبتدئ** · #**1702** 12/09/2013, 04h38

اتمنى لو احصل على نوته يازائرين في الضحى لفيروز ان امكن

جزاكم الله كل خير ووفقكم

**enooza** · #**1703** 14/09/2013, 12h22

انا عايزة نوتة اغنية حسين الجسمى تسلم ايديك انا مدرسة موسيقى ومحتاجاها عشان حفلة مدرسية بنحضر لها فى المدرسة ارجو حد يقدر يساعدنى و اكون شاكرة

**enooza** · #**1704** 14/09/2013, 12h44

مساء الخير وشكرا على المجهود الرائع

**nader1976** · #**1705** 16/09/2013, 03h48

اقتباس:

المشاركة الأصلية كتبت بواسطة enooza

انا عايزة نوتة اغنية حسين الجسمى تسلم ايديك انا مدرسة موسيقى ومحتاجاها عشان حفلة مدرسية بنحضر لها فى المدرسة ارجو حد يقدر يساعدنى و اكون شاكرة

النوتة موجوده بالصفحه التاليه من المنتدى:

http://www.sama3y.net/forum/showthre...t=93966&page=4

وهي من تدوين الاستاذ المبدع نزيه محمد

وبالمناسبه اناشد القائمين على الموقع باعداد فهرس لنوتات الاستاذ نزيه لتسهيل عملية البحث عن نوتات اغاني

**enooza** · #**1706** 16/09/2013, 16h54

مساء الخير اولا احب اشكرك حضرتك على المجهود العظيم
تانيا كنت عوزة اغنية ( حببتى من ظفيرها طل القمر بس تكون( -1) اى موسيقى بدون كلام اوغناء واغنية احمد جمال احلف بسماها وبتربها اللى غنها فى البرنامج اعرب ايدل
وللك جزير الشكر

**enooza** · #**1707** 16/09/2013, 18h18

مساء الخير اولا احب اشكرك حضرتك على المجهود العظيم تانيا كنت عوزة اغنية ( حببتى من ظفيرها طل القمر.. واغنية احمد جمال احلف بسماها وبتربها )اللى غنها فى البرنامج اعرب ايدل بس تكون( -1) اى موسيقى بدون كلام اوغناء) وللك جزير الشكر

**sayed_lv** · #**1708** 16/09/2013, 23h18

فييييين الاساتذة ؟؟؟
فييييين النااااس ؟؟؟
الاستاذ عادل زعلان مننا ولا ايه

؟؟؟
حال الصفحة لا يسر عدو ولا حبيب :/

**عمرو الهنداوي** · #**1709** 17/09/2013, 16h31

أنا مش عارف والله يا أستاذ سيد
الناس فين؟ واستاذ عادل زعلان ليه؟
وكل ما اكلم حد القيه مش عارف برضو السبب
وحاولت اكلم أستاذ عاصم بس هو مشغول في النقل من بيته القديم إلى الجديد
وأستاذ عادل مردش على الرسائل... فا مش عارف السبب ايه الحقيقية

**عادل صموئيل** · #**1710** 17/09/2013, 20h24

احبائى

اولا اشكر كل من سأل عنى فى غيابى وانا مش زعلان
انا متضرر جدا جدا من حال البلد , انا طول عمرى فى الموسيقى كنت بتعامل على انى هاوى مش محترف والفرق ان المحترف بيعمل شغله وخلاص بغض النظر عن ان بيحب اللى بيعمله ولكن بيعمل للمال , اما الهاوى لازم اولايكون بيحب اللى بيعمله وثانيا يبقى فيه المزاج والجو المناسب للعمل
اكتر واخطر مشكلة انا بعانى منها ودى وصلتنى لما يشبه الاكتئاب النفسى والتقوقع حاجتين
الحبس : يعنى انا متعود اخرج بسيارتى اروح مشوار طويل او قصير او اروح اى مكان لما احب اروح وحالة البلد والاضطرابات مش عارف اخرج تقريبا
محاولتهم لتخريب عقول المصريين : مصر حضارة 7000 سنة .. الحضارة دى ما جتش من فراغ او من عقول خاوية ولكن المصريين ناس بتفكر وتفهم والجماعة اياها وانصارها بيحاولوا انهم يخربوا العقول عن طريق تغيير جميع المفاهيم المتعارف عليها فى كل الدنيا ابسط شىء محاولة فرض كلمة غبية علينا اسمها الاسلام السياسى عمرنا ماسمعناها قبل 25 يناير المشؤوم ... الاسلام دين جميل ... والسياسة موضوع تانى وخلص الاتنين على بعض فى وجهة نظرى زى ما يكون عندك سيارة بتشمى بالبنزين وتملا التانك سولار , وحتى لما اخدوا الفرصة الاولى وخلوا واحتلوا مجلس الشعب اكتشفنا انهم عقول خاوية تعقد جلسات للحوار فى توافه الامور .. يعنى ماحدش منهم اتحاور فى اى موضوع يفيد البلد .. ولما مسكوا الرئاسة الاول قالوا مشروع النهضة قلنا نشوف ايه موضوع مشروع النهضة طلع ان مفيش حاجة اسمها مشروع النهضة اصلا ... مصر 92 مليون مواطن والاخوان اقصى عدد ممكن مليون
جانا رئيس بيتعامل فقط مع هذا الميون من الاهل والاقارب والعشيرة .. نعامل ان ال 90 مليون مصرى الى مش اخوان يعنى كائنات مش موجودة اصلا او مش شايفها .. ولما الشعب احس بان البلد لو استمرت اسبوع اكتر من كده استنجد بالجيش المصرى اللى وظيفته اصلا حماية الشعب وعندما يخل رئيس منتخب بواجبه تجاه الشعب هنا بتسقط شرعيته لكنهم تعاملوا معانا اما نحكمكم زى ما احنا عايزن واما نحرق مصر .. ومصر تمثل بالنسبة لهم فندق او اوتيل عايشين فيه ممكن يحرقوه ويروحوا يسكنوا فى فندق تانى لكن مصر بالنسبة لنا وطن وهم كلمة وطن دى مش فى القواميس بتاعتهم ... كلمات بتغيظنى يعنى ونا بكتب فيه مظاهرة تحت بيتى بتهتف اسلامية اسلامية نفسى افهم هى مصر من 1200 دولة اسلامية ولا بوذية ؟؟؟ يعنى مصر فيها اكتر من 70 الف مسلم تبقى دولة ايه .. ساعة الآذان
بتسمع وانت فى اى مكان صوت الله اكبر طالع من ميكروفونات اكتر من 20 مسجد متداخلة فى المكان اللى انت فيه فى وقت واحد تبقى مصر لسه مابقش اسلامية ؟
للخوة الاصدقاء اللى عمرهم مازاروا مصر احنا عندنا بين المسجد والمسجد الكبير مسافات قريبة وفى كل شارع تلاقى صاحب عمارة عامل مسجد صغير فى الدور الارضى وممكن يكون بين كل مسجد والآخر 200 متر
ساعة صلاة الجمعة بتتملأ المساجد بالمصلين وعادة مساحة المسجد مش بتكفيهم تلاقيهم بيفرشوا فى الشوارع اما المسجد عشان العدد يكفى يعنى لو ركبت طيارة وشفت مصر ساعة صلاة الجمعة تلاقى الشعب كله بيصلى يبقى لسه مصر ما بقتش اسلامية ؟؟؟؟ ولا الموضوع انتم جايبين دين جديد غير الدين الاسلامى اللى احنا نعرفه ؟؟ دين بيحض على الكذب والقتل والتكفير وكل اللى بنشوفه عمركم سمعتم انهم فى الصعيد بيرغموا ناس على دفع الجزية فى القرن الواحد والعشرين ؟
انا آسف للأطالة بس كنت مخنوق مع اطيب تحياتى