عجبى

**محمد المراغى** · #1 09/03/2013, 18h05

قولت كلام .. كتير
وكلامى غير .... مسموع
وزرعت شجر الخير
ولا شجرة ليها .. فروع
وسفينتى ضاع الشراع
ومكسورة .. فيها القلوع
ولا عمرى قولت اليأس
والنبض بين ... الضلوع
وعجبى

**hasanh** · #2 13/03/2013, 10h44

اوقات افوق ويحل عني غبايا
واشعر كاني عرفت كل الخبايا
واني كأني حاقول كلام فيه العجب
ماقولشي غير كلمة غزل في الصبايا
عجبي

ياطير ياطاير في السما طز فيك
ماتفتكرشي ربنا مصطفيك
من التراب جيت وليه تعود
تمص فيه يا حلو ويمص فيك

عجبي

صلاح جاهين

**سعدالشرقاوى** · #3 21/04/2013, 15h26

ضرب محوّل بلدنا والسلوك ساحت
والحارة ولعت بحالها والولاد ناحت
وانا كنت عايش غرام مع خِلىّ وحبيبى
أتارى جيبى انشرط والمحفظة راحت
وعجبى