قوم يا مصري
***********
قوم يا مصري، مصر دايما بتناديك
خد بنصري، نصري دين واجب عليك
يوم ما سعدي راح هدر قدام عينيك
عد لي مجدي اللي ضيعته بإيديك
شوف جدودك في قبورهم ليل نهار
من جمودك كل عظمة بتستجار
فين آثارك ياللى دنست الآثار
دول فاتوا لك مجد وانت فوت عار
شفت اي بلاد يا مصري في الجمال
تيجي زي بلادك اللي ترابها مال
نيلها جي السعد منه حلال بلال
كل حي يفوز برزقه عيشته عال
يوم مبارك تم لك فيه السعود
حب جارك قبل ما تحب الوجود
من نصارى ومسلمين لازم نسود
دي العبارة نسل واحد م الجدود
ليه يا مصري كل أحوالك عجب
تشكى فقرك وانت ماشى فوق دهب
مصر جنة طول ما فيها انت يا نيل
عمر إبنك لم يعيش أبدا ذليل
يوم مبارك تم لك فيه السعود
حب جارك قبل ما تحب الوجود
من نصارى ومسلمين لازم نسود
دي العبارة نسل واحد م الجدود
*********
كلمات بديع خيري
الحان سيد درويش
1919
رد: كلمات الأغاني
العرض الشجري