كلمات أغاني عبد الحليم حافظ

**ليلى ابو مدين** · #1 19/02/2013, 22h16

بيع قلبك

**********

بيع قلبك بيع ودك .. شوف الشاري مين ؟
شوف عهدي مين بعدي .. حايصونهولك مين ؟
العهد اللي رعاك .. والقلب اللي فداك
أيامه عمرها بسنين .. شوف الشاري مين ؟
قبل ما تنسى العهد الغالي .. فكر ليلة وهات لياليه
شوف مين غيرنا قضى ليالي .. عايشه بعمر شبابي فيه
ح تلاقي خطوة قلبي وقلبك .. مستنيه هناك
شايلالي كلمة فضلت .. منك لما كنت معاك
واعمل إيه قوللي ياللي فاكرني .. بهجرك أعمل إيه
بيع قلبك ..
بتقول ناري تعبت قلبك .. مش دي النار اللي كان حبك
طاير في جنها وسارح .. ليه دلوقتي بتبعد عنها ليه
ليه دلوقتي بتهرب منها ليه ؟ ما هو النهار رده زي امبارح
أهجر على كيفك وانساني .. مسيرالأيام تجيبك تاني
وأعمل إيه قوللي يا اللي فاكرني .. بهجرك أعمل إيه
بيع قلبك ..
أنا يسعدني تبعد عني .. وتجرب غيري في هواك
شوف مين حبه أكتر مني .. لو شاف اللي أنا شفته معاك
ابني آماله وهدها .. واحسب دموعه وعدها
وتعالى قوللي بعدها .. هو حبيبك والا أنا
وأعمل إيه قوللي ياللي فاكرني .. بهجرك أعمل إيه
بيع قلبك .. بيع ودك..

**********

كلمات حسين السيد
الحان كمال الطويل
1957

**ليلى ابو مدين** · #2 19/02/2013, 22h16

حبيب حياتي

************

حبيــــــــــب حياتـــــــــــــــي ياللــــــــــــــــي آهاتــــــــــــــي
بتغيـــــــــــر عليــــــــــه مــن رمــــــــــــــــش عنيـــــــــــــــه
خـــــــلاص لقيــــــــــــــــــه وعرفـــــــــــــت بيتـــــــــــــــــه
واتلـــــــــــم شــــــــــــــــمل القلـــــــــــــب عليـــــــــــــــــه

كانت النجوم أقـــــــرب مـــن فــرحـتــي بلقـــــــــــاه
خفـت الأمـل يهـــــــرب تـــانــــي وأجـــــــــري وراه
كلمته وحايلتــــــــــــــه ومــاصــدق إنـي قابلتــــــــــه
وعرفته من صورتـــــــــه والروح من جوه جابت سيرته
حبيــــــــــب حياتـــــــــــــــي ياللــــــــــــــــي آهاتــــــــــــــي
بتغيـــــــــــر عليــــــــــه مــن رمــــــــــــــــش عنيـــــــــــــــه
خـــــــلاص لقيــــــــــــــــــه وعرفـــــــــــــت بيتـــــــــــــــــه
واتلـــــــــــم شــــــــــــــــمل القلـــــــــــــب عليـــــــــــــــــه

سافر وسـافـــــرت وراه ونسيت الدنيـا مـــــــــــــــعاه
وعنيه من كتر هـــــــواه وحشونـي وأنـا ويــــــــــــــاه
عاهدونــــي وخدونــــي وصاحبهم شلته ف عيونـــــــي
وعدونـي يزورونــــــــي وتاني يوم يقابلونـــــــــــــــي
حبيــــــــــب حياتـــــــــــــــي ياللــــــــــــــــي آهاتــــــــــــــي
بتغيـــــــــــر عليــــــــــه مــن رمــــــــــــــــش عنيـــــــــــــــه
خـــــــلاص لقيــــــــــــــــــه وعرفـــــــــــــت بيتـــــــــــــــــه
واتلـــــــــــم شــــــــــــــــمل القلـــــــــــــب عليـــــــــــــــــه

*************

كلمات حسين السيد
الحان كمال الطويل
1956

**ليلى ابو مدين** · #3 19/02/2013, 22h17

حرام يا نار

*********

حرام .. حرام يا نار
إيه إللي فاضل من حبي
حرام .. حرام ..
خليتي إيه من نار قلبي؟
حرام .. حرام .. يا نار ..
دنيا كانت غالية عليَّ شافت نعيمي أنا وهيَّ
كانت دموع العين
تيجي هنا وترتاح ..
دلوقتي حبكي فين ؟
مطرح عزابي راح ..
مش لاقي غير النار حواليه
حتى العدم حسدوني عليه ..!
ضحكتي ..أنا كنت سايبها هنا ..!
فرحتي .. كان قلبي شايلها هنا ..!
لوعتي .. دي أجمل عذاب .. أجمل عذاب .. شفته هنا ..!
مش لاقي غير النار حواليه ..
حتى العدم حسدوني عليه ..
حرام .. حرام .. يا نار
*********

كلمات حسين السيد
الحان محمد الموجي
1956

**ليلى ابو مدين** · #4 19/02/2013, 22h17

حلو وكداب

***********
حلو وكداب .. ليه صدقتك
الحق عليٌ .. اللي طاوعتك
حلو وكداب .. ليه صدقتك ..

---
ليه تكذب علي من اول ميعاد .. ده حرام الأسية
لو تطلب عيني .. امشيلك بلاد واجيبهم إليك
وفيها إيه لو جيتني تسلم .. بس وتفوتني
حلو وكداب .. ليه صدقتك ..

---
طولت انتظاري .. بين وهمي وناري .. وحيرت عيني
وايه اللي يجرى .. لو توعدني مرة .. وتعطف عليٌ
وفيها إيه لو جيتني تسلم .. بس وتفوتني
حلو وكداب .. ليه صدقتك ..

***********

كلمات مأمون الشناوي
الحان محمود الشريف
1956

**ليلى ابو مدين** · #5 19/02/2013, 22h18

صدفة

***********

كان يوم حبك أجمل صدفة .. لما قابلتك مرة صدفة
ياللي جمالك أجمل صدفة .. كان يوم حبك صدفة

صدفة قابلتك ولا على بالي .. شفت ساعتها جمال الدنيا
صدفة لقيتني إتغير حالي .. واتبدلت لوحدي في ثانية
خدني جمال الروح والخفة ..

أوعى تفكر يوم تخاصمني .. أو تهجرني ولو بالصدفة
وإن صادفك يوم ابقى صالحني .. ماتفتنيش استنى الصدفة
وارحمني من الشوق واللهفة ..
********

كلمات مأمون الشناوي
الحان كمال الطويل
1956

**ليلى ابو مدين** · #6 19/02/2013, 22h19

كان فيه زمان قلبين

************

كان فيه زمان قلبين .. الحب تالتهم
فردوا الهوا جناحين .. والدنيا ساعتهم
ضحكت لهم يومين .. وفي ليلة خانتهم
اتفرقوا الاثنين .. في عز فرحتهم
ليه وعشان إيه .. كل ده يجرى ليه
ليه...

كانوا اتواعدوا مع الفرحة .. في ساعة والزمن غفلان
وبعد الفرحة اتعاهدوا .. يعيشوا في أمل وحنان
زمن خاين غدر بيهم .. كانوا فاكرينه ناسيهم
أتاري الدنيا وأتاريهم....
بيتواعدوا على فرقة .. ويتعاهدوا على حرمان
ليه وعشان إيه .. كل دا يجرى ليه
ليه...
***********

كلمات حسين السيد
الحان محمد الموجي
1956

**ليلى ابو مدين** · #7 19/02/2013, 22h19

لو كنت يوم أنساك

************

لو كنت يوم أنساك .. إيه أفتكر تاني
بالي وخيالي معاك .. وكل وجداني
الحب اللي في قلبي .. والدمع اللي في عيني
والنار اللي في جنبي .. والشوق اللي كاويني
طول بعدك ولا مرة فاتوني ...
لو أنساك إزاي ينسوني ..
لو كنت يوم أنساك .. إيه أفتكر تاني

يا فايتني وهان حبي
على قلبك يا حبيبي
بادعيلك من قلبي
ماتشوفش تعذيبي
لا اللي قاسيته كان على بالي
ولا أوهامه جت في خيالي
لو كنت يوم أنساك
إيه أفتكر تاني

*********

كلمات مأمون الشناوي
الحان محمد الموجي
1956