طلبات نوتة أ / عادل صموئيل الجزء الثانى

**dorame** · #1 06/03/2013, 18h39

الاستاذ الكريم والفاضل عادل صموئيل
اختيارك لاغنية اسالك الرحيل جميل جدا لان ذوقك اجمل وفنك وكرمك اعلى
الاستاذ فواد
شكرا جزيلا لهذا المقال عن الاسطورة الفنية السنباطي لرائعته الاطلال وكم ارتاح عندما ارى كلام جميل عن السنباطي
الاستاذ عادل والاستاذ فواد
في حكاية عن اختلاف بين كلثوم والسنباطي عن اجر اللحن فافترقوا واتجهت الى اللالحان الوهابية وبليغ والموجي لكي توصل رسالة للسنباطي عن استطاعتها لتركة وبدا عبدالوهاب باول لحن انت عمري فصاح الجمهور وكتبت الصحف " ذهب العهد السنباطي وبدا العهد الوهابي" ولكن كبرياء السنباطي ظل حتى تاهت ام كلثوم بتلحين الاطلال فارشدوها ما لها الا السنباطي فاصلحوا بينهم بعد مضي سنتين وكان السنباطي خائف قليلا من ردت فعل الجمهور لانهم تعودوا قليلا على الاغاني الاسرع شوية ولكن كانت الاعجوبة وكتب الاعلام لا عهد الا عهد السنباطي فهل هذة رواية من الف ليلة وليلة ام هي حقيفية فعلا

تحياتي بكر الجنيد
اخى العزيز
انا بالطبع كنت لسه صغير وقت الموضوع ده وماكنتش دخلت الوسط الفنى لكن بخبرتى اللى اتعلمتها بالعمل معاهم فترة طويلة اقول اللى ممكن والله طبعا اعلم
الفنان المبدع اللى مثل ام كلثوم ( وكانت بخيلة جدا فى الحياة العامة ) لكن مش ممكن تبخل على فنها , يعنى رياض السنباطى الموسيسقار الوحيد اللى كانت ام كلثوم تسميه الموسيقار العبقرى
يعنى مش ممكن تستغنى عنه عشان اى فلوس مهما كانت وظل السنباطى لآخر لحظة بياخد اعلى اجر فى تلحينه لأم كلثوم وبرضاها التام
وقصة تلحين عبد الوهاب لأم كلثوم من الواقع ان كانت هى وعبد الوهاب معزومينفى سهرة موجود فيها الزعيم الراحل جمال عبد الناصر واصر انو يقعد على مائدة العشاء بينهم
وقال لهم ليه ماتتعاونش مع بعض يعنى اللى عند عبد الوهاب مع اللى عند ام كلثوم اكيد حايطلع شىء مبهر وفعلا الصحفيين سموا انت عمرى لقاء السحاب
ومن حسن حظ ام كلثوم ( ومن حسن حظ الجمهور ومن حسن حظ التاريخ ) اقول لك سر خطير ان عبد الوهاب كان من قبلها بوقت بطل غنا بشكل رسمى واتجه الى التلحين فام كلثوم ساعتها ستعتبر تتويجا لحياته العملية فى التلحين ... بمعنى انو لو كان لسه مطرب اعقد كان يخاف يلحن لأم كلثوم لأنها ممكن تاخد جزء من الهالة التى حوله
ولو تلاحظ ان فريد الاطرش الذى استمر مطربا لآخر لحظة فى حياته كان بيتردد يلحن بالذات لأم كلثوم وعبد الحليم علماً بأن كان فيه كلام اتذكر عدة مرات عن تعاون بينهم , لكن فريد لحن لكل المطربين اللى اقل من مكانته هو شخصيا كمطرب
القصص كثيرة والعلم عند الله لكن انا بكتب من منطلق انى كنت بدرس شخصية كل فنان اتعامل معه وخرجت بمعلومة خطيرة ان الذكاء موهبة مهمة جدا جدا للفنان بالإضافة الى مواهبه الفنية
يعنى لو اخذت عبد الحليم ومحمد قنديل كمثال ... قنديل لايقل عن حليم موهبة لكن عبد الحليم اذكى والذكاء هنا بيفتح كل الابواب المغلقة يعنى الملحنين يعطوا احلى ماعندهم للذكى لأنه الطريق الى الذكرى والتاريخ ... واليوم بعد ما مات الجميع بعدة عشرات من السنين ذهب الاشخاص وذهب المال ولكن بقى مانسمعه اليوم .... انت لما تسمع ام كلثوم تقول ياسلام الله يرحمها اد ايه كانت عظيمة ولما تسمع اى مطرب من بتوع اليوم تحس بمدى التفاهة
نسيت اقول حاجة مهمة : ان ام كلثوم كان لازم تتعامل مع ملحنين جدد غير السنباطى لسبب عشان التطور وماتبقاش فى ستايل واحد لأن الستايل الواحد بيبقى بتاع نوع واحد من الجمهور لكن التنويع بيلم حواليها جميع انواع الجمهور مع اختلاف اذواقهم
وعشان كمان ماتجيش سنة 1966 مثلا وتبقى ام كلثوم موضة قديمة وللعلم الخطير ايضا ان ام كلثوم بعد ما غنت للآخرين الحان السنباطى تطورت ايضا
مع اطيب تحياتى عادل صموئيل

**زينة الغريبي** · #2 06/03/2013, 20h03

شكرا أستاذ عادل
و ما هو جديدك في التدوين
هل فيه أغاني ثقيلة في طور التدوين

**عادل صموئيل** · #3 07/03/2013, 04h46

احبائى
اقدم لكم المرة موسيقى من العيار التقيل جدا

من مؤلفات عبد الوهاب الموسيقية

موسيقى ليالى لبنان

واديها للعزيزة المجتهدة زينة الغريبى هى طلبتها من فترة
هى النوتة مدونة من قبل موجودة فى المنتدى بس شكلها صعب جدا فظيع يعنى

انا دونتها بطريقتى اتمنى تعجبكم

مع اطيب تحياتى

**زينة الغريبي** · #4 08/03/2013, 14h04

اقتباس:

المشاركة الأصلية كتبت بواسطة عادل صموئيل

احبائى
اقدم لكم المرة موسيقى من العيار التقيل جدا

من مؤلفات عبد الوهاب الموسيقية

موسيقى ليالى لبنان

واديها للعزيزة المجتهدة زينة الغريبى هى طلبتها من فترة
هى النوتة مدونة من قبل موجودة فى المنتدى بس شكلها صعب جدا فظيع يعنى

انا دونتها بطريقتى اتمنى تعجبكم

مع اطيب تحياتى

تحية لك أستاذي أستاذ عادل
و شكرا على التحفة الخفيفة و هي حقيقة تدوينها سهلة جدا و لا تحتاج قرأة النوتة إلى كثير من التعب و هي سهلة سهلة جدا
زينة

**عمرو الهنداوي** · #5 28/03/2013, 20h49

اقتباس:

المشاركة الأصلية كتبت بواسطة هانم احمد

ممكن او سمحت نوته اغنيه ليالى الانس لاسمهان انا بعزف كمان ونفسى اعزفها اوووووووووى

ليالي الانس من تدوين أستاذ نقولا

**وائل علوي** · #6 28/03/2013, 21h17

استاذي الغالي عادل صموئيل ,, تحية طيبة
الاخوة الاعضاء الاحبة على قلبي تحية لكم جميعا
كل الشكر والاعتزاز والتقدير والحب لا يفي حقك علينا امام كل ماتقدمه لنا وللعالم من كنوز كانت ستظل مدفونه لولا رؤيتها النور على يديك الكريمة,, الواحد يغيب عن المنتدى كم يوم لظروف قاهرة يرجع يلاقي كم هائل من التحف--ربنا يبارك فيك ولا يحرمناش منك
وليا طلب بسيط عند حضرتك وهو بخصوص نوتة لا مش انا اللي ابكي لو ممكن تحويلها على (الفا ) كما هي في النوتة المرفقة اكون ممتنا لك
مع خالص تحياتي واشواقي لكم جميعا

**وائل علوي** · #7 25/04/2013, 18h06

اخي واستاذي الغالي عادل تحية طيبة ,,,
انا من البداية كنت طلبتها على درجة فا ووضعت نوتة مرفقة كما هو موضح في الرابط ادناه توضح طلبي معلش لو كنت قلت درجة لا بالخطأ انا اقصد فا زي ماحضرتك كتبتها الدليل سي بيمول
مع خالص تحياتي --ربنا ميحرمناش منك ابدااااا يا راجل يا طيب
http://www.sama3y.net/forum/showthre...96033&page=168

**المنير** · #8 25/04/2013, 18h27

‫ط¨ط±ظˆظپط© ظ†ط§ط¯ط±ط© ط§ط؛ظ†ظٹط© ط*ط¨ظٹط¨ظ‡ط§ ط¹ط¨ط¯ ط§ظ„ط*ظ„ظٹظ… ط*ط§ظپط¸ 1968 ط·ط¨ط±ظ‚ط© طھظˆظ†ط³‬â€ژ - YouTube
رائع يا أستاذ عادل نوتة مما يطلبه السميعة، أحييك من كل قلبي
يا ريت تعليق بسيط على البروفة الرائعة
تحياتي

**عزت شحاته** · #9 02/04/2013, 19h16

عندى عرض مسرحى ف الهناجر بالاوبرا
(نفس المكان اللى التقينا فية مع الاستاذ عادل)
على هامش مهرجان المسرح القومى
عرض مسرح شارع ( احذر منطقة امل )
عامل الحان العرض - على قدى طبعا -
العرض كان مرشح لليابان
لكن قليل البخت يلاقى ............
لو تشرفونى يوم الاحد أوالاتنين 7 و 8 / 4 -
هاكون سعيد جدا
https://www.facebook.com/photo.php?fbid=360224010752915&set=oa.502280306499 666&type=1&relevant_count=1&ref=nf
====================================
وانتهيت من عرض مسرحى ( الفيل يا ملك الزمان )
وحضرت لجنة للتقييم برئاسة دكتور سيد خطاب واثنت ع العمل والالحان التى قمت بتلحينها
وادعوا لنا يبقى لينا حظ ف التصفيات
http://www.el-balad.com/437575

**مجتهد مجتهد** · #10 02/04/2013, 21h04

السلام عليكم جميعا بدون استثناء
طلبت نوتة السيدة ام كلثوم __ انســـــــــااك ____ وان يكون كلام الاغنية فوق النوتة اي كما نشاهد في بعض النوتات حتى تكون سهلة علي
ولم اشــــــاهد من اخوتي من يلبي طلبي هذا فأتمنا لو من أحد منكم مســــــــــــاعدتي بهذا ولكم جزيل الشكر والامتنان

ونرجوا الله بان يعيد لنا الاســـــــــــــتاذ عادل صموئيل بالخـــــــــــــــــير والســـــــــــــــلامة

ملحوظة ,,,,, لماذا تظهر مشاركتي .. بهذا الخط الصغير ,, حاولت ان يكون الخط أكبر فلم أفلح اتمنا من الاخوة الكرام من يشرح لنا عن هذا ولكم جزيل الشكر والامتنان:

الاخ العزيز اولا عشان تظهر مشاركاتك بخط اكبر ظل الكلام بعدين فوق فيه حجم الخط اعمله 4 او 5

اما بالنسبة لكتابة الكلام على النوتة دى صعبة شوية
لكن انا دايما بكتب الموسيقى فين والغناء فين يعنى مثلا الكوبليه الاول انا كاتب غناء الكوبليه الاول وعامل علامة على مكان اين يبدأ حاول وحتلاقى الموضوع مشى مع اطيب تحياتى عادل صموئيل