الهاشمي قروابي- 6 جانفي 1938- 17 جويلية 2006

**ridha26** · #1 08/04/2007, 19h01

أنا سعيد جدا لردك أولا أستاذ أحمد
وثانيا لإطلاعك على القوالب الموسيقية الجزائرية، وتحليلك للنص تحليلا جزئيا تفصيليا، ربما عجز عنه فنانون جزائريون.
أما فيما يخص الكلمات فأمهلني أرجوك حتى أضع الملفات هذه الأيام وأفتح صفخات للفنانين حتى يزدهر قسم الجزائر، ثم أعدك بوضع الكلمات كما هي في القصيدة دون الإعتماد على السمع والكتابة.
وإن لم أجد كتاب لقصائد القروابي عند صديقي عبد الحق، ولتحقيق وعدي فسأقوم بكتابتها سماعا تحقيقا لرغبتك وشرح الكلمات غير المفهومة.
مع العلم أنني سوف أقوم حالا برفع جزء من كلمات أغنية لرابح درياسة أيضا تتضمن البساطة والعمق في التعبير كأغلب القوالة الجزائرية السائدة في الأغاني، وهذه تحت الحساب هدية مني إليك.
مع تحياتي

**ridha26** · #2 09/04/2007, 19h28

إرضاء لطلب الأستاذ أحمد الديب،
هذه كلمات أغنية البارح للهاشمي قروابي مع شرح بعض الكلمات التي أظنها غير مفهومة

آه على الدهر خاني وقطع لاسباب
وأيام السرور كي المنام للي راها
الدهر يدور على الورى ماليه حراب
ما دام العبد تمتعت عينو بضياها
يزيان ضي الهلال بين نجوم سماها

البارح
وأنا بعزوبتي فارح
بالشوق والهوى سارح
كان في عمري عشرين

البارح
كانت لاموال تتلاوح (أي كثيرة)
صحة لابدان تترايح
يا زهرة السنين

البارح
كان في عمري عشرين
يا حسرة على عشرين

البارح
وأنا زاهي بشابابي
مع جملة أحبابي
الليل والدجى ومحالي
واحنايا سهرانين (احنايا: أي نحن)
بدعت في الريام عجبي (الريام: أي الكلمات)
لفظي رقيق عربي
واللي نحوزها ونكلمها (نحوزها: أي أفوز بها)
كانت تذبلي العين
البارح
كان في عمري عشرين

البارح
شط البحور وأمواجي
كان الغرام تهياجي
نصرف الشعور الشقرة (أظن من هذا الكلام كان يقصد المؤلف انتقاله من قصة حب إلى
ونلتهى بلخرين أخرى حال الشاب في فترة شبابه من وقوعه في الغرام أكثر من مرة)
وأنا مع الحباب ونتاجي (نتاجي: أي الذين هم في نفس سني)
الصغر والعقل الناجي
نخاطب القمر ونجومو
يفهم غير بالعين
البارح
كان في عمري عشرين

البارح
كان الزمان سلطاني
واليوم كي صار خلاني (كي صار خلاني: أي أن ما حدث هو تركه لي، فمعنى خلاني أي تركني)
حتى الشيب بدل لوني
رمى الظلام في العين
حسيت بالقبر ساماني (ساماني: أي اقترب مني، وفيه دليل على ابتداء تفكير الانسان فيما عليه من أخطاء ارتكبها
في الزهو والصغر نساني والحساب المنتظر ليختم المقولة بمسكين ولكن هذا لم ينفي اعتزازه
وبقيت كانخمم بتلك الفترة ونلاحظ ذلك بتفصيل أحداثها وغناء مراحل تلك الفترة بحنين وشوق إليها واضحين)
على ذاك لخلاص.. مسكين (كانخمم: أي يفكر كثيرا وبصفة متواصلة، انخمم أي أفكر)

البارح
كان في عمري عشرين

**ridha26** · #3 09/04/2007, 19h40

آش اداني ولاش مشيت

واش أداني ولاش مشيت
في البلاد البعيدة حطيت
يا درى نولي نشوف البيت (يا درى: يا هل ترى)
ونشوف بلادي كي ولات (كي ولات: كيف أصبحت)

خليت احبابي والصدقان
بيهم العشرة تزيان
حياة حلوة في لامان
مع خواني ماذا عديت (ماذا عديت: كم عشنا أوقات حلوة)

في البحر وشطوطو ذهبان
السهرة تحلى مع لخوان
الموسيقى بميزان
هكذا يتحققوا الحلات

ما حلى القعدة في سيدي فرج
مع ولاد الحلال اتفرج
السعيد وسيد أحمد
وعزيوز زين القعدات

زيد من ثمة لبوسماعيل
محمد وعمر بالدليل
في لجنان والغصان تميل
كول واشرب واعمل نشوات

السهرة في زمان الصيف
اللي نحبو ناشط وظريف
في كلامو مسرار خفيف (مسرار: جميل)
زادو تحفوه الموجات (زادو تحفوه: زادو في جماله)

هكذا نتهنى ونعيش
هكذا عيني ما تبكيش
ربي رزقوا ما يخطيش (أي لا ينقطع رزقه)
عاونونا يا أهل الدعوات

قولوا معايا يا لخوان
نشا الله البهجة تزيان (البهجة: يقصد الجزائر العاصمة فهو عاصمي)
اللي مغرب في كل مكان
يصبر ويساعف الأوقات

انشا الله هذا حد الباس (أي نهاية البأس والحزن)
مدام المتعال بي عساس
الهاشمي في كلامو قياس (الهاشمي: يقصد نفسه)
طايع شياخي والسادات

**ridha26** · #4 13/04/2007, 19h09

سلم يا من لام في الهوى

دعني يا لايمي على الفرقة نبكي
غابو عني حباب قلبي ما بانو
راني من وحشهم في حالة نحكي
كي الطير الوليف فارق أهلو ووطانو
في قفصو ضيق طال همو وحزانو

سلم يا من لام في الهوى
كف كلامك لا تلومني
سلم يا مسكين

....

**ridha26** · #5 15/04/2007, 18h41

الجزائر زينة البلدان

(وحداني غريب)

قلبي من كل هوى وعقلي صار شتات
وغصاني من فراق الحباب ذبالوا
غابوا عني ولا خبر عنهم يثبات
يا من درى كيف نسال اللي سالوا
نساو خيال وجيد وهيهات
وستكفاو بحب غيري وما قالوا
وإلا على العهد والمحبة لا زالوا

وحداني غريب ...
أنا عايش وحداني غريب
يا هاتف ليك العنوان
كلملي الوطن الحبيب
الجزائر زينة البلدان

ألو ألو ...
من فضلك كلميلي القصبة
ألو ألو ...
واش حالك يا حومة بابا (حومة: حارة)
ألو ألو
واش راهي بحذاك القبة
واش راهو حال وليد فلان
قوليلو راني في غربة
من وحشو شعلت نيران

ألو ألو ...
من فضلك ديريلي مزية (ديريلي مزية: اصنعيلي جميل)
ألو ألو ...
كلميلي المدنية
ألو ألو ...
راه الوحش كتر علي
من بلكور كبير الشان
اللي فيه ريحة والدي
واحبابي وناسي والجيران

ألو ألو ...
هولتيني واشنو هاذا (واشنو هاذا: ما هذا)
ألو ألو ...
نرجى في ساحة الشهدا
ألو ألو ...
لها في التاريخ سيادة
وعندو ما قال الفنان
وبوزريعة زين القعدة
مقابلها سانت أوجان

ألو ألو ...
من فضلك راني نستنى
الو ألو ...
هاذ الغربة طالت عنا
ألو ألو ...
نتمنى نشوف بيت الجنة
باب الواد كثير المحان
الأبيار ما بغى يعيطلنا (يعيطلنا: يتصل بنا)
ضرب النح وبقى غفلان (ضرب النح: تغافل عن السؤال عنا)

وحداني غريب ...
أنا عايش وحداني غريب

**ridha26** · #6 22/04/2007, 19h36

غالط في حسابك

يا راسي غر بيك شيطانك وغواك
وعمل ليك في عين الفلوس بحيرة (فلوس بفتح الفاء وشد اللام = طائر يعيش في الماء)
بسلاسل الحديد جرك للهلاك
وعملك منزلك في قاع الزمهريرة
فضحك بين العباد وفيوم الأخيرة
غالط في حسابك من لقريت منيت كتابك
شرع الله
...

**ridha26** · #7 22/04/2007, 19h42

واش ندير معاه

(أنا اللي الهوى ادايني)

**ridha26** · #8 22/04/2007, 19h46

روح الله يسهل

**Ajenoui Driss** · #9 25/02/2010, 23h24

مساء الخير، بهذه المناسبة العظيمة، المولد النبوي الشريف، أدخله المولى عز و جل عليكم باليمن و البركة
أقدم لكم المرحوم الهاشمي قروابي في هذا ـ المديح ـ

**يونس حريزي** · #10 28/06/2010, 17h55

دعني يا لايمي على الفرقة نبكي
غابو عني حباب قلبي ما بانو
راني من وحشهم في حالة نحكي
كي الطير الوليف فارق أهلو ووطانو
في قفصو ضيق طال همو وحزانو